കേരളത്തിലെ കാ​യി​ക​രം​ഗ​ത്തിന്‍റെപെ​രു​മ വെ​റു​മൊ​രു പ​ഴ​ങ്ക​ഥ​യാ​കരുത് പ്രൊഫ്. ജോൺ കുരാക്കാർ

 

കേരളത്തിലെ കാ​യി​ക​രം​ഗ​ത്തിന്‍റെപെ​രു​മ  വെ​റു​മൊ​രു 

പ​ഴ​ങ്ക​ഥ​യാ​കരുത്

പ്രൊഫ്. ജോൺ കുരാക്കാർ

 

കേരളം ഒരുകാലത്ത് കായികരംഗത്ത് രാജ്യത്തിന് അഭിമാനമായിരുന്നു. ദേശീയ-അന്തർദേശീയ മത്സരങ്ങളിൽ കേരളത്തിന്റെ താരങ്ങൾ നേടിയ വിജയങ്ങളും മെഡലുകളും കായികചരിത്രത്തിലെ തിളക്കമുള്ള അധ്യായങ്ങളാണ്. അത്‌ലറ്റിക്സിലും ഫുട്ബോളിലും വോളിബോളിലും ഹോക്കിയിലും ബോക്സിംഗിലുമെല്ലാം കേരളം സ്വന്തം വ്യക്തിമുദ്ര പതിപ്പിച്ചിട്ടുണ്ട്.എന്നാൽ ഇന്ന് കേരളത്തിന്റെ കായികരംഗം അഭിമാനകരമായ ആ പഴയകാല നേട്ടങ്ങൾ ആവർത്തിക്കാൻ കഴിയാത്ത അവസ്ഥയിലേക്ക് നീങ്ങുകയാണോ എന്ന ചോദ്യം ഗൗരവത്തോടെ പരിശോധിക്കേണ്ടതുണ്ട്.കേരളത്തിലെ ഗ്രാമങ്ങളിലും നഗരങ്ങളിലും ഒട്ടേറെ കായികപ്രതിഭകളുണ്ട്. എന്നാൽ അവരെ കണ്ടെത്താനും പരിശീലിപ്പിക്കാനും ആവശ്യമായ അടിസ്ഥാന സൗകര്യങ്ങൾ ഒരുക്കുന്നതിൽ പലപ്പോഴും വീഴ്ച സംഭവിക്കുന്നു. കളിക്കളങ്ങളുടെ കുറവ്, ശാസ്ത്രീയ പരിശീലനത്തിന്റെ അഭാവം, സാമ്പത്തിക പ്രതിസന്ധി, കായികതാരങ്ങൾക്ക് ആവശ്യമായ പ്രോത്സാഹനം ലഭിക്കാത്തത് തുടങ്ങിയവ വളർന്നുവരുന്ന പ്രതിഭകൾക്ക് വലിയ തടസ്സങ്ങളാണ്. 

വിദ്യാഭ്യാസത്തിന് നൽകുന്ന പ്രാധാന്യം കായികരംഗത്തിനും നൽകണം. സ്കൂൾതലത്തിൽത്തന്നെ കുട്ടികളുടെ കായിക അഭിരുചികൾ കണ്ടെത്തി അവരെ പരിശീലിപ്പിക്കണം. കായികാധ്യാപകരുടെ സേവനം ഉറപ്പാക്കുകയും എല്ലാ പഞ്ചായത്തുകളിലും ആധുനിക സൗകര്യങ്ങളുള്ള കളിക്കളങ്ങൾ ഒരുക്കുകയും വേണം.കായികരംഗത്തെ നേട്ടങ്ങൾ വെറും മെഡലുകളുടെ എണ്ണത്തിൽ മാത്രം ഒതുങ്ങുന്നില്ല. ആരോഗ്യമുള്ള ഒരു തലമുറയെ വാർത്തെടുക്കുന്നതിനും അച്ചടക്കം, കൂട്ടായ്മ, ആത്മവിശ്വാസം, നേതൃത്വപാടവം എന്നിവ വളർത്തുന്നതിനും കായികപ്രവർത്തനങ്ങൾക്ക് വലിയ പങ്കുണ്ട്. സർക്കാർ പ്രഖ്യാപനങ്ങളിലും പദ്ധതികളിലും മാത്രം കായികവികസനം ഒതുങ്ങരുത്. കായികതാരങ്ങൾക്ക് മികച്ച പരിശീലനം, സാമ്പത്തിക സഹായം, ജോലി സുരക്ഷ, അന്താരാഷ്ട്ര നിലവാരത്തിലുള്ള പരിശീലനകേന്ദ്രങ്ങൾ എന്നിവ ഉറപ്പാക്കണം.പുതിയ തലമുറയ്ക്ക് പുതിയ വിജയഗാഥകൾ രചിക്കാനുള്ള അവസരങ്ങൾ സൃഷ്ടിക്കുകയാണ് വേണ്ടത്.കേരളത്തിന്റെ കായികപ്പെരുമ ഒരു പഴങ്കഥയായി മാറരുത്. അത് പുതിയ തലമുറയുടെ കരുത്തിലും കഠിനാധ്വാനത്തിലും പുതിയ ചരിത്രമായി വളരണം 

കായിക പ്രതിഭകളെ സ്കൂൾ തലത്തിൽ തന്നെ കണ്ടെത്തണം. സ്കൂളുകളിലെ കായിക മേളകൾ കേവലം സർട്ടിഫിക്കറ്റിന് വേണ്ടിയുള്ളതാകാതെ, യഥാർത്ഥ പ്രതിഭകളെ വളർത്തിയെടുക്കാനുള്ള വേദിയാകണം.ശാസ്ത്രീയ പരിശീലനം: കുട്ടിക്കാലം മുതൽക്കേ അത്യാധുനികവും ശാസ്ത്രീയവുമായ പരിശീലന രീതികൾ (Scientific Training) ഉറപ്പാക്കണം. കായിക അടിസ്ഥാന സൗകര്യങ്ങൾ (Infrastructure) ഗ്രാമങ്ങളിലെ കളിസ്ഥലങ്ങൾ: നഗരങ്ങളിൽ മാത്രമല്ല, ഗ്രാമപഞ്ചായത്തുകൾ തോറും മികച്ച കളിസ്ഥലങ്ങളും കായിക അക്കാദമികളും നിർമ്മിക്കണം.ആധുനിക സൗകര്യങ്ങൾ: നിലവിലുള്ള സ്റ്റേഡിയങ്ങൾ ശരിയായി പരിപാലിക്കുകയും, സിന്തറ്റിക് ട്രാക്കുകളും ഇൻഡോർ സ്റ്റേഡിയിങ്ങളും അന്താരാഷ്ട്ര നിലവാരത്തിലേക്ക് ഉയർത്തുകയും വേണം.

കായികതാരങ്ങൾക്ക് പിന്തുണയും തൊഴിൽ സുരക്ഷയും, സാമ്പത്തിക സഹായം: നിർദ്ധനരായ പ്രതിഭകൾക്ക് കൃത്യമായ സ്കോളർഷിപ്പുകളും മികച്ച ഭക്ഷണക്രമത്തിനുള്ള (Diet) സഹായവും നൽകണം. തൊഴിൽ ഉറപ്പ്: കായികരംഗത്ത് നേട്ടങ്ങൾ കൈവരിക്കുന്നവർക്ക് മികച്ച ജോലി ഉറപ്പാക്കുന്നത് വഴി കൂടുതൽ യുവാക്കൾ ഈ രംഗത്തേക്ക് കടന്നുവരാൻ പ്രേരിതരാകും. സ്പോർട്സ് ക്വാട്ട നിയമനങ്ങൾ സുതാര്യവും വേഗതയേറിയതുമാക്കണം.രാഷ്ട്രീയ അതിപ്രസരവും അഴിമതിയും ഒഴിവാക്കണം 

കായിക വിനോദം എന്നത് വെറുമൊരു മത്സരമല്ല, മറിച്ച് ശാരീരിക-മാനസിക ആരോഗ്യത്തിന് അത്യാവശ്യമാണെന്ന ബോധ്യം പുതിയ തലമുറയിൽ വളർത്തണം. മൊബൈൽ ഫോൺ സംസ്കാരത്തിൽ നിന്ന് കുട്ടികളെ കളിസ്ഥലങ്ങളിലേക്ക് തിരികെ കൊണ്ടുവരേണ്ടതുണ്ട്. മാറുന്ന ലോകത്തിനനുസരിച്ച് നമ്മുടെ പരിശീലന രീതികളും കായിക നയങ്ങളും നവീകരിച്ചെങ്കിൽ മാത്രമേ കേരളത്തിന് അതിന്റെ കായികമേധാവിത്വം തിരിച്ചുപിടിക്കാൻ സാധിക്കൂ. അടുത്തകാലത്തായി  എ​വി​ടെ പു​തി​യ താ​രോ​ദ​യം? പു​തി​യ വേ​ഗ​മെ​വി​ടെ, ദൂ​ര​മെ​വി​ടെ, ഉ​യ​ര​മെ​വി​ടെ? ഇ​ഞ്ചോ​ടി​ഞ്ചു പോ​രാ​ട്ട​ങ്ങ​ള്‍ വി​ര​ലി​ലെ​ണ്ണാ​വു​ന്ന മാ​ത്രം. വ​ലി​യ നി​ല​വാ​ര​ത്ത​ക​ര്‍​ച്ച​യു​ടെ ദ​യ​നീ​യ ചി​ത്രമാണ്  ഈ വർഷത്തെ മേളയിൽ കാണാൻ കഴിഞ്ഞത്

കായിക  മേ​ള​ക​ള്‍ ന​ന്നാ​യി സം​ഘ​ടി​പ്പി​ച്ചാ​ല്‍ എ​ളു​പ്പം കൈ​യ​ടി നേ​ടാം. എ​ന്നാ​ല്‍ മി​ക​ച്ച അ​ത്‌​ല​റ്റു​ക​ളെ വാ​ര്‍​ത്തെ​ടു​ക്കു​ക​യെ​ന്ന​ത്‌ ദീ​ര്‍​ഘ​കാ​ല പ്ലാ​നിം​ഗും നി​ര​ന്ത​ര​മാ​യ ജാ​ഗ്ര​ത​യും അ​ധ്വാ​ന​വും വേ​ണ്ട കാ​ര്യ​മാ​ണ്‌. അ​വി​ടെ ഗി​മ്മി​ക്കു​ക​ള്‍​ക്ക്‌ ഇ​ട​മി​ല്ല.ഇ​ക്കാ​ര്യം ഇ​വി​ടു​ത്തെ കാ​യി​കാ​ധ്യാ​പ​ക​ര്‍​ക്ക​റി​യാം. അ​ത്‌​ല​റ്റി​ക്‌​സി​നെ സ്‌​നേ​ഹി​ക്കു​ന്ന​വ​ര്‍​ക്ക​റി​യാം. കേ​ര​ള​ത്തി​ല്‍​നി​ന്നു​യ​ര്‍​ന്നു വ​ന്നു ഒ​ളി​മ്പി​ക്‌​സ്‌​വ​രെ ഇ​ന്ത്യ​ൻ കൊ​ടി പാ​റി​ച്ച കാ​യി​ക​താ​ര​ങ്ങ​ള്‍​ക്ക​റി​യാം. ഈ ​തി​രി​ച്ച​റി​വി​ല്ലാ​ത്ത​ത്‌ സ​ര്‍​ക്കാ​രു​ക​ള്‍​ക്കു മാ​ത്രം.​അ​വ​ര്‍​ക്ക​ത​റി​യാ​മാ​യി​രു​ന്നെ​ങ്കി​ല്‍ കേ​ര​ള​ത്തി​ലെ എ​ല്ലാ സ്‌​കൂ​ളു​ക​ളി​ലും കാ​യി​കാ​ധ്യാ​പ​ക​രും മി​ക​ച്ച കാ​യി​ക​പ​രി​ശീ​ല​ന​വും ജി​ല്ല​ക​ള്‍ തോ​റും മി​ക​ച്ച മൈ​താ​ന​ങ്ങ​ളു​മു​ണ്ടാ​കു​മാ​യി​രു​ന്നു. ഉ​യ​ര്‍​ന്ന കാ​യി​ക സം​സ്‌​കാ​രം ഇ​വി​ടെ വ​ള​ര്‍​ന്നു വ​രു​മാ​യി​രു​ന്നു. ഇന്ന്  നമ്മുടെ മൈതാനങ്ങളുടെ  സ്ഥിതി  ആശാവഹമല്ല ,പു​തി​യ ത​ല​മു​റ​യു​ടെ വി​ജ​യ​തൃ​ഷ്‌​ണ എ​വി​ടെ​പ്പോ​യി?

ത​ല​മു​റ​ക​ള്‍ മാ​റു​മ്പോ​ള്‍ സ​മീ​പ​ന​ത്തി​ല്‍ മാ​റ്റം വ​രും. സ്വ​ന്തം മു​റി​യി​ലെ കം​പ്യൂ​ട്ട​റി​നു മു​ന്നി​ലി​രു​ന്ന്‌ വി​ജ​യം നേ​ടാ​വു​ന്ന ഗെ​യി​മു​ക​ളു​ള്ള​പ്പോ​ള്‍ വെ​യി​ലു​കൊ​ണ്ട്‌ നി​ര​ന്ത​രം അ​ധ്വാ​നി​ച്ച്‌ നേ​ടു​ന്ന വി​ജ​യം ആ​ര്‍​ക്കു വേ​ണം എ​ന്ന​താ​കു​മോ കാ​ര്യം? അ​തോ സ്‌​പോ​ര്‍​ട്‌​സി​ല്‍ ജ​യി​ച്ചാ​ലും ജീ​വി​ത​ത്തി​ല്‍ തോ​ല്‍​വി​യാ​കു​മെ​ന്ന ഭ​യ​മാ​ണോ?

എ​ല്ലാ മേ​ഖ​ല​യി​ല്‍​നി​ന്നും ക​ഴി​വു​ള്ള​വ​ര്‍ വ​ള​ര്‍​ന്നു​വ​ര​ണം. അ​തി​ന്‌ വി​ദ്യാ​ഭ്യാ​സ വ​കു​പ്പും കാ​യി​ക​വ​കു​പ്പും ഒ​ത്തു​ചേ​ര്‍​ന്നു പ്ര​വ​ര്‍​ത്തി​ക്ക​ണം. പല സ്കൂളുകളിലും  കായിക അധ്യാപകരില്ല 'ഹ​യ​ര്‍ സെ​ക്ക​ന്‍​ഡ​റി​യി​ലും വൊ​ക്കേ​ഷ​ണ​ല്‍ ഹ​യ​ര്‍ സെ​ക്ക​ന്‍​ഡ​റി​യി​ലും കാ​യി​കാ​ധ്യാ​പ​ക​രേ​യി​ല്ല. ഈ ​ന​യം മാ​റ​ണം. കാ​യി​ക പ​രി​ശീ​ല​ന​ത്തി​നു​ള്ള കു​ട്ടി​ക​ളു​ടെ അ​വ​കാ​ശം ഉ​റ​പ്പാ​ക്ക​ണം. കാ​യി​ക​സാ​ക്ഷ​ര​ത​യെ​ന്ന​ത്‌ മ​ത്സ​ര​ങ്ങ​ള്‍​ക്കു പോ​കാ​ന്‍​വേ​ണ്ടി മാ​ത്ര​മു​ള്ള​ത​ല്ല. ആ​രോ​ഗ്യ​മു​ള്ള സ​മൂ​ഹ​ത്തി​നു​വേ​ണ്ടി​യു​ള്ള​താ​ണ്‌.ദീ​ര്‍​ഘ​വീ​ക്ഷ​ണ​ത്തോ​ടെ ചി​ന്തി​ക്കു​ക​യും പ്ര​വ​ര്‍​ത്തി​ക്കു​ക​യും ചെ​യ്യു​ന്ന സ​ര്‍​ക്കാ​രും അ​നു​ബ​ന്ധ കാ​യി​ക​സം​ഘ​ട​ന​ക​ളും ക​ഠി​നാ​ധ്വാ​നം ചെ​യ്യാ​ന്‍ സ​ന്ന​ദ്ധ​രാ​യ പ​രി​ശീ​ല​ക​രും അ​ത്‌​ല​റ്റു​ക​ളു​മു​ണ്ടാ​യാ​ല്‍ കേരളത്തിന്റെ  ശബ്ദം  ലോക കായിക വേദികളിൽഉയരും  അല്ലെങ്കിൽ നമ്മുടെ പെരുമ വെ​റു​മൊ​രു പ​ഴ​ങ്ക​ഥ​യാകും

 

പ്രൊഫ്. ജോൺ കുരാക്കാർ