രാജ്യത്തിന്റെ മാനവും പോയി ജനാധിപത്യത്തിന്റെ ഹിംസയും നടന്നു

രാജ്യത്തിന്റെമാനവുംപോയി
ജനാധിപത്യത്തിന്റെഹിംസയുംനടന്നു

ലോകത്തെ ഏറ്റവും വലിയ ജനാധിപത്യരാജ്യമാണ്  ഭാരതം . രാജ്യത്ത്  ഇന്നലെ അരങ്ങേറിയതു സമാനതകളില്ലാത്ത ജനാധിപത്യഹിംസതന്നെയാണ്  യു.പി.എ. സര്ക്കാരിന്റെ അവസാന പാര്ലമെന്റ് സമ്മേളനം നാണക്കേടിന്റെ സമ്മേളനമായി  മാറി . ഇന്നലെ തെലുങ്കാന ബില് അവതരണവേളയില് സഭയ്ക്കുള്ളിലും പുറത്തും ലജ്ജാവഹമായ പ്രകടനങ്ങലാണ് എം.പിമാരില്നിന്നുണ്ടായത്. 17 എം.പിമാരെ സസ്പെന്ഡ് ചെയ്തു. ലോക സഭയും രാജസഭയും പ്രക്ഷുബ്ധമായിരുന്നു.ആന്ധ്രാപ്രദേശ് വിഭജിച്ചു തെലുങ്കാന രൂപീകരിക്കുന്നതിനെതിരായുള്ള പ്രതിഷേധമാണു ജനാധിപത്യ ധ്വംസത്ത്തിനു  കാരണമായത്‌ .  ആന്ധ്രയില് മാസങ്ങള്ക്കു മുമ്പേ തുടങ്ങിയ പ്രക്ഷോഭങ്ങളുടെ തുടർച്ചയായിട്ടാണ്  ഇന്നലെ ലോക്സഭയില്. ബില് അവതരണം തടസപ്പെടുത്താനായി സീമാന്ധ്രമേഖലയിലെ കോണ്ഗ്രസ് എം.പിമാര് സ്പീക്കര്ക്കു നേരേ പാഞ്ഞടുത്തതോടെയാണു പ്രശ്നങ്ങള് ആരംഭിച്ചത്. കമ്പ്യൂട്ടറുകള് അടിച്ചുപൊട്ടിച്ചു, രേഖകള് കീറിയെറിഞ്ഞു. ഇതിനിടെ സീമാന്ധ്രയില്നിന്നുള്ള കോണ്ഗ്രസ് എം.പി: എല്. രാജഗോപാല് കുരുമുളകു സ്പ്രേ പ്രയോഗിച്ചു. പിന്നാലെ ടി.ഡി.പിയിലെ എം.പി: സി. രമേഷ് സ്പീക്കറുടെ മൈക്ക് തകര്ത്തു. ഒരു എം.പി. കത്തി കാണിച്ചെന്നും ആരോപണമുണ്ട്. മുളകുപ്രയോഗത്തില് സ്പീക്കര് മീരാകുമാറിന്റെയടക്കം കണ്ണും തൊണ്ടയും എരിഞ്ഞു. എന്തോ വിഷവാതകപ്രയോഗമാണു നടന്നതെന്ന പ്രചാരണംകൂടിയുണ്ടായതോടെ എം.പിമാര്  പാർലമെന്റിൻല്ര്മെന്റിനു പുറത്തേക്കു പാഞ്ഞു. രാജഗോപാലിനെ മര്ദിച്ചെന്നാരോപിച്ചു വീണ്ടും സംഘര്ഷമുണ്ടായി. പാര്ലമെന്റിനു പുറത്തും സ്ഥിതി വിഭിന്നമായിരുന്നില്ല. ആന്ധ്രയില്നിന്നുള്ള എന്. വേണുഗോപാലറെഡ്ഡി ജീവനൊടുക്കാനുള്ള ശ്രമവും നടത്തിയതോടെ അകവും പുറവും ഒരുപോലെ എരിഞ്ഞു. സംഘര്ഷത്തില് എം.പിമാരില് ചിലരെ ആശുപത്രിയില് പ്രവേശിപ്പിക്കേണ്ടിവരുകയും ചെയ്തു.

            കേട്ടുകേള്വിയില്ലാത്ത ഇത്തരം സംഭവങ്ങള് ജനാധിപത്യ വിശ്വാസികളുടെ മനസുമടുപ്പിക്കുമെന്നു തീര്ച്ച. മാത്രമല്ല, ഇതൊക്കെ ആഗോളസമൂഹത്തില് ഇന്ത്യയുടെ മുഖം വികൃതമാക്കുകയും ചെയ്തു. സഭയ്ക്കുള്ളിലോ പുറത്തോ പ്രതിഷേധിക്കാന് ആര്ക്കും അവകാശമുണ്ട്. പക്ഷേ, അതിരു കടക്കരുതെന്നു മാത്രം. ഇതിനിടെ ബില് ആഭ്യന്തരമന്ത്രി സുശീല്കുമാര് ഷിന്ഡേ അവതരിപ്പിച്ചെന്നും ഇല്ലെന്നും എം.പിമാരില്നിന്നു ഭിന്നാഭിപ്രായം ഉയര്ന്നു. എന്നാല്, ബില് അവതരിപ്പിച്ചതായി സര്ക്കാര് വ്യക്തമാക്കി. ബുധനാഴ്ച ഇടക്കാല റെയില്വേ ബജറ്റ് അവതരിപ്പിച്ചപ്പോഴും സഭ ബഹളത്തില് മുങ്ങിയിരുന്നു. വായന മുഴുമിക്കാന് കഴിയാതെ ഒടുവില് ബജറ്റ് സഭയുടെ മേശപ്പുറത്തുവച്ച് മന്ത്രിക്കു പിന്വാങ്ങേണ്ടിവന്നു.കത്തിയും കുരുമുളക് സ്പ്രേയുമൊക്കെയായിട്ടാണ് നമ്മുടെ എം.പിമാര് പാര്ലമെന്റില് എത്തിയതെന്നത് അവിശ്വസനീയമെന്നേ പറയേണ്ടൂ. നിന്ദ്യവും അപലപനീയവുമായ ഇത്തരം നടപടികള് തത്സമയം രാജ്യം മുഴുവന് കണ്ടു തലകുനിച്ചു. പ്രബുദ്ധമെന്നു നാം ഉദ്ഘോഷിക്കുന്ന നമ്മുടെ ജനാധിപത്യം ഈയൊരൊറ്റ സംഭവംകൊണ്ട് കുരുതികൊടുക്കപ്പെട്ടു. രാജ്യം പൊതുതെരഞ്ഞെടുപ്പിന്റെ പടിവാതിലില് നില്ക്കുമ്പോഴാണ് ഈ തീരാക്കളങ്കം വന്നു ഭവിച്ചത്. ഓരോ പാര്ലമെന്റ് സമ്മേളനത്തിനും കോടിക്കണക്കിനു രൂപയാണ് ചെലവഴിക്കുന്നത്. നീതിപൂര്വകമല്ലാത്ത ഇത്തരം പ്രതിഷേധ മാര്ഗങ്ങളിലൂടെ നഷ്ടമാകുന്നത് ജനങ്ങളുടെ പണവും രാജ്യത്തിന്റെ മാനവുമാണെന്നു എന്നാണിനി ജനപ്രതിനിധികള് തിരിച്ചറിയുക?

                                      പ്രൊഫ്‌. ജോണ്‍ കുരാക്കാർ