ജ​നാ​ധി​പ​ത്യവും അക്കൗണ്ടബിലിറ്റിയും

 

ജ​നാ​ധി​പ​ത്യവും

അക്കൗണ്ടബിലിറ്റിയും

 

ജനാധിപത്യത്തിൽ ഉത്തരവാദിത്തം അഥവാ അക്കൗണ്ടബിലിറ്റി എന്നത് നിർബന്ധമുള്ള ഒരു രാഷ്ട്രീയ മൂല്യമാണ്. ഇത് ഭരണകൂടത്തിന്റെ സുതാര്യതയും ജനങ്ങളോടുള്ള കടമയും ഉറപ്പാക്കുന്നു.

അക്കൗണ്ടബിലിറ്റി’ (Accountability) ജനാധിപത്യത്തിൽ അനിവാര്യമാണ്.ജനാധിപത്യത്തിന്റെ വിജയത്തിന് ഏറ്റവും പ്രധാനപ്പെട്ട അടിസ്ഥാന മൂല്യങ്ങളിൽ ഒന്നാണ് അക്കൗണ്ടബിലിറ്റി (ഉത്തരവാദിത്തബോധവും ഉത്തരവാദിത്വം ഏറ്റെടുക്കലും). ജനങ്ങൾ തിരഞ്ഞെടുക്കുന്ന ഭരണാധികാരികളും ജനപ്രതിനിധികളും പൊതുസ്ഥാപനങ്ങളും തങ്ങളുടെ പ്രവർത്തനങ്ങൾക്കും തീരുമാനങ്ങൾക്കും ജനങ്ങളോട് വിശദീകരണം നൽകുകയും അവയുടെ ഉത്തരവാദിത്വം ഏറ്റെടുക്കുകയും ചെയ്യുന്നതാണ് അക്കൗണ്ടബിലിറ്റി.

 

അക്കൗണ്ടബിലിറ്റി ഉറപ്പാക്കുമ്പോൾ ഭരണത്തിൽ സുതാര്യത (Transparency) വർധിക്കുകയും അഴിമതി, അധികാരദുരുപയോഗം, സ്വജനപക്ഷപാതം എന്നിവ കുറയുകയും ചെയ്യുന്നു. ജനങ്ങളുടെ നികുതിപ്പണം എങ്ങനെ ചെലവഴിക്കുന്നു, സർക്കാർ പദ്ധതികൾ എങ്ങനെ നടപ്പാക്കുന്നു, പൊതുസേവനങ്ങൾ എത്രത്തോളം ഫലപ്രദമാണ് എന്നീ കാര്യങ്ങളിൽ ജനങ്ങൾക്ക് വ്യക്തമായ വിവരം ലഭിക്കുന്നു.

 

ജനാധിപത്യത്തിൽ തിരഞ്ഞെടുപ്പ് മാത്രം മതിയാകില്ല; തിരഞ്ഞെടുക്കപ്പെട്ടവർ അവരുടെ വാഗ്ദാനങ്ങൾ പാലിക്കുന്നുണ്ടോ, നിയമപ്രകാരം പ്രവർത്തിക്കുന്നുണ്ടോ, ജനങ്ങളുടെ ക്ഷേമം മുൻനിർത്തുന്നുണ്ടോ എന്നതും നിരന്തരം വിലയിരുത്തപ്പെടണം. ഈ ഉത്തരവാദിത്വം ഉറപ്പാക്കുന്നതിൽ സ്വതന്ത്ര നീതിന്യായ വ്യവസ്ഥ, മാധ്യമങ്ങൾ, വിവരാവകാശ നിയമം, ഓഡിറ്റ് സംവിധാനങ്ങൾ, ജാഗ്രതയുള്ള പൗരന്മാർ എന്നിവ നിർണായക പങ്ക് വഹിക്കുന്നു.

 

"അധികാരത്തോടൊപ്പം ഉത്തരവാദിത്വവും ഉണ്ടായിരിക്കണം" എന്നതാണ് ജനാധിപത്യത്തിന്റെ അടിസ്ഥാന തത്വം. അതിനാൽ അക്കൗണ്ടബിലിറ്റി ശക്തമായാൽ ജനാധിപത്യം കൂടുതൽ വിശ്വാസ്യതയുള്ളതും നീതിയുക്തവും ജനകീയവുമായ ഭരണസംവിധാനമായി വളരും. മറിച്ച് അക്കൗണ്ടബിലിറ്റിയുടെ അഭാവം അഴിമതിക്കും അധികാരദുരുപയോഗത്തിനും ജനവിശ്വാസം നഷ്ടപ്പെടുന്നതിനും കാരണമാകും.

"അക്കൗണ്ടബിലിറ്റി ഇല്ലാത്ത ജനാധിപത്യം ദുർബലമാകും; അക്കൗണ്ടബിലിറ്റി ഉറപ്പുള്ള ജനാധിപത്യം ജനങ്ങളുടെ വിശ്വാസവും രാജ്യത്തിന്റെ പുരോഗതിയും ശക്തിപ്പെടുത്തും."

ഇന്ന് "അക്കൗണ്ടബിലിറ്റി ഇല്ലാതായിരിക്കുന്നു .നാം ​ഉ​റ​ങ്ങി​യ​പ്പോ​ൾ ജ​നാ​ധി​പ​ത്യ​ത്തി​ന്‍റെ അ​ടി​ത്ത​റ​യി​ൽ​നി​ന്ന് ഇ​ള​ക്കി​യെ​ടു​ക്ക​പ്പെ​ട്ട മൂ​ല​ക്ക​ല്ലാ​യി​രു​ന്നു ‘അ​ക്കൗ​ണ്ട​ബി​ലി​റ്റി’. അ​താ​യ​ത്, ഭ​ര​ണ​ക​ർ​ത്താ​ക്ക​ൾ ത​ങ്ങ​ളു​ടെ തീ​രു​മാ​ന​ങ്ങ​ൾ​ക്കും ചെ​യ്തി​ക​ൾ​ക്കും ജ​ന​ങ്ങ​ളോ​ട് ക​ണ​ക്കു പ​റ​യാ​ൻ ബാ​ധ്യ​സ്ഥ​രാ​ണെ​ന്ന വ​സ്തു​ത. അ​തു നി​ർ​ബ​ന്ധ​മി​ല്ലാ​ത്ത ധാ​ർ​മി​ക​ത​യ​ല്ല, നി​ർ​ബ​ന്ധ​മു​ള്ള ഉ​ത്ത​ര​വാ​ദി​ത്വ​മാ​ണ്. ഏ​റെ​ക്കു​റെ അ​പ്ര​ത്യ​ക്ഷ​മാ​യി​രു​ന്ന ആ ​ക​ല്ല്, അ​ഥ​വാ ജ​നാ​ധി​പ​ത്യ​മൂ​ല്യം കേ​ന്ദ്ര​സ​ർ​ക്കാ​രി​നെ​തി​രേ ന​ട​ത്തി​യ ഐ​തി​ഹാ​സി​ക സ​മ​ര​ത്തി​ൽ വി​ദ്യാ​ർ​ഥി​ക​ൾ ഉ​യ​ർ​ത്തി​ക്കൊ​ണ്ടു​വ​ന്നു. വി​ദ്യാ​ഭ്യാ​സ​മ​ന്ത്രി​യു​ടെ രാ​ജി ആ​വ​ശ്യ​പ്പെ​ട്ട​ത് നീ​റ്റ് പ​രീ​ക്ഷ​യി​ലു​ൾ​പ്പെ​ടെ ആ​വ​ർ​ത്തി​ച്ചു​കൊ​ണ്ടി​രി​ക്കു​ന്ന കെ​ടു​കാ​ര്യ​സ്ഥ​ത​യു​ടെ​യും അ​ഴി​മ​തി​യു​ടെ​യും ഉ​ത്ത​ര​വാ​ദി​ത്വം മ​ന്ത്രി​ക്കു​ണ്ടെ​ന്ന ത​ത്വ​ത്തി​ന്‍റെ അ​ടി​സ്ഥാ​ന​ത്തി​ലാ​ണ്. പ​ല സം​സ്ഥാ​ന സ​ർ​ക്കാ​രു​ക​ളും ന​ഷ്‌​ട​പ്പെ​ടു​ത്തി​യ ഈ ‘​അ​ക്കൗ​ണ്ട​ബി​ലി​റ്റി’ ബി​ജെ​പി സ​ർ​ക്കാ​ർ വ്യ​ക്ത​മാ​യ അ​ജ​ൻ​ഡ​യോ​ടെ ഇ​ല്ലാ​താ​ക്കു​ക​യാ​ണെ​ന്നു സം​ശ​യി​ക്കാ​ൻ കാ​ര​ണ​ങ്ങ​ളു​ണ്ട്. ജ​ന്ത​ർ മ​ന്ത​റി​ൽ ഉ​യ​ർ​ന്ന ഭ​ര​ണ​ഘ​ട​നാ​ടി​സ്ഥാ​ന​മു​ള്ള ചോ​ദ്യ​ങ്ങ​ൾ രാ​ജ്യം ഏ​റ്റെ​ടു​ക്കേ​ണ്ട​തു​ണ്ട്.

 

അ​ക്കൗ​ണ്ട​ബി​ലി​റ്റി​യെ വ്യ​വ​സ്ഥാ​പി​ത​മാ​യി ത​ക​ർ​ക്കു​ന്ന ഒ​രു ഉ​ദാ​ഹ​ര​ണം പ​റ​ഞ്ഞാ​ൽ കാ​ര്യം ല​ളി​ത​മാ​യി മ​ന​സി​ലാ​കും. 2023 ഓ​ഗ​സ്റ്റി​ൽ ബി​ജെ​പി സ​ർ​ക്കാ​ർ കൊ​ണ്ടു​വ​ന്ന സം​ര​ക്ഷി​ത​നി​യ​മം, The Chief Election Commissioner And Other Election Commissioners (Appointment, Conditions of Service and Term of Office Act, 2023) 16-ാം വ​കു​പ്പ​നു​സ​രി​ച്ച്, തെ​ര​ഞ്ഞെ​ടു​പ്പ് ക​മ്മീ​ഷ​ൻ കൃ​ത്യ​നി​ർ​വ​ഹ​ണ​വു​മാ​യി ബ​ന്ധ​പ്പെ​ട്ട് എ​ന്തു തീ​രു​മാ​ന​മെ​ടു​ത്താ​ലും അ​തി​നെ​തി​രേ സി​വി​ലോ ക്രി​മി​ന​ലോ ആ​യ ഒ​രു കേ​സും അ​വ​ർ​ക്കെ​തി​രേ ജോ​ലി​ക്കാ​ല​ത്തോ പി​ന്നീ​ടോ എ​ടു​ക്കാ​നാ​കി​ല്ല. ഒ​പ്പം, തെ​ര​ഞ്ഞെ​ടു​പ്പ് ക​മ്മീ​ഷ​നെ നി​ശ്ച​യി​ക്കു​ന്ന സ​മി​തി​യി​ൽ പ്ര​ധാ​ന​മ​ന്ത്രി​യും പ്ര​തി​പ​ക്ഷ നേ​താ​വും സു​പ്രീം​കോ​ട​തി ചീ​ഫ് ജ​സ്റ്റീ​സും ഉ​ണ്ടാ​ക​ണ​മെ​ന്ന സു​പ്രീം​കോ​ട​തി ഉ​ത്ത​ര​വി​നെ പു​തി​യ നി​യ​മ​ത്തി​ലൂ​ടെ അ​ട്ടി​മ​റി​ക്കു​ക​യും ചെ​യ്തു. ചീ​ഫ് ജ​സ്റ്റീ​സി​നു പ​ക​രം പ്ര​ധാ​ന​മ​ന്ത്രി നി​ശ്ച​യി​ക്കു​ന്ന കാ​ബി​ന​റ്റ് മ​ന്ത്രി! അ​താ​യ​ത്, ഭ​രി​ക്കു​ന്ന​വ​രു​ടെ തെ​ര​ഞ്ഞെ​ടു​പ്പ് ക​മ്മീ​ഷ​ൻ! എ​ന്തു ചെ​യ്താ​ലും നി​യ​മ പ​രി​ര​ക്ഷ​യും! അ​ക്കൗ​ണ്ട​ബി​ലി​റ്റി അ​വി​ടെ തീ​ർ​ന്നു.

പി​ന്നീ​ടു​ണ്ടാ​യ​ത് ച​രി​ത്ര​മാ​ണ്. വോ​ട്ട് മോ​ഷ​ണം, ക​ള്ള​വോ​ട്ട്, വോ​ട്ടിം​ഗ് മെ​ഷീ​നി​ലെ തി​രി​മ​റി, വോ​ട്ടെ​ണ്ണ​ൽ ദി​ന​ത്തി​ലെ ദു​രൂ​ഹ​ത​ക​ൾ... ഒ​രാ​രോ​പ​ണ​ത്തി​നും മ​റു​പ​ടി​യി​ല്ല. പ്ര​തി​പ​ക്ഷ​വും മാ​ധ്യ​മ​ങ്ങ​ളും ന്യാ​യാ​ധി​പ​ന്മാ​രു​മൊ​ക്കെ പ്ര​തി​ഷേ​ധി​ച്ചു. പ്ര​തി​പ​ക്ഷ​നേ​താ​വ് രാ​ഹു​ൽ ഗാ​ന്ധി ഉ​ന്ന​യി​ച്ച ‘വോ​ട്ട് ചോ​രി’ ആ​രോ​പ​ണ​ങ്ങ​ളോ​ടു​ള്ള മു​ഖ്യ തെ​ര​ഞ്ഞെ​ടു​പ്പ് ക​മ്മീ​ഷ​ണ​ർ ഗ്യാ​നേ​ഷ് കു​മാ​റി​ന്‍റെ സ​മീ​പ​നം ശ​രി​യ​ല്ലെ​ന്നും, രാ​ഹു​ൽ മാ​പ്പു പ​റ​യ​ണ​മെ​ന്നു​ള്ള ഗ്യാ​നേ​ഷ് കു​മാ​റി​ന്‍റെ ശാ​ഠ്യം വോ​ട്ട​ർ പ​ട്ടി​ക​യു​ടെ​യും തെ​ര​ഞ്ഞെ​ടു​പ്പ് പ്ര​ക്രി​യ​യു​ടെ​യും വി​ശ്വാ​സ്യ​ത സം​ശ​യ​ത്തി​ലാ​ക്കി​യെ​ന്നും പ​റ​ഞ്ഞ​ത് മു​ൻ മു​ഖ്യ തെ​ര​ഞ്ഞെ​ടു​പ്പ് ക​മ്മീ​ഷ​ണ​ർ​മാ​രാ​യ എ​സ്.​വൈ. ഖു​റേ​ഷി, ഒ.​പി. റാ​വ​ത്ത്, മു​ൻ തെ​ര​ഞ്ഞെ​ടു​പ്പ് ക​മ്മീ​ഷ​ണ​ർ അ​ശോ​ക് ല​വാ​സ എ​ന്നി​വ​രാ​ണ്. 2025 സെ​പ്റ്റം​ബ​റി​ൽ ഇ​ന്ത്യാ ടു​ഡെ സം​ഘ​ടി​പ്പി​ച്ച സൗ​ത്ത് കോ​ൺ​ക്ലേ​വി​ലാ​യി​രു​ന്നു പ​രാ​മ​ർ​ശം. പ​ക്ഷേ, അ​ക്കൗ​ണ്ട​ബി​ലി​റ്റി ഇ​ല്ലാ​ത്ത തെ​ര​ഞ്ഞെ​ടു​പ്പു ക​മ്മീ​ഷ​നോ സ​ർ​ക്കാ​രോ അ​ന​ങ്ങി​യി​ല്ല.

 

അ​ക്കൗ​ണ്ട​ബി​ലി​റ്റി ത​ങ്ങ​ളെ ബാ​ധി​ക്കു​ന്ന കാ​ര്യ​മ​ല്ലെ​ന്ന് പ​ല വി​ഷ​യ​ങ്ങ​ളി​ലും കേ​ന്ദ്രം ന​മ്മെ ബോ​ധ്യ​പ്പെ​ടു​ത്തി. മു​ഖ്യ​മാ​യും പ്ര​തി​പ​ക്ഷ​ത്തി​നെ​തി​രേ മാ​ത്രം റെ​യ്ഡും അ​ന്വേ​ഷ​ണ​വും ന​ട​ത്തു​ന്ന അ​ന്വേ​ഷ​ണ ഏ​ജ​ൻ​സി​ക​ൾ​ക്കെ​തി​രേ ഹൈ​ക്കോ​ട​തി​ക​ളും സു​പ്രീം​കോ​ട​തി​ക​ളും പ​ല​ത​വ​ണ രൂ​ക്ഷ​മാ​യ വി​മ​ർ​ശ​ന​ങ്ങ​ൾ ന​ട​ത്തി. ഒ​രു ഫ​ല​വു​മി​ല്ല. ശ​ത്രു​ക്ക​ളാ​യി ബി​ജെ​പി സ​ർ​ക്കാ​രു​ക​ൾ ക​രു​തു​ന്ന​വ​രു​ടെ, പ്ര​ത്യേ​കി​ച്ച് ന്യൂ​ന​പ​ക്ഷ​ങ്ങ​ളു​ടെ വീ​ടു​ക​ളും ആ​രാ​ധ​നാ​ല​യ​ങ്ങ​ളും ഇ​ടി​ച്ചു​നി​ര​ത്തു​ന്ന ബു​ൾ​ഡോ​സ​ർ രാ​ജും തു​ട​രു​ക​യാ​ണ്. ഇ​ത്ത​രം ന​ട​പ​ടി​ക​ൾ ഭ​ര​ണ​ഘ​ട​ന​യു​ടെ അ​നു​ച്ഛേ​ദം 21 പ്ര​കാ​രം വ്യ​ക്തി​ക​ളു​ടെ മൗ​ലി​കാ​വ​കാ​ശ​ത്തെ ബാ​ധി​ക്കു​മെ​ന്നു സു​പ്രീം​കോ​ട​തി ചൂ​ണ്ടി​ക്കാ​ട്ടി​യ​ത് 2024 ന​വം​ബ​റി​ലാ​ണ്. പ​ക്ഷേ, ജ​ന​ത്തോ​ടോ കോ​ട​തി​യോ​ടോ പോ​ലും അ​ക്കൗ​ണ്ട​ബി​ലി​റ്റി ഉ​ള്ള​താ​യി സ​ർ​ക്കാ​രു​ക​ൾ ഭാ​വി​ക്കു​ന്നി​ല്ല. പ​ശു​ക്ക​ട​ത്ത്, പ​ശു​വി​റ​ച്ചി ഭ​ക്ഷി​ക്ക​ൽ തു​ട​ങ്ങി​യ​വ ആ​രോ​പി​ച്ച് എ​ത്ര​യോ നി​ര​പ​രാ​ധി​ക​ളെ ഹി​ന്ദു​ത്വ ആ​ൾ​ക്കൂ​ട്ട​ങ്ങ​ൾ കൊ​ന്നു. മ​ത​പ​രി​വ​ർ​ത്ത​നം ആ​രോ​പി​ച്ച് എ​ത്ര​യോ മ​നു​ഷ്യ​രെ മ​ർ​ദി​ക്കു​ക​യും ആ​ൾ​ക്കൂ​ട്ട വി​ചാ​ര​ണ ന​ട​ത്തു​ക​യും ചെ​യ്തു. എ​ല്ലാ​റ്റി​ലു​മു​ണ്ടാ​യി കോ​ട​തി​യു​ടെ വി​മ​ർ​ശ​ന​ങ്ങ​ൾ. പ​ക്ഷേ, ഒ​ന്നി​നു​മു​ണ്ടാ​യി​ല്ല പ​രി​ഹാ​രം. എ​ന്തി​ന്, വി​ദ്യാ​ഭ്യാ​സ​മ​ന്ത്രി​യു​ടെ രാ​ജി​പോ​ലും അ​ക്കൗ​ണ്ട​ബി​ലി​റ്റി​യു​ടെ ഭാ​ഗ​മ​ല്ലെ​ന്നു പ​റ​യാ​നാ​ണ് സ​ർ​ക്കാ​ർ ശ്ര​മി​ക്കു​ന്ന​ത്. വി​ദ്യാ​ഭ്യാ​സ​മ​ന്ത്രി രാ​ജി​വ​ച്ച​ത് അ​ദ്ദേ​ഹം കു​റ്റം ചെ​യ്ത​തു​കൊ​ണ്ട​ല്ല, വി​ദ്യാ​ർ​ഥി​ക​ളെ​യും യു​വാ​ക്ക​ളെ​യും സ​ർ​ക്കാ​ർ വി​ല​മ​തി​ക്കു​ന്ന​തു​കൊ​ണ്ടാ​ണ​ത്രേ 

സി​ജെ​പി​യു​ടെ സ​മ​ര​ത്തെ ത​ങ്ങ​ളു​ടെ​യും വി​ജ​യ​മാ​ക്കാ​ൻ ശ്ര​മി​ക്കു​ന്ന പാ​ർ​ട്ടി​ക​ളും ആ​ത്മ​പ​രി​ശോ​ധ​ന ന​ട​ത്ത​ണം. കേ​ര​ള​ത്തി​ലെ കാ​ര്യം മാ​ത്ര​മെ​ടു​ത്താ​ൽ, അ​ക്ര​മി​ക​ളാ​യ തെ​രു​വു​നാ​യ​ക​ളെ കൊ​ല്ലാ​മെ​ന്നും പൊ​തു​സ്ഥ​ല​ങ്ങ​ളി​ൽ​നി​ന്ന് മാ​റ്റ​ണ​മെ​ന്നും സു​പ്രീം​കോ​ട​തി ക​ർ​ശ​ന നി​ർ​ദേ​ശം ന​ൽ​കി​യി​ട്ടു ര​ണ്ടു മാ​സം. വീ​ടു​ക​ളി​ലും വി​ദ്യാ​ല​യ​ങ്ങ​ളി​ലും ആ​ശു​പ​ത്രി​ക​ളി​ലും​വ​രെ നാ​യ്ക്ക​ൾ ന​ര​വേ​ട്ട ന​ട​ത്തു​ക​യാ​ണ്. വ​ന്യ​ജീ​വി ആ​ക്ര​മ​ണം മ​റ്റൊ​രു ദു​ര​ന്തം. എ​വി​ടെ​യാ​ണ് അ​ക്കൗ​ണ്ട​ബി​ലി​റ്റി? സാ​ന്പ​ത്തി​ക​ത്ത​ക​ർ​ച്ച തു​ട​രു​ന്പോ​ഴും ക​ഴി​ഞ്ഞ സ​ർ​ക്കാ​ർ ന​ട​ത്തി​യ അ​ന​ധി​കൃ​ത നി​യ​മ​ന​ങ്ങ​ൾ​ക്കു ശ​ന്പ​ളം കൊ​ടു​ത്തു​കൊ​ണ്ടി​രി​ക്കു​ക​യാ​ണ്. നാ​ലു ല​ക്ഷ​ത്തോ​ളം ശ​ന്പ​ള​വും മ​റ്റ് ആ​നു​കൂ​ല്യ​ങ്ങ​ളും പെ​ൻ​ഷ​നും വാ​ങ്ങു​ന്ന പി​എ​സ്‌​സി അം​ഗ​ങ്ങ​ളു​ടെ കാ​ര്യ​ത്തി​ലും മൗ​നം. ചി​ല നി​ർ​ജീ​വ കോ​ർ​പ​റേ​ഷ​നു​ക​ൾ ഖ​ജ​നാ​വ് ചോ​ർ​ത്തു​ന്നെ​ന്ന ആ​രോ​പ​ണ​ങ്ങ​ൾ പ​രി​ശോ​ധി​ക്ക​പ്പെ​ടു​ന്നി​ല്ല. വി​ദ്യാ​ഭ്യാ​സ വി​ച​ക്ഷ​ണ​ർ ഇ​രി​ക്കേ​ണ്ട സ​ർ​വ​ക​ലാ​ശാ​ലാ സി​ന്‍​ഡി​ക്ക​റ്റും സെ​ന​റ്റു​മൊ​ക്കെ മൂ​ന്നാം​കി​ട പാ​ർ​ട്ടി​ക്കാ​രു​ടെ വി​നോ​ദ​കേ​ന്ദ്ര​ങ്ങ​ളാ​യി. അ​ക്കൗ​ണ്ട​ബി​ലി​റ്റി എ​വി​ടെ? പി​എ​സ്‌​സി-​എം​പ്ലോ​യ്മെ​ന്‍റ് എ​ക്സ്ചേ​ഞ്ചു​ക​ൾ വ​ഴി​യും പി​ൻ​വാ​തി​ലി​ലൂ​ടെ​യും നി​യ​മ​ന​ങ്ങ​ൾ ന​ട​ത്തി​യ​വ​ർ ഡ​ൽ​ഹി സ​മ​ര​ത്തി​ൽ മു​ഖം മി​നു​ക്കാ​നെ​ത്തി. അ​ക്ര​മ​ങ്ങ​ളും ആ​ൾ​ക്കൂ​ട്ട വി​ചാ​ര​ണ​ക​ളും ന​ട​ത്തി കേ​ര​ള​ത്തി​ലെ കാ​ന്പ​സി​ൽ ചോ​ര പ​ട​ർ​ത്തി​യ​വ​ർ വി​ദ്യാ​ഭ്യാ​സ മേ​ഖ​ല​യി​ൽ ന​ന്മ വി​ള​യു​ന്ന ഒ​രൊ​റ്റ സ​മ​ര​വും സ​മീ​പ​കാ​ല​ത്തു ന​ട​ത്തി​യി​ട്ടി​ല്ലെ​ങ്കി​ലും ഡ​ൽ​ഹി സ​മ​ര​ത്തി​ൽ പ​ങ്കെ​ടു​ത്തു. പ​ക്ഷേ, അ​തു നി​ങ്ങ​ൾ കേ​ര​ള​ത്തി​ൽ ച​വി​ട്ടി​മെ​തി​ച്ച അ​ക്കൗ​ണ്ടി​ബി​ലി​റ്റി​യെ പു​നഃ​സ്ഥാ​പി​ക്കി​ല്ല. 

വി​ദ്യാ​ർ​ഥി​സ​മ​ര​വി​ജ​യം രാ​ജ്യ​ത്തെ ആ​വേ​ശ​ഭ​രി​ത​മാ​ക്കി​യി​ട്ടു​ണ്ട്. പ​ക്ഷേ, ഒ​രു വി​ജ​യ​ത്തി​ൽ​നി​ന്നു സ​മ​ഗ്ര​വും ആ​ശ​യാ​ടി​സ്ഥാ​ന​മു​ള്ള​തു​മാ​യ രാ​ഷ്‌​ട്രീ​യ​ത്തി​ലേ​ക്കു​ള്ള ദൂ​രം ഡ​ൽ​ഹി ദി​ന​ങ്ങ​ൾ​കൊ​ണ്ട് അ​ള​ക്കാ​നാ​കി​ല്ല. മ​ത-​ജാ​തി-​രാ​ഷ്‌​ട്രീ​യ ഭേ​ദ​മി​ല്ലാ​തെ ഇ​ന്ന​ലെ നി​ങ്ങ​ളു​യ​ർ​ത്തി​യ അ​ക്കൗ​ണ്ട​ബി​ലി​റ്റി നാ​ളെ നി​ങ്ങ​ളെ​യും തേ​ടി​വ​രും. എ​ല്ലാ​റ്റി​ലു​മു​പ​രി നി​ങ്ങ​ൾ അ​ധി​കാ​ര​ത്തോ​ടാ​ണ് അ​ക്കൗ​ണ്ട​ബി​ലി​റ്റി ആ​വ​ശ്യ​പ്പെ​ട്ട​ത്. അ​വ​ർ അ​തു ത​രു​മോ അ​തോ അ​ധി​കാ​ര​പ്ര​യോ​ഗ​ത്തി​ൽ ത​ന്ത്ര​പ​ര​മാ​യ മാ​റ്റ​ങ്ങ​ളു​ണ്ടാ​ക്കി അ​ക്കൗ​ണ്ട​ബി​ലി​റ്റി​യെ​ക്കു​റി​ച്ചു​ള്ള ചോ​ദ്യ​ങ്ങ​ളെ മ​റി​ക​ട​ക്കു​മോ എ​ന്ന​റി​യി​ല്ല. സാ​മ്രാ​ജ്യ​ത്വ​ത്തി​ന്, അ​ഥ​വാ ജ​ന​ത്തോ​ടും രാ​ജ്യ​ത്തോ​ടും അ​ക്കൗ​ണ്ട​ബി​ലി​റ്റി ഇ​ല്ലാ​ത്ത അ​ധി​കാ​ര​ത്തി​ന് ഏ​തൊ​രു സ്വാ​ത​ന്ത്ര്യ​സ​മ​ര​ത്തെ​യും ശി​പാ​യി​ല​ഹ​ള​യാ​ക്കി മാ​റ്റാ​നു​ള്ള വി​രു​തു​ണ്ടെ​ന്നു മ​റ​ക്ക​രു​ത്; ഡ​ൽ​ഹി​യി​ലാ​യാ​ലും തി​രു​വ​ന​ന്ത​പു​ര​ത്താ​യാ​ലും. ഡ​ൽ​ഹി​യി​ലെ ന​വോ​ത്ഥാ​ന മി​ന്ന​ൽ​പ്പി​ണ​രു​ക​ൾ ഇ​ന്ത്യ​ൻ ജ​നാ​ധി​പ​ത്യ ശു​ദ്ധീ​ക​ര​ണ​ത്തി​ന്‍റെ പെ​രു​ന്പ​റ​യാ​ക​ട്ടെ!

 

പ്രൊഫ് . ജോൺ കുരാക്കാർ