പുനര്‍ മതപരിവര്‍ത്തനം നിരോധിക്കണമെന്ന്‌ സി.പി.എം പോളിറ്റ്‌ ബ്യൂറോ
വിശ്വഹിന്ദു പരിഷത്തിന്റെ നേതൃത്വത്തില്‍ നടക്കുന്ന മതപരിവര്‍ത്തനത്തിനെതിരെ സി.പി.എം പോളിറ്റ്‌ ബ്യൂറോ. പുനര്‍ മതപരിവര്‍ത്തനം നിരോധിക്കണമെന്ന്‌ സി.പി.എം പി.ബി ആവശ്യപ്പെട്ടു. പുനര്‍ മതപരിവര്‍ത്തനം ന്യൂനപക്ഷങ്ങള്‍ക്കെതിരായ നീക്കമാണെന്നും ഇത്‌ ക്രിമിനല്‍ കുറ്റമായി പരിഗണിച്ച്‌ നടപടി എടുക്കണമെന്നും സി.പി.എം പി.ബി ആവശ്യപ്പെട്ടു.
അതേസമയം ആലപ്പുഴയ്‌ക്ക് പിന്നാലെ കൊല്ലത്തും മതപരിവര്‍ത്തനം നടത്തിയതായി റിപ്പോര്‍ട്ട്‌. കൊല്ലത്ത്‌ ഒരു കുടുംബത്തിലെ മൂന്ന്‌ പേരെയാണ്‌ മതം മാറ്റിയത്‌. അമ്മയെയും രണ്ട്‌ പെണ്‍ മക്കളെയുമാണ്‌ പരിവര്‍ത്തനം ചെയ്‌തത്‌. കൊല്ലം ജില്ലയിലെ അഞ്ചലിന്‌ സമീപത്താണ്‌ സംഭവം. ആലപ്പുഴയില്‍ 8 കുടുംബങ്ങളിലെ 30 പേരെയാണ്‌ മതപരിവര്‍ത്തനം ചെയ്‌തത്‌. നേരത്തെ ക്രിസ്‌തുമതം സ്വീകരിച്ച ഇവരെ ഹിന്ദു മതത്തിലേക്ക്‌ തിരികെ ചേര്‍ക്കുകയായിരുന്നു. മതം മാറാന്‍ താല്‍പ്പര്യം പ്രകടിപ്പിക്കുന്നവരെ മതപരിവര്‍ത്തനം ചെയ്യുമെന്ന്‌ വിശ്വഹിന്ദു പരിഷത്ത്‌ വ്യക്‌തമാക്കി.
പ്രൊഫ്‌.ജോണ്‍ കുരാക്കാർ
No comments:
Post a Comment