MY LIFE -MY REAL LIFE
,.കഴിഞ്ഞ കാലത്തെ ഒരു പിടി നല്ല ഓർമ്മകൾ മാത്രം മതി എനിക്ക് ജീവിക്കാൻ . മരണത്തിനും ജീവിതകത്തിനും ഇടയിലുള്ള നൂൽ പാലത്തിലൂടെ കടന്നു പോയ വ്യക്തിയാണ് ഞാൻ . ആരും ഒരിക്കലും മുഴുവൻ മാർക്കും വാങ്ങരുത് എന്ന് ആഗ്രഹിച്ചുകൊണ്ട് ചോദ്യം തയാറാക്കുന്ന അധ്യാപരെപോലെയാണ് ജീവിതം . ജനനത്തിനും മരണത്തിനും ഇടക്കുള്ള സമയമാണ് നമുക്കുള്ളത് . അതിൽ ആരെല്ലാ നമുക്ക് തുണയാകുമെന്നോ തണലാകുമെന്നോ നമുക്കറിയില്ല , എന്നിലെ അവസാനജീവൻറെ ത്തുടിപ്പുവരെയും പൊരുതും , എന്റെ ജീവിതം കൊണ്ട് സമൂഹത്തിനു മാറ്റം വരുന്നത് ഞാൻ കാണും . ഒരു മെഴുകുതിരി പോലെ എന്റെ ജീവിതം എരിഞ്ഞ് തീർന്നാലും എന്റെ ഹൃദയത്തിലെ തീ അണയാതെ ഞാൻ കാത്തുസൂക്ഷിക്കും . എന്റെ വേദനയിലും എന്റെ പ്രതിസന്ധികളിലും ഞാൻ കരയാതെ ചിരിച്ചുകൊണ്ടേയിരിക്കും . എന്നെ ചേർത്തുപിടിച്ചവർക്കായി എന്നിലെ പുഞ്ചിരി ഞാൻ മായാതെ കാത്ത് സൂക്ഷിക്കും , ജീവിതത്തിൽ തോറ്റവരുടെ കൂട്ടത്തിൽ എൻ്റെ പേര് എഴുതി ചേർക്കാൻ ആർക്കും ആവില്ല . ധന്യമായ ജീവിതം നയിച്ചവരുടെ കൂട്ടത്തിൽ പോരാടി ജയിച്ച എന്റെ പേരുകൂടി സമൂഹം എഴുതി ചേർക്കും . മനുഷ്യനെ മാനസികവും ശാരീരികവുമായി തകർക്കുന്ന രണ്ടു ക്യാൻസറുകളെ അതിജീവിച്ച വ്യക്തിയാണ് ഞാൻ . വയറ്റിൽ വരുന്ന കാൻസറുകളിൽ ഗുരുതരവും സങ്കീര്ണവുമാണ് മലാശയ കാൻസർ , അതുപോലെ തന്നെ യാണ് തൈറോയിഡ് ക്യാന്സറും , തൈറോയ്ഡ് നീക്കം ചെയ്താലും ഐഡിൻ തെറാപ്പിയും മാനസികമായി തകർക്കുന്ന ഒന്നാണ് . ഓപ്പറേഷനു മുൻപ് 25 റേഡിയേഷനും 25 കിമോതെറാപ്പിയും ഓപ്പറേഷന് ശേഷം 65 കീമോയും കഴിഞ്ഞ വ്യക്തിയാണ് ഞാൻ , ഇതുകൂടത്തെ അതി സങ്കീണ്ണമായ നിരവധി ഗുരുതര പ്രശ്നങ്ങൾ നേരിട്ട വ്യക്തിയാണ് ഞാൻ , 2022 മാർച്ച് 22 ഒരിക്കലും മറക്കാനാവാത്ത ദിനമാണ് എനിക്ക് .
പ്രൊഫ . ജോൺ കുരാക്കാർ
" GOOD MORNING
DOCTOR "
No comments:
Post a Comment