ശാസ്താംകോട്ട
ശുദ്ധജല തടാകം
കണ്ണീര്‍ തടാകമായി മാറുന്നു
ശാസ്താംകോട്ട ശുദ്ധജല തടാകം
കണ്മുന്നില്‍ ഇല്ലാതാകുന്നത് നോക്കിനില്‍ക്കേണ്ട ഗതികേടിലാണ് നമ്മുടെ നാട് . വറ്റി
വരളുന്ന തടാകത്തിന്റെ ഭാവിയെക്കുറിച്ചു കാര്യമായ ചിന്ത സര്‍ക്കാരിന്റെ
ഭാഗത്ത് നിന്ന് ഇതുവരെ ഉണ്ടായിട്ടില്ല .പൈതൃക സമ്പതതായി സംരക്ഷിക്കേണ്ട തടാകത്തെ മരണത്തിനു വിട്ടു നല്‍കുന്ന അവസ്ഥയാണിപ്പോള്‍ .അഞ്ചു ലക്ഷത്തോളം ആളുകളുടെ
കുടിനീര്‍ സ്രോതസാണ്
ഇല്ലാതാകുന്നത് . ഇപ്പോള്‍തന്നെ ശാസ്തംകോട്ടയിലും
പരിസര പ്രദേശങ്ങളിലും ജലക്ഷാമം രൂക്ഷമാണ് .വിവിധ ജലവിതരണ പദ്ധതികള്‍ക്കായി പ്രതിദിനം
നാലരകൊടി ലിറ്റര്‍ ജലം തടാകത്തില്‍
നിന്ന് പമ്പ് ചെയ്യുന്നതായി പരിസ്ഥിതി പ്രവര്‍ത്തകര്‍ പറയുന്നു ..ഇത്രയും ജലം നല്‍കാനുള്ള ശേഷി
ശാസ്താംകോട്ട തടാകത്തിനില്ലാ എന്ന്
പഠനം വ്യക്തമാക്കുന്നു . തടാകത്തോട്
ചേര്‍ന്ന് കിടക്കുന്ന പുഞ്ചപാടങ്ങളില്‍ അനധികൃത മണല്‍, ചെളി ഖനനം മൂലം തടാകത്തെക്കാള്‍ ഈ പ്രദേശങ്ങള്‍
ഏറെ കുഴിഞ്ഞതിനാല്‍ തടാകത്തിലെ ജലനിരപ്പ്‌ താഴുന്നതിനും
ജലചോര്ച്ചക്കും ഇടയാകുന്നു . തടാക
തീരത്തെ കയ്യേറ്റവും ടൗണില്‍ നിന്നുള്ള മാലിന്യങ്ങള്‍
തടാകത്തിലേക്ക് തള്ളുന്നതും
തടയുന്നതിന് സര്‍ക്കാരിന് ഇതുവരെ
കഴിഞ്ഞിട്ടില്ല . തടാകത്തിന്റെ ഇനിയുള്ള ഭാഗങ്ങള്‍ കൂടി ചതിപ്പായി മാറുന്നതിനു മുന്‍പ് സര്‍ക്കാരിന്റെ അടിയന്തര ശ്രദ്ധ ഇക്കാര്യത്തില്‍ ഉണ്ടാകണം . ശാസ്താംകോട്ട
ശുദ്ധജല തടാകത്തില്‍ ദേശവാസികളുടെ
കണ്ണുനീര്‍ വീണു ഉപ്പാകുന്നതിനു മുന്‍പ്
സര്‍ക്കാര്‍ ഏന്തെങ്കിലും ചെയ്യുമോ ?
പ്രൊഫ്. ജോണ്‍ കുരാക്കാര്‍ , കൊട്ടാരക്കര
No comments:
Post a Comment