ഡേ കെയറിലാക്കിയ കുഞ്ഞ് മരിച്ച സംഭവത്തില്‍ കന്യാസ്ത്രീകള്‍ അടക്കം മൂന്നുപേര്‍ അറസ്റ്റില്‍
ഡേ കെയറില്‍ പരിചരണത്തിന് ഏല്‍പ്പിച്ച രണ്ട് വയസ്സുകാരന്‍ പുഴയില്‍ വീണ് മരിക്കാനിടയായ സംഭവത്തില്‍ ഡേ കെയര്‍ നടത്തിപ്പുകാരായ കന്യാസ്ത്രീകള്‍ ഉള്‍പ്പടെ മൂന്നു പേര്‍ അറസ്റ്റില്‍. സിസ്റ്റര്‍ രമ്യ, സിസ്റ്റര്‍ മേരി തങ്കം ഡേ കെയറിലെ ജീവനക്കാരിയായ കുഞ്ഞമ്മ എന്നിവരാണ് അറസ്റ്റിലായത്..
കൈന്റിക്കര വലിയമാക്കല്‍ വീട്ടില്‍ രാജേഷിന്റെ ഏക മകന്‍ ആദവാണ് (അമ്പാടി - 2) മരിച്ചത്. കളമശ്ശേരി കുറ്റിക്കാട്ടുകരയില്‍ പ്രവര്‍ത്തിക്കുന്ന സ്റ്റെല്ല മേരീസ് എന്ന ഡേ കെയറില്‍ ഏല്‍പ്പിച്ച കുഞ്ഞിനെ ബുധനാഴ്ച ഉച്ചയോടെ പെരിയാറില്‍ മരിച്ചനിലയില്‍ കണ്ടെത്തുകയായിരുന്നു. ഭാര്യ രശ്മി തയ്യല്‍ പഠിക്കാന്‍ പോകുന്നതിനാല്‍ മൂന്ന് ദിവസം മുമ്പാണ് രാജേഷ് കുട്ടിയെ ഡേ കെയറില്‍ ചേര്‍ത്തത്. രാവിലെ 10 മണിക്ക് ഡേ കെയറില്‍ ഏല്‍പ്പിക്കുകയും വൈകീട്ട് 3.30ന് തിരിച്ച് കൊണ്ടുവരികയുമാണ് ചെയ്യുന്നത്. ഡേ കെയര്‍ ജീവനക്കാരുടെ അശ്രദ്ധമൂലമാണ് കുട്ടി പുഴയില്‍ വീണതെന്ന് അശ്രദ്ധമൂലമാണ് കുട്ടി പുഴയില്‍ വീണതെന്ന് ആക്ഷേപമുണ്ടായിരുന്നു.
കുട്ടിയെ ആസ്പത്രിയില്‍ പ്രവേശിപ്പിച്ചതായി ബുധനാഴ്ച ഉച്ചയോടെ ഡേ െകയറില്‍ നിന്ന് ഫോണ്‍ സന്ദേശം വന്നതിനെ തുടര്‍ന്ന് ഏലൂര്‍ ഇ.എസ്.ഐ. ആസ്പത്രിയിലെത്തിയപ്പോഴാണ് കുട്ടി മരിച്ച വിവരം മാതാപിതാക്കള്‍ അറിയുന്നത്. പെരിയാറിന്റെ തീരത്തായാണ് ഡേ കെയര്‍ പ്രവര്‍ത്തിക്കുന്നത്. ജീവനക്കാരുടെ ശ്രദ്ധയില്‍പ്പെടാതെ കുട്ടി ഗേറ്റ് തുറന്ന് പോയി പുഴയില്‍ വീഴുകയായിരുന്നുവെന്നാണ് ഡേ കെയര്‍ അധികൃതര്‍ ഏലൂര്‍ പോലീസിന് മൊഴി നല്‍കിയിരിക്കുന്നത്. എന്നാല്‍ കുട്ടിക്ക് തനിയെ ഗേറ്റ് തുറന്ന് പോകുവാനോ താഴേയ്ക്കുള്ള പടികള്‍ ഇറങ്ങിപ്പോകുന്നതിനോ കഴിയില്ലെന്നാണ് ബന്ധുക്കള്‍ പറയുന്നത്. അതുകൊണ്ടുതന്നെ സംഭവത്തില്‍ ദുരൂഹതയുണ്ടെന്ന് ബന്ധുക്കള്‍ ആരോപിക്കുന്നു.
Prof. John Kurakar
No comments:
Post a Comment