പുസ്തക നിരൂപണം "നന്മയുടെ ശ്രീനി " കുരീപ്പുഴ ഫ്രാൻസിസ്

 

പുസ്തക നിരൂപണം

"നന്മയുടെ ശ്രീനി "

കുരീപ്പുഴ  ഫ്രാൻസിസ്

അധ്യാപക കലാസാഹിതി  പ്രസിദ്ധീകരിച്ച  ശ്രി കുരീപ്പുഴ  ഫ്രാൻസിസ് ന്റെ  "നന്മയുടെ ശ്രീനി "എന്ന ലഘുപുസ്തകം  വായിച്ചു , ശ്രീനിവാസൻ എന്ന മഹാപ്രതിഭയെ മനസിലാക്കാൻ ഈ പുസ്തകം ഉപകരിക്കും . ജനനവും ബാല്യവും തുടങ്ങി പലതും ഈ പുസ്തകത്തിൽ ആവർത്തിക്കുന്നുണ്ട് , ആവർത്തനം ഒഴിവാക്കണമായിരുന്നു . ഇത് വിജ്ഞാന പ്രദമായ  ഒരു പുസ്തകം  തന്നെയാണ് . ശ്രീനിവാസൻ എന്ന  അനുഗ്രഹീതകലാകാരനോടുള്ള  സ്നേഹത്തിന്റെയും  ആദരവിന്റെയും  സ്മരണികയാണ് ഈ പുസ്തകം ..ശ്രീനിവാസനെ പുതിയ തലമുറയ്ക്ക്  പരാജയപെടുത്തിക്കൊടുക്കുകയാണ് കുരീപ്പുഴ ഫ്രാൻസിസ് ന്റെ  ലക്‌ഷ്യം , സാധാരണക്കാരന്റെ ജീവിതമാണ്  ശ്രീനിവാസൻ  സിനിമയിൽ ചിത്രീകരിച്ചത്  അദ്ദേഹം തന്റെ സ്വതസിദ്ധമായ ശൈലിയിൽ  സമൂഹത്തിലെ കാപട്യങ്ങളും  പൊള്ളത്തരങ്ങളും  വെളിച്ചത്തു കൊണ്ടുവരുന്നു . കുഞ്ചൻ നമ്പ്യാർ , വികെഎൻ

, ചെമ്മനം ചാക്കോ എന്നിവരെ പോലെ  സറ്റയർ   ( ആക്ഷേപഹാസ്യം ) ആണ്  കൂടുതലും ഉപയോഗിക്കുന്നത് . പെരുമയുടെ ആര്ഭാടങ്ങളിൽ  നിന്ന് മാറി നിന്ന്  മണ്ണിനെയും മനുഷ്യനെയും സ്നേഹിക്കുന്ന  ഒരു നാട്ടുപുറത്തുകാരനാണ് ശ്രീനിവാസൻ , സിനിമയെ സ്നേഹിക്കുന്ന ,ശ്രീനിയെ ഇഷ്‌ടപ്പെടുന്നവർക്ക് ഈ പുസ്തകം  അമൂല്യമാണ് . കാപട്യമില്ലാത്ത വാക്കുകൾ കൊണ്ടും  മൂർച്ചയുള്ള പരിഹാസം കൊണ്ടും  സമൂഹത്തിലെ പൊങ്ങച്ചങ്ങളും പൊള്ളത്തരങ്ങളും  തുറന്നുകാട്ടാൻ അദ്ദേഹത്തിന് കഴിഞ്ഞിട്ടുണ്ട് , ജീവിതത്തിന്റെ  സായാഹ്നത്തിൽ  പ്രകൃതിയിലേക്കും  മണ്ണിലേക്കും  മടങ്ങി കൊണ്ട്  അദ്ദേഹം  ഒരു പാഠപുസ്തകമായി മാറി . ശ്രീനിയുടെ ജീവിതത്തെ ആഴത്തിൽ മനസിലാക്കാൻ  ഈ പുസ്തകം ഉപകരിക്കും . കുരീപ്പുഴ  ഫ്രാൻസിസിൽ  ഇനിയും ധാരാളം  വിജ്ഞാന പ്രദമായ   പുസ്തകങ്ങൾ  ഉണ്ടാകട്ടെ

 

പ്രൊഫ്. ജോൺ കുരാക്കാർ