രാജ്യത്തെ ആദ്യ ഹൈഡ്രജന്‍ ട്രെയിന്‍ ഹരിയാനയിലെ ജിന്ദ് റെയില്‍വേ സ്‌റ്റേഷനില്‍ ഫ്‌ലാഗ് ഓഫ് ചെയ്ത് പ്രധാനമന്ത്രി നരേന്ദ്രമോദി

 

രാജ്യത്തെ ആദ്യ ഹൈഡ്രജന്‍ ട്രെയിന്‍ ഹരിയാനയിലെ ജിന്ദ് റെയില്‍വേ സ്‌റ്റേഷനില്‍ ഫ്‌ലാഗ് ഓഫ് ചെയ്ത് പ്രധാനമന്ത്രി നരേന്ദ്രമോദി 

 

ഇന്ത്യയിലെ ആദ്യത്തേതും ലോകത്തിലെ ഏറ്റവും നീളമേറിയതുമായ ഹൈഡ്രജൻ ട്രെയിൻ ഹരിയാനയിലെ ജിന്ദ്-സോനിപ്പത്ത് റൂട്ടിൽ പ്രധാനമന്ത്രി നരേന്ദ്രമോദി ഫ്ലാഗ് ഓഫ് ചെയ്തു. 'നമോ ഗ്രീൻ റെയിൽ' (NaMo Green Rail) എന്നാണ് ഈ ട്രെയിനിന് പേരിട്ടിരിക്കുന്നത്. പൂർണ്ണമായും ഇന്ത്യയിൽ തന്നെ രൂപകൽപ്പന ചെയ്ത് വികസിപ്പിച്ചെടുത്ത ഈ ഹരിത സാങ്കേതികവിദ്യയിലൂടെ (Green Technology) അന്തരീക്ഷ മലിനീകരണം പൂർണ്ണമായി ഒഴിവാക്കാൻ സാധിക്കുന്നു.പ്രധാന പ്രത്യേകതകൾറൂട്ട്: ഹരിയാനയിലെ ജിന്ദ് മുതൽ സോനിപ്പത്ത് വരെയുള്ള 89 കിലോമീറ്റർ പാതയിലാണ് ഈ ട്രെയിൻ സർവീസ് നടത്തുന്നത്.കോച്ചുകൾ: 10 കോച്ചുകളുള്ളതാണ് ഈ ട്രെയിൻ (8 യാത്രാ കോച്ചുകളും 2 ഡ്രൈവിംഗ് പവർ കാറുകളും). ഒരേസമയം 2,600 യാത്രക്കാരെ വഹിക്കാൻ ഇതിന് ശേഷിയുണ്ട്.പ്രവർത്തനം: ഉയർന്ന മർദത്തിൽ സൂക്ഷിച്ചിരിക്കുന്ന ഹൈഡ്രജനും അന്തരീക്ഷത്തിൽ നിന്നുള്ള ഓക്സിജനും സംയോജിപ്പിച്ച് ഇന്ധന സെല്ലുകൾ (Fuel Cells) വഴിയാണ് വൈദ്യുതി ഉൽപാദിപ്പിക്കുന്നത്. ഇതിന്റെ ഉപോൽപ്പന്നമായി നീരാവി (Water vapour) മാത്രമേ പുറന്തള്ളപ്പെടുന്നുള്ളൂ.വേഗത: മണിക്കൂറിൽ 110 കിലോമീറ്റർ വേഗതയിൽ വരെ സഞ്ചരിക്കാൻ രൂപകൽപ്പന ചെയ്തിട്ടുണ്ടെങ്കിലും, നിലവിൽ 75 കിലോമീറ്റർ വേഗതയിലാണ് സർവീസ് നടത്തുന്നത്.ഹൈഡ്രജൻ റീഫില്ലിംഗ്: ട്രെയിനിനാവശ്യമായ ഇന്ധനം നിറയ്ക്കുന്നതിനായി ഇന്ത്യയിലെ ഏറ്റവും വലിയ റെയിൽവേ ഹൈഡ്രജൻ സ്റ്റോറേജ് ആൻഡ് റീഫില്ലിംഗ് പ്ലാന്റ് ജിന്തിൽ സജ്ജമാക്കിയിട്ടുണ്ട്.

അമേരിക്ക, ജപ്പാൻ, ചൈന, ജർമ്മനി, എന്നീ രാജ്യങ്ങൾക്കൊപ്പം ഹൈഡ്രജൻ ട്രെയിൻ സാങ്കേതികവിദ്യ ഉപയോഗിക്കുന്ന രാജ്യങ്ങളുടെ പട്ടികയിൽ സ്ഥാനം പിടിച്ചിരിക്കുകയാണ് നമ്മുടെ രാജ്യം. ലോകത്തെ ഏറ്റവും ശക്‌തമായ ഹൈഡ്രജൻ എൻജിനും ഇന്ത്യയുടേതാണ്. ലോക ട്രെയിൻ ഗതാഗത ഭൂപടത്തിൽ ഇന്ത്യ ഒന്നാമതെത്തിയെന്ന പ്രധാനമന്ത്രിയുടെ പ്രഖ്യാപനം അക്ഷരാർത്ഥത്തിൽ ശരിയാണ്. പൂർണമായും ഇന്ത്യ തദ്ദേശീയമായി വികസിപ്പിച്ചതാണ് ഈ ഹൈഡ്രജൻ എൻജിൻ. പുകയും മലിനീകരണവും ഇല്ല. ശബ്ദവും അറിയില്ല. ഹൈഡ്രജനും ഓക്സിജനും സംയോജിപ്പിച്ച് എൻജിൻ പ്രവർത്തിപ്പിക്കാനുള്ള വൈദ്യുതി ഉത്‌പാദിപ്പിക്കും. ഇതിനുള്ള ഹൈഡ്രജൻ ഫ്യുവൽ സെല്ലും ഇന്ത്യ വികസിപ്പിച്ചതാണ്. ചെന്നൈ ഇന്റഗ്രൽ കോച്ച് ഫാക്ടറിയിലായിരുന്നു ഡിസൈനും നിർമ്മാണവും.ഹരിയാനയിലെ ജിന്ദ് മുതൽ സോനിപ്പത്ത് വരെ 89 കിലോമീറ്ററാണ് സർവീസ്. പത്തു കോച്ചുകളുള്ള ട്രെയിനിൽ 2,600 പേർക്ക് യാത്ര ചെയ്യാം. അഞ്ചു രൂപ മുതൽ 25 രൂപ വരെയാണ് ടിക്കറ്റ് നിരക്ക്. ദിവസവും രാവിലെ 7.40ന് ജിന്ദിൽ നിന്ന് പുറപ്പെട്ട് രാവിലെ 9.40ന് സോനിപ്പത്തിലെത്തും. മടക്കയാത്രയിൽ രാവിലെ 10.40ന് സോനിപ്പത്തിൽ നിന്നും പുറപ്പെട്ട് ഉച്ചയ്ക്ക് ഒരു മണിക്ക് ജിന്ദിൽ എത്തും. ട്രെയിൻ പ്രവർത്തിപ്പിക്കാൻ ആവശ്യമായ ഗ്രീൻ ഹൈഡ്രജൻ ഉത്പ്പാദിപ്പിക്കാൻ ജിന്ദ് സ്‌റ്റേഷനിൽ പ്രത്യേക പ്ളാന്റും സ്ഥാപിച്ചിട്ടുണ്ട്.ഈ ട്രെയിൻ മേക്ക് ഇൻ ഇന്ത്യയുടെ മികച്ച ഉദാഹരണമാണെന്ന് പ്രധാനമന്ത്രി കൂട്ടിച്ചേർത്തു. പശ്ചിമേഷ്യൻ സംഘർഷം ഉണ്ടായ സമയത്ത് ഇന്ത്യയിലേക്കുള്ള ഇന്ധന വിതരണം തടസപ്പെട്ടപ്പോൾ റെയിൽവേ പ്രവർത്തനം നിറുത്താതെ പിടിച്ചുനിന്നത് പാതകളുടെ വൈദ്യുതീകരണം വേഗത്തിൽ പൂർത്തിയാക്കിയത് കൊണ്ടാണെന്നും പ്രധാനമന്ത്രി ചൂണ്ടിക്കാട്ടി

. ലോക രാഷ്ട്രങ്ങൾക്കിടയിൽ ഇന്ത്യയുടെ മറ്റൊരു തിളക്കമാർന്ന നേട്ടമാണ് ഹൈഡ്രജൻ ട്രെയിൻ സർവീസ്. സെമി കണ്ടക്ടറടക്കം പുതിയ കാൽവയ്‌പ്പുമായി രാജ്യം കുതിപ്പു തുടരുകയാണ്.

 

പ്രൊഫ്, ജോൺ കുരാക്കാർ