മേളയ്ക്ക് നിലവാരമില്ല - ലെനിന് രാജേന്ദ്രന് , ഡോ. ബിജു
നിലവാരമുള്ള സിനിമകളില്ല
രാജ്യാന്തര ചലച്ചിത്രോത്സവത്തില് നിലവാരമുള്ള സിനിമകളില്ലെന്ന് സംവിധായകരായ ലെനിന് രാജേന്ദ്രനും ഡോ. ബിജുവും പറഞ്ഞു. ''മേളയുടെ സാമ്പത്തിക വിനിയോഗവും ചെലവും സോഷ്യല് ഓഡിറ്റിന് വിധേയമാക്കണം. മേളയുടെ നടത്തിപ്പില് അപാകമുണ്ട്. നല്ല സിനിമകള് ഇക്കുറി മേളയിലില്ല. നല്ല സിനിമകള് തിരഞ്ഞെടുക്കാന് സെലക്ഷന് കമ്മിറ്റിക്കായില്ല. വാണിജ്യസിനിമകളാണ് മേളയില് പ്രദര്ശിപ്പിക്കുന്നവയിലേറെയും. ഇത്രയും നിലവാരം കുറഞ്ഞ മേള ചരിത്രത്തിലില്ല''- ലെനിന് രാജേന്ദ്രന് പറഞ്ഞു. കൈരളി തിയേറ്ററിന് മുന്നില് തിങ്ങിനിറഞ്ഞ മാധ്യമപ്രവര്ത്തകര്ക്ക് മുമ്പാകെയാണ് പരാതിയുമായി ലെനിന് രാജേന്ദ്രനും ബിജുവുമെത്തിയത്. മേളയിലുള്ക്കൊള്ളിക്കാത്ത സിനിമ പോലും ചലച്ചിത്ര അക്കാദമിയുടെ ചെലവില് പ്രദര്ശിപ്പിക്കുന്നതിനെതിരെയും പ്രതിഷേധമുയര്ന്നു. 'ആമേന്', 'കുഞ്ഞനന്തന്റെ കട' തുടങ്ങി മേളയിലിടം നേടാത്ത സിനിമകള് പ്രദര്ശിപ്പിച്ചതിനെതിരെയാണ് ബിജു ഉള്പ്പെടെയുള്ള സംവിധായകര് പ്രതിഷേധിച്ചത്. ഇന്നത്തെ മലയാള സിനിമയെ 'മാര്ക്കറ്റ്' ചെയ്യുക എന്ന ലക്ഷ്യത്തോടെയായിരുന്നു ഇവയുടെ പ്രദര്ശനം. എന്നാല് ഇവ കാണാന് വിദേശപ്രതിനിധികളാരും എത്തിയില്ല. എന്നാല് വിദേശ പ്രതിനിധികള് സിനിമ കാണാനെത്തിയെന്നാണ് അക്കാദമിയുടെ സാക്ഷ്യം.
പ്രൊഫ്. ജോണ് കുരാക്കാർ
No comments:
Post a Comment