MULLAPERIYAR DAM- DANGEROUS DAM
മുല്ലപെരിയാര്‍ അണക്കെട്ടില്‍ സുര്‍ക്കിയുടെ തരിപോലും കാണാനില്ല; ഡാമിന് ബലക്ഷയമെന്നു വ്യക്തം. ഒരു മുറുക്കാനുള്ള ചുണ്ണാമ്പു (സുര്കി) പോലും കിട്ടിയില്ല മുല്ലപ്പെരിയാര്‍ അണക്കെട്ടിന്റെ കല്ലുകള്‍ക്കിടയിലെ സുര്‍ക്കി പൂര്‍ണമായും ഒലിച്ചു പോയതായി വ്യക്തമായി. ഇന്നലെ മൂന്നര മീറ്റര്‍ ആഴത്തില്‍ സാമ്പിള്‍ ശേഖരിച്ചപ്പോള്‍ ലഭിച്ചത് ചെറുതും വലുതുമായ 65 കല്ലുകള്‍ മാത്രം. സുര്‍ക്കി മിശ്രിതത്തിന്റെ കണികപോലും ഇൌ ഭാഗത്തുനിന്ന് കിട്ടിയില്ല. ഇതോടെ സാമ്പിള്‍ ശേഖരണം വൈകിപ്പിക്കാന്‍ തമിഴ്നാട് ശ്രമം തുടങ്ങി.ഇന്നലെ രണ്ടു മണിക്കൂര്‍ മാത്രമാണ് പണി നടന്നത്. കട്ടിയേറിയ ഭാഗത്ത്, ഒരു മീറ്റര്‍ സാമ്പിള്‍ ശേഖരിക്കണമെങ്കില്‍ മൂന്ന് മണിക്കൂറെങ്കിലും വേണ്ടി വരും. ഇൌ സ്ഥാനത്ത് രണ്ടു മണിക്കൂര്‍ കൊണ്ട് മൂന്നര മീറ്റര്‍ ആഴത്തില്‍ ബോര്‍ഹോള്‍ എടുക്കാന്‍ കഴിഞ്ഞതും അണക്കെട്ടിന്റെ ദുര്‍ബലാവസ്ഥയുടെ തെളിവായി.അണക്കെട്ട് നിര്‍മാണത്തിന് ഉപയോഗിച്ചിരിക്കുന്ന സുര്‍ക്കി മിശ്രിതത്തിന്റെ ബലം പരിശോധിക്കാനുള്ള സാമ്പിള്‍ ശേഖരിക്കല്‍ നാലിനാണ് ആരംഭിച്ചത്. സുപ്രീം കോടതി നിയോഗിച്ച ഉന്നതാധികാര സമിതിയുടെ നിര്‍ദേശപ്രകാരമാണിത്. കേരളം പ്രതീക്ഷയോടെയാണ് ഇൌ പരിശോധനയെ കാണുന്നത്.1200 അടി നീളമുള്ള അണക്കെട്ടില്‍ 475 അടിയിലും 780 അടിയിലും 55 മില്ലിമീറ്റര്‍ വ്യാസമുള്ള ബോര്‍ഹോളുകള്‍ നിര്‍മിച്ചാണ് സാമ്പിള്‍ ശേഖരിക്കുന്നത്. 780 അടിയിലെ ബോര്‍ഹോള്‍ 6.8 മീറ്റര്‍ താഴ്ചയില്‍ എത്തിയപ്പോള്‍ മുതല്‍ അണക്കെട്ടിന്റെ ബലക്ഷയം വ്യക്തമാകുന്ന തെളിവുകള്‍ ലഭിച്ചിരുന്നു. കൂടുതല്‍ ആഴത്തിലേക്ക് പോയപ്പോള്‍ അണക്കെട്ടിന്റെ ഉള്‍ഭാഗത്ത് കല്ലുകളെ തമ്മില്‍ ഉറപ്പിച്ചു നിര്‍ത്താന്‍ സുര്‍ക്കി മിശ്രിതം ഇല്ലെന്ന സൂചനയാണ് കിട്ടുന്നത്.സാമ്പിള്‍ ശേഖരണം വിലയിരുത്താന്‍ സെന്‍ട്രല്‍ വാട്ടര്‍ പവര്‍ റിസര്‍ച്ച് സ്റ്റേഷന്‍ സീനിയര്‍ റിസര്‍ച്ച് ഒാഫിസര്‍ വി.ടി. ദേശായി ഇന്ന് അണക്കെട്ട് സന്ദര്‍ശിക്കും. ചീഫ് എന്‍ജിനീയര്‍ പി. ലതിക, മുല്ലപ്പെരിയാര്‍ സെല്‍ ചെയര്‍മാന്‍ എം.കെ. പരമേശ്വരന്‍ നായര്‍ തുടങ്ങിയവരും ഇന്ന് എത്തും.
പ്രൊഫ്‌. ജോണ്‍ കുരാക്കാര്‍
No comments:
Post a Comment