കുടിവെള്ളം ജീവജലം
പ്രൊഫ്. ജോൺ കുരാക്കാർ
ജലത്തിൻറെ രാസ ഘടന ഇങ്ങനെയാണ് ജല തന്മാത്ര ഹൈഡ്രജൻറെയും ഓക്സിജൻറെയും ആറ്റങ്ങൾ അടങ്ങിയ ഒരു സംയുക്തമാണ്. ജലത്തിൻറെ രാസവാക്യം H2O എന്നാണ്. മൂന്ന് അവസ്ഥകളിലും പ്രകൃതിയിൽ കാണപ്പെടുന്ന ഒരേ ഒരു വസ്തു ജലമാണ് .വസ്തുക്കളെ ലയിപ്പിക്കാനുള്ള ഇതിൻറെ കഴിവിനെ കണക്കാക്കി ജലത്തെ സാർവത്രിക ലായകം എന്നും വിളിക്കാറുണ്ട്.ഭൂരിഭാഗവും മനുഷ്യൻ കാരണമാണ് ജലം മലിനമാകുന്നത്.
ഐക്യരാഷ്ട്രസംഘടന . ജലത്തിൻറെ പ്രാധാന്യം മനസ്സിലാക്കി 1993 മുതൽ എല്ലാ വർഷവും മാർച്ച് 22 ലോക ജലദിനമായി ആചരിച്ചുവരുന്നു .അതുകൊണ്ട് തന്നെ ഓരോ തുള്ളി ജലവും അമൂല്യമാണ് എന്ന് തിരിച്ചറിഞ്ഞുകൊണ്ട് ജലത്തിൻറെ മൂല്യം മനസ്സിലാക്കി മറ്റുള്ളവർക്ക് അത് മനസ്സിലാക്കി കൊടുത്തു ജലത്തെ പാഴാക്കാതിരിക്കുക.ഇ നിയൊരു ലോകമഹായുദ്ധമുണ്ടാകുമെങ്കില് അത് ജലത്തിനുവേണ്ടിയായിരിക്കുമെന്ന മുന്നറിയിപ്പ് നമ്മെ ജലസംരക്ഷണത്തിന്റെ പ്രാധാന്യം ഓര്മ്മപ്പെടുത്തുന്നു. ജലക്ഷാമം ഭാവിയില് സൃഷ്ടിച്ചേക്കാവുന്ന പ്രതിസന്ധിയും ദുരിതവും ദുരന്തവും എത്രത്തോളം ഭീതിദമാണെന്ന ഓര്മ്മപ്പെടുത്തല് കൂടിയാണ് ഈ ജലദിനം1992 ല് ബ്രസീലിലെ റിയോവില് യുഎന് കോണ്ഫ്രന്സ് ഓണ് എന്വയോണ്മെന്റ് ആന്ഡ് ഡവലപ്പ്മെന്റ്എന്ന പേരില് വിളിച്ചുകൂട്ടിയ സമ്മേളനത്തിലാണ് ജലസുരക്ഷയ്ക്കുവേണ്ടി ഒരു ആഗോള പ്രചാരപരിപാടിയും കര്മ്മപദ്ധതിയും വേണമെന്ന ആശയം ഉയര്ന്നുവന്നത്.1993 മാര്ച്ച് 22 ന് യുഎന് ജനറല് അസംബ്ലിയില് നടന്ന വിശദമായ ചര്ച്ചയ്ക്കുശേഷം ഈ ദിനം ലോക ജലദിനമായി പ്രഖ്യാപിച്ചു.
കേരളത്തിലെ 44 നദികളും വറ്റിവരണ്ടുകൊണ്ടിരിക്കുകയാണ്. പശ്ചിമഘട്ട മലനിരകളാണ് നമ്മുടെ പ്രധാന ജലസ്രോതസ്സ്. മരങ്ങളും മണ്ണും ഇഴുകിച്ചേര്ന്ന് പ്രകൃതി ഒരുക്കിയ വരദാനമാണ് പശ്ചിമഘട്ടം. അവിടെനിന്ന് നിര്ഗമിക്കുന്ന കൊച്ചരുവികള് വേനല്ക്കാലമായാലും നമ്മുടെ നദികളെ ജലസമ്പന്നമാക്കും. പെയ്യുന്ന മഴയിലൂടെ ഊര്ന്നിറങ്ങുന്ന ജലത്തെ ഏറ്റുവാങ്ങി ഭൂഗര്ഭത്തില് സംഭരിക്കുകയും അത് കുളം, കിണര്, പുഴ തുടങ്ങിയ ജലസംഭരണികളിലേക്ക് പകര്ന്ന് നല്കുകയും ചെയ്യുന്നു. ജലവിതാനം എപ്പോഴും താഴാതെ സുരക്ഷിതമായി നിലനിര്ത്താന് ഇത് സഹായകമാകും. പക്ഷേ ജലസ്രോതസ്സുകള് അനുദിനം ക്ഷയിച്ചുവരുന്ന ഇന്നത്തെ ചുറ്റുപാടില് ഭൂഗര്ഭജലവിതാനം താണുകൊണ്ടിരിക്കുന്നു. വളരെ ആപത്കരമായ ഒരു സ്ഥിതിവിശേഷമാണ് സംജാതമായിട്ടുള്ളത്. ജലം കിട്ടാക്കനിയാവുകയും ജീവജാലങ്ങള്ക്ക് നിലനില്ക്കാനാവാതിരിക്കുകയും ചെയ്താല് മനുഷ്യരാശിയുടെ ഭാവി എന്തായിരിക്കുമെന്ന് ഊഹിക്കാവുന്നതേയുള്ളൂ.
വെള്ളം ഒരു സുപ്രഭാതത്തില് നമ്മുടെ ജലസ്രോതസ്സുകളില് നിന്നും അപ്രത്യക്ഷമാകുന്ന അവസ്ഥ സങ്കല്പ്പിച്ചുനോക്കൂ. എന്തായിരിക്കും നമ്മുടെ ഓരോരുത്തരുടെയും അവസ്ഥ.വരള്ച്ച നേരിടുമ്പോള് വെള്ളത്തിന് വേണ്ടി നെട്ടോട്ടമോടുന്ന ജനതയെയാണ് നാം കാണുന്നത് .നമ്മുടെ ദൈനംദിന ആവശ്യത്തിനായി എത്ര ലിറ്റര് വെള്ളം വിലകൊടുത്ത് വാങ്ങുവാന് കഴിയുംലോകത്ത് ഏറ്റവും വിലപിടിപ്പുള്ള സാധനം ഏതാണെന്ന് ചോദിച്ചാൽ ഒറ്റ ഉത്തരമേയുള്ളൂ, അത് മറ്റൊന്നുമല്ല നമ്മുടെ ജീവന്റെ ജീവനായ കുടിവെള്ളം തന്നെ. വെള്ളം കുടിക്കാനും കുളിക്കാനും മാത്രമല്ല ഭക്ഷണം പാകം ചെയ്യാനും അലക്കാനും തുടങ്ങി നിരവധി ആവശ്യങ്ങൾക്ക് അത്യാവശ്യമാണ്. വെള്ളത്തിന്റെ 70 ശതമാനവും നാം കൃഷിക്ക് വേണ്ടിയാണ് ഉപയോഗിച്ചുവരുന്നത്. പ്ലാറ്റിനം, സ്വർണം, പെട്രോൾ തുടങ്ങിയവ വിലപിടിപ്പുള്ളതാണെങ്കിലും വെള്ളത്തിന്റെ മുമ്പിൽ ഇവ ഒന്നും അല്ല. അതുകൊണ്ടുതന്നെ വെള്ളത്തെ നമുക്ക് 'ബ്ലൂ ഗോൾഡ്' അഥവാ 'നീലസ്വർണം' എന്ന് വിളിക്കാവുന്നതാണ്.
വെള്ളമില്ലെങ്കിൽ ഭൂമിയിൽ മനഷ്യനടക്കം സർവചരാചരങ്ങളും ഇല്ലാതാകും.. ജീവന്റെ ആധാരം വെള്ളമാണല്ലോ. ഒരു മനുഷ്യന് കുടിക്കാനായി പ്രതിദിനം ശരാശരി 3 ലിറ്റർ വെള്ളം വേണം. ഭക്ഷണം ഉണ്ടാക്കാൻ തുടങ്ങി നിരവധി ആവശ്യങ്ങൾക്കായി ലോകാരോഗ്യ സംഘടനയുടെ കണക്ക് പ്രകാരം 150 ലിറ്റർ ജലമാണ് ദിനംപ്രതി വേണ്ടിവരിക. എന്നാൽ അത് വെറുതെ പ്രകൃതിയിൽ നിന്നും കിട്ടുന്നതുകൊണ്ട് അവയ്ക്ക് പലരും ഒരു വിലയും നൽകുന്നില്ല. എന്നാൽ കടയിൽ നിന്നും ഒരു ലിറ്റർ മിനറൽ വാട്ടർ വാങ്ങുമ്പോൾ 20 രൂപ കൊടുക്കണം. അപ്പോൾ അത് നാം മൂല്യം അറിഞ്ഞുകൊണ്ട് ഉപയോഗിക്കുന്നു.
No comments:
Post a Comment