മുല്ലപെരിയാര്‍ ജലനിരപ്പ് ഉയര്‍ത്തുന്നത്
നിയമത്തിനെതിര് -ജസ്റ്റിസ് കെ. ടി. തോമസ്
മുല്ലപ്പെരിയാര്‍
അണക്കെട്ടിലെ ജലനിരപ്പ് 142 അടിയായി ഉയര്‍ത്തുന്നത് അധികാരപ്പെട്ട
ഒരു സംസ്ഥാന നിയമസഭ പാസാക്കിയ നിയമത്തിനെതിരാണെന്ന് ജസ്റ്റിസ് കെ. ടി. തോമസ് നല്‍കിയ വിയോജനക്കുറിപ്പില്‍ പറയുന്നു. മറ്റൊരു സംസ്ഥാനം ആ നിയമത്തെ
ചോദ്യം ചെയ്തത്‌കൊണ്ടു മാത്രം നിയമത്തെ അവഗണിക്കാന്‍ കഴിയില്ലെന്ന് ജസ്റ്റിസ് തോമസ് ചൂണ്ടിക്കാട്ടുന്നു.1886-ലെ പാട്ടക്കരാര്‍ വെക്കുന്ന സമയത്ത്
മുല്ലപ്പെരിയാറിലെ ജലം തിരുവിതാംകൂറിന്
ആവശ്യമില്ലായിരുന്നു. എന്നാല്‍, 1970-ല്‍ ഇടുക്കി അണക്കെട്ട് പൂര്‍ത്തിയായപ്പോള്‍ വൃഷ്ടി
പ്രദേശം നിറയ്ക്കുന്നതിന് ഒരുപാട് ജലം ആവശ്യമായി വന്നു. ഇടുക്കി അണക്കെട്ടിന്റെ വൃഷ്ടി പ്രദേശം തന്നെയാണ് മുല്ലപ്പെരിയാറിന്റെയും. കേരളത്തിന്റെ
വൈദ്യുതി ഉത്പാദനത്തില്‍ ഇടുക്കി അണക്കെട്ട് വഹിക്കുന്ന പങ്ക് ചെറുതല്ല. മുല്ലപ്പെരിയാറിലെ ജലത്തിന് മേല്‍ അവകാശം കേരളത്തിനാണ്. 1886-ലെ കരാര്‍ പ്രകാരമാണ് അത് തമിഴ്‌നാടിന് ലഭിച്ചതെന്ന് അദ്ദേഹം ഓര്‍മിപ്പിക്കുന്നു.
ആ കരാറില്‍ തമിഴ്‌നാടിന് വൈദ്യുതി
ഉത്പാദിപ്പിക്കാനുള്ള അവകാശമില്ലായിരുന്നു. പുതിയ ടണല്‍ നിര്‍മിച്ചാല്‍ അണക്കെട്ടിലെ ജലനിരപ്പ് 136 അടിയായി നിജപ്പെടുത്തണമെന്നും അദ്ദേഹം നിര്‍ദേശിച്ചിട്ടുണ്ട്.
എന്നാല്‍, അണക്കെട്ട് സുരക്ഷിതമെന്ന് കണ്ടെത്തിയ സാഹചര്യത്തില്‍ പുതിയ അണക്കെട്ടിന്റെ ആവശ്യമില്ലെന്ന് ജസ്റ്റിസ് എ.ആര്‍. ലക്ഷ്മണന്റെ വിയോജനക്കുറിപ്പില്‍ പറയുന്നു.
എന്നാല്‍, അണക്കെട്ട് സുരക്ഷിതമെന്ന് കണ്ടെത്തിയ സാഹചര്യത്തില്‍ പുതിയ അണക്കെട്ടിന്റെ ആവശ്യമില്ലെന്ന് ജസ്റ്റിസ് എ.ആര്‍. ലക്ഷ്മണന്റെ വിയോജനക്കുറിപ്പില്‍ പറയുന്നു.
പ്രൊഫ്.
ജോണ്‍ കുരക്കാര്‍
No comments:
Post a Comment