കണ്ണുകള്‍ സംരക്ഷിക്കുക
കണ്ണുള്ളവന്‌ അതില്ലാത്തതിന്റെ വിലയറിയില്ല എന്ന പഴമൊഴി കേള്‍ക്കാത്തവരുണ്ടാകില്ല. നമ്മുടെ ആരോഗ്യ സംരക്ഷണവുമായി ബന്ധപ്പെട്ട്‌ തന്ത്രപ്രധാനമായ സ്ഥാനമാണ്‌ കണ്ണിനുള്ളത്‌. പ്രത്യേകിച്ചും ഈ കാലഘട്ടത്തില്‍... മൊബൈല്‍ഫോണ്‍, ടിവി, ലാപ്‌ടോപ്പ്‌, കംപ്യൂട്ടര്‍ എന്നിവ ഏറെ ഉപയോഗിക്കുന്നവര്‍ക്ക്‌ പെട്ടെന്ന്‌ തന്നെ കണ്ണിന്‌ ആരോഗ്യപ്രശ്‌നങ്ങളുണ്ടാകുന്നത്‌ സ്വാഭാവികമാണ്‌. അതുകൊണ്ടുതന്നെ കണ്ണ്‌ ആരോഗ്യകരമായി പരിരക്ഷിക്കാന്‍ ചില വ്യായാമങ്ങള്‍ നേത്രരോഗ വിദഗ്‌ദ്ധര്‍ നിര്‍ദ്ദേശിക്കാറുണ്ട്‌.. പ്രത്യേകിച്ചും ആയുര്‍വേദ ഭിഷ്വഗരന്‍മാരാണ്‌ കൂടുതലായി കണ്ണിന്‌ വ്യായാമം നിര്‍ദ്ദേശിക്കാറുള്ളത്‌. അവ ഏതൊക്കെയാണെന്ന്‌ ഒന്ന്‌ നോക്കാം... വലത്‌ കൈ മുന്നിലേക്ക്‌ നീട്ടി പിടിക്കുക. ഇനി തള്ള വിരല്‍ നിവര്‍ത്തിയ ശേഷം മറ്റ്‌ വിരലുകള്‍ മടക്കുക. കൈ കണ്ണന്റെ നേരെയായിരിക്കണം പിടിക്കേണ്ടത്‌. തള്ളിവിരലിലേക്ക്‌ ദൃഷ്‌ടി പായിക്കുക.ഇതിന്‌ ശേഷം മൂക്കിന്‍ തുമ്പിലേക്ക്‌ നോട്ടം കൊണ്ടു വരിക. ഇത്‌ ഒരു വട്ടം ചെയ്‌ത ശേഷം ഇടത്‌ കൈ കൊണ്ട്‌ ഇപ്രകാരം ചെയ്യുക. ഇതിനെ ത്രതക എന്നാണ്‌ പറയുന്നത്‌. ഇങ്ങനെ ചെയ്യുന്നത്‌ കൊണ്ട്‌ വീദൂരതയിലേക്കും സമീപത്തും കേന്ദ്രീകരിക്കാന്‍ കണ്ണിന്‌ കഴിയും. ഇത്‌ പതിവായി ചെയ്‌താല്‍ മനസിനെ കേന്ദ്രീകരിച്ച്‌ നിര്‍ത്താനും കഴിയും. ഉറക്കമില്ലായ്‌മ ഉള്ളവര്‍ ഇത്‌ പരിശീലിക്കുന്നത്‌ നന്നായിരിക്കും. ഗ്‌ളൂക്കോമ, തിമിരം എന്നിവയുള്ളവര്‍ ഈ വ്യായാമം ഒരുകാരണവശാലും ചെയ്യരുത്‌.
ഇരു കരതലങ്ങളും ചേര്‍ത്തുരസുക. ശേഷം കരതലങ്ങള്‍ കൊണ്ട്‌ കണ്ണ്‌ മൂടുക. കണ്ണ്‌ അടച്ച നിലയിലായിരിക്കണം. കരതലത്തില്‍ കണ്ണ്‌ സ്‌പര്‍ശിച്ചിരിക്കണം. എന്നാല്‍, സമ്മര്‍ദ്ദം ഏല്‍പ്പിക്കരുത്‌. ദിവസത്തില്‍ പലപ്രാവശ്യം ഇങ്ങനെ ചെയ്യുന്നത്‌ കണ്ണിന്‌ വിശ്രമം നല്‍കും. കണ്ണിനുണ്ടാകുന്ന പ്രശ്‌നങ്ങള്‍ പരിഹരിക്കാന്‍ ഇത്‌ നല്ലതാണ്‌.
കണ്ണിന്‌ മുകളില്‍ നെറ്റിത്തടത്തില്‍ നിന്ന്‌ കണ്ണിന്റെ ഭാഗത്തേക്ക്‌ കൈതലം ഉപയോഗിച്ച്‌ ഉരസുന്നത്‌ നല്ലതാണ്‌. ഇത്‌ കണ്ണിലേക്കുള്ള രക്‌തയോട്ടം വര്‍ദ്ധിക്കാനും ഗ്‌ളോക്കോമ പോലെയുള്ള പ്രശ്‌നങ്ങളില്‍ നിന്ന്‌ ഒരു പരിധിവരെ രക്ഷ നേടാനും സാധിക്കും.
പ്രൊഫ്‌.ജോണ്‍ കുരാക്കാര്‍
No comments:
Post a Comment