കേരളകൗമുദി സബ് എഡിറ്റർ കൃഷ്ണകുമാറും പിതാവും വീട്ടിൽ ഷോക്കേറ്റ് മരിച്ചു
കേരളകൗമുദി കോട്ടയം യൂണിറ്റിലെ സബ് എഡിറ്റർ കൊട്ടാരക്കര വെണ്ടാർ കാന്പിലഴിമാരേത്ത് മേലേതിൽ സി.കൃഷ്ണകുമാറും (34) പിതാവ് ചന്ദ്രശേഖരൻ പിള്ള (66)യും ഷോക്കേറ്റ് മരിച്ചു.വീട്ടിൽ അയയിൽ തുണി വിരിക്കാൻ ശ്രമിക്കുന്നതിനിടെ പന്പ്സെറ്റിൽ നിന്നുള്ള വയറിൽ തട്ടിയാണ് ഷോക്കേറ്റത്. കൃഷ്ണകുമാറിനെ രക്ഷിക്കാൻ ശ്രമിക്കുന്നതിനിടെയാണ് പിതാവിന് ഷോക്കേറ്റത്. ഇന്ന് രാവിലെയായിരുന്നു അപകടം. പന്പ്സെറ്റ് ഈ സമയം പ്രവർത്തിക്കുകയായിരുന്നു. വീട്ടിൽ മറ്റാരുമില്ലായിരുന്നു. വെള്ളം ടാങ്ക് കവിഞ്ഞൊഴുകുന്നത് കണ്ട് അയൽക്കാർ എത്തിയപ്പോഴാണ് അപകടത്തെക്കുറിച്ച് അറിഞ്ഞത്. അമ്മ: ലളിതാഭായി അമ്മ, ലക്ഷ്മിയാണ് കൃഷ്ണകുമാറിന്റെ ഭാര്യ, മകൾ: അമൃതവർഷിണി. ഇന്ദുലേഖ(യു.എസ്)യാണ് സഹോദരി. സഹോദരൻ രാജേഷ് കുളക്കട പഞ്ചായത്ത് അംഗമാണ്. സംസ്കാരം വ്യാഴാഴ്ച
പ്രൊഫ്. ജോണ് കുരാക്കാർ
No comments:
Post a Comment