ബഹിരാകാശരംഗത്ത് ഇന്ത്യയുടെ കൈയൊപ്പ്; സ്വകാര്യ കമ്പനിയുടെ വിക്രം-1 റോക്കറ്റ് വിക്ഷേപണം വിജയം
വിക്ഷേപണത്തിന് മുന്നോടിയായി, വ്യോമ - നാവിക ഗതാഗത നിയന്ത്രണ ഏജൻസികൾ വ്യോമാതിർത്തിയും നാവിഗേഷനും സംബന്ധിച്ച മുന്നറിയിപ്പുകൾ പുറപ്പെടുവിച്ചിരുന്നു. പൊതുജനങ്ങളുടെ സുരക്ഷ ഉറപ്പാക്കുന്നതിനായി വിക്ഷേപണ വേളയിൽ റോക്കറ്റിന്റെ സഞ്ചാരപഥത്തിലടക്കം നിയന്ത്രിത മേഖലകൾ പ്രഖ്യാപിച്ചിട്ടുണ്ട്. 'ആഗമൻ' എന്ന് പേരിട്ടിരിക്കുന്ന ഈ ദൗത്യം ആഗോള ഉപഗ്രഹ വിക്ഷേപണ രംഗത്ത് ഇന്ത്യയിലെ സ്വകാര്യ മേഖലയുടെ സാന്നിധ്യം ഉറപ്പിക്കുന്നതാണ്.ഇന്ത്യന് നാഷണല് സ്പേസ് പ്രൊമോഷന് ആന്ഡ് ഓതറസേഷന് സെന്ററിന്റെ കീഴില് സ്വകാര്യ സംരംഭകര്ക്ക് നല്കിയ പ്രോത്സാഹനവും വലിയ പിന്തുണയുമാണ് ഇത്തരമൊരു സംരംഭത്തിന് ജീവവായു പകര്ന്നത്. പ്രധാനമന്ത്രി നരേന്ദ്ര മോദി കൈപ്പടയില് എഴുതിയ, 'വന്ദേ മാതരം' എന്ന് രേഖപ്പെടുത്തിയ ഒരു പോസ്റ്റ്കാര്ഡും ഇപ്പോള് ഭൂമിയെ വലംവെക്കുന്നുണ്ട്. സ്കൈറൂട്ട് ടീം, നിക്ഷേപകര്, നയരൂപകര്ത്താക്കള്, ലോകമെമ്പാടുമുള്ള അഭ്യുദയകാംക്ഷികള് എന്നിവരില് നിന്നുള്ള സന്ദേശങ്ങളും ഇതിനൊപ്പം ബഹിരാകാശത്തെത്തിയിട്ടുണ്ട്.
ഈ നേട്ടത്തിലൂടെ, സര്ക്കാര് ഏജന്സികളുടെ മാത്രം കുത്തകയായിരുന്ന ബഹിരാകാശ മേഖലയില് സ്വകാര്യ സംരംഭങ്ങള്ക്കും വിജയിക്കാനാകുമെന്ന് ഇന്ത്യ തെളിയിച്ചു. ലോ എര്ത്ത് ഓര്ബിറ്റിലേക്ക് 350 കിലോഗ്രാം വരെ ഭാരം വഹിക്കാന് രൂപകല്പ്പന ചെയ്തിട്ടുള്ള വിക്രം-1 സര്ക്കാര്, സ്വകാര്യ സംരംഭങ്ങള് എന്നിവയുടെ സംയുക്ത പങ്കാളിത്തത്തോടെയുള്ള ഇന്ത്യയുടെ ബഹിരാകാശ ദൗത്യത്തെ പ്രതിഫലിപ്പിക്കുന്നു
പ്രൊഫ്. ജോൺ കുരാക്കാർ.
No comments:
Post a Comment