കനത്ത മഴ: നേപ്പാളില്‍ ആറു പേര്‍ മരിച്ചു; പാകിസ്താനില്‍ മരണസംഖ്യ 53 ആയി
കാത്മണ്ഡു: നേപ്പാളില്‍ കനത്ത മഴയില്‍പെട്ട് ആറ് തീര്‍ഥാടകര്‍ മരിച്ചു. ഒരാളെ കാണാതായി. മഹാദേവ ക്ഷേത്രത്തിലേക്കുള്ള യാത്രാമധ്യേ കമല നദി കുറുകെ കടക്കുന്നതിനിടെയാണ് അപകടം. നദിയിലെ വെള്ളം ക്രമാതീതമായി ഉയര്‍ന്നതാണ് അപകടത്തിന് ഇടയാക്കിയത്. കനത്ത മഴ തുടരുന്നതിനാല്‍ നിരവധി തീര്‍ഥാടകര്‍ ക്ഷേത്രത്തില്‍ കുടുങ്ങിക്കിടക്കുകയാണ്.
അതേസമയം, പാകിസ്താനില്‍ മൂന്നു ദിവസമായി തുടരുന്ന കാലവര്‍ഷക്കെടുതിയില്‍ മരിച്ചവരുടെ എണ്ണം 53 ആയി. വടക്കു പടിഞ്ഞാറന്‍ ട്രൈബല്‍ മേഖലയില്‍ 12 പേരും ഖൈബര്‍ മേഖലയില്‍ എട്ടു പേരും കാശ്മീരില്‍ മൂന്നു പേരും മരിച്ചതായി ദേശീയ ദുരന്ത നിവാരണ സേന അറിയിച്ചു. മധ്യ പഞ്ചാബ് പ്രവിശ്യയില്‍ 12 പേരും വടക്കുപടിഞ്ഞാറന്‍ ബലൂചിസ്താനില്‍ പത്തും ദക്ഷിണ സിന്ധ് മേഖലയില്‍ എട്ടു പേരും മരിച്ചിട്ടുണ്ട്. തുറമുഖ നഗരമായ കറാച്ചിയില്‍ വെള്ളപ്പൊക്കം രൂക്ഷമാണ്.
അഫ്ഗാനിസ്താനിലും പ്രകൃതിക്ഷോഭം രൂക്ഷമാണ്. 58 പേര്‍ മരിച്ചതായാണ് റിപ്പോര്ട്ട്പ്രൊഫ്. ജോണ്‍ കുരാക്കാർ
No comments:
Post a Comment