നൈജീരിയയില്‍ രണ്ടരലക്ഷം കുട്ടികള്‍ പട്ടിണി കിടക്കുന്നു

നൈജീരിയയില്‍ രണ്ടരലക്ഷം കുട്ടികള്‍ പട്ടിണി കിടക്കുന്നു

നൈജീരിയയില്‍ ബോകോഹറം തീവ്രവാദികള്‍ കൈയടക്കിവെച്ചിരുന്ന ബോര്‍ണോ സ്‌റ്റേറ്റില്‍ ലക്ഷക്കണക്കിന് കുട്ടികള്‍ പട്ടിണിയിലാണെന്ന് യൂനിസെഫ്. 10 ലക്ഷത്തോളം കുട്ടികളില്‍ രണ്ടരലക്ഷം പേരും പോഷകാഹാരം ലഭിക്കാതെ പ്രയാസപ്പെടുകയാണ്. എത്രയും പെട്ടെന്ന് ഭക്ഷണവും ചികിത്സയും ലഭിച്ചില്ലെങ്കില്‍ കുട്ടികളുടെ കൂട്ടമരണം സംഭവിക്കുമെന്ന് സംഘടന മുന്നറിയിപ്പുനല്‍കി.

ബോകോഹറം തീവ്രവാദികളുടെ നിയന്ത്രണത്തിലായിരിക്കെ പല പ്രദേശങ്ങളിലും ഭക്ഷണവും വെള്ളവുമുണ്ടായിരുന്നില്ല. ആളുകളെ പട്ടിണിക്കിട്ട് കൊല്ലാനായിരുന്നു തീവ്രവാദികളുടെ ശ്രമം. കുട്ടികളെ പട്ടിണി മരണത്തില്‍നിന്ന് രക്ഷിക്കാന്‍ അന്താരാഷ്ട്ര സമൂഹം ജാഗ്രത പാലിക്കണമെന്ന് യൂനിസെഫിന്റെ ആഫ്രിക്കന്‍ മേഖലാ ഡയറക്ടര്‍ മാനുവല്‍ ഫൗണ്ടെയിന്‍ ആവശ്യപ്പെട്ടു.

തകര്‍ന്ന കെട്ടിടങ്ങളും വീടുകള്‍ നഷ്ടപ്പെട്ട് ദുരിത ജീവിതം നയിക്കുന്ന പതിനായിരങ്ങളെയുമാണ് താന്‍ ബോര്‍ണോയില്‍ കണ്ടതെന്ന് അദ്ദേഹം പറഞ്ഞു. ആയിരക്കണക്കിന് കുട്ടികള്‍ ഭക്ഷണം കിട്ടാതെ അവശനിലയിലാണ്.

Prof. John Kurakar