ന്യൂയോര്ക്ക് ടൈംസ് ക്ഷമാപണം നടത്തി
പത്രത്തിന്റെ ഫെയ്സ്ബുക്ക്
പേജിലാണ് ക്ഷമാപണം പ്രത്യക്ഷപ്പെട്ടത്
ഇന്ത്യയുടെ
മംഗള്യാന് ദൗത്യത്തെ മോശമായി ചിത്രീകരിക്കുന്ന തരത്തിലുള്ള കാര്ട്ടൂണ്
പ്രസിദ്ധീകരിച്ചതിന് ന്യൂയോര്ക്ക് ടൈംസ് പത്രം അതിന്റെ ഫെയ്സ്ബുക്ക് പേജിലൂടെ
ക്ഷമാപണം നടത്തി. കാര്ട്ടൂണിനെതിരെ വായനക്കാര് നടത്തിയ പ്രതികരണത്തെ ഉള്ക്കൊള്ളുന്നുവെന്നും
സ്വാഗതം ചെയ്യുന്നുവെന്നും എഡിറ്റോറിയല് പേജ് എഡിറ്റര് ആന്ഡ്രൂ റോസന്തലിന്റെ
ക്ഷമാപണക്കുറിപ്പില് പറയുന്നു. കാര്ട്ടൂണിസ്റ്റ് ഹെങ് കിം സോങ് ഇന്ത്യയെ കുറ്റപ്പെടുത്താന് ശ്രമിച്ചിട്ടില്ല.
എന്നാല് കാര്ട്ടൂണില് ഉപയോഗിച്ച ചിത്രങ്ങള് ആരെയെങ്കിലും
വേദനിപ്പിച്ചുവെങ്കില് ക്ഷമാപണം നടത്തുന്നുവെന്ന് ന്യൂയോര്ക്ക് ടൈംസ് നല്കിയ
കുറിപ്പില് പറയുന്നു.കാര്ട്ടൂണ് ഇന്ത്യാക്കാരെ വംശീയമായി അധിക്ഷേപിക്കുന്നതാണെന്ന വിമര്ശം ഉയര്ന്നിരുന്നു. ഇതേത്തുടര്ന്ന് പത്രത്തിന്റെ ഫെയ്സ്ബുക്ക് പേജില് നിരവധിപേര് രോഷ പ്രകടനം നടത്തി. മലയാളത്തിലുള്ള നിരവധി അഭിപ്രായപ്രകടനങ്ങളും ഫെയ്സ്ബുക്ക് പേജില് പ്രത്യക്ഷപ്പെട്ടിരുന്നു. തലപ്പാവ് ധരിച്ച ഇന്ത്യക്കാരനായ ദരിദ്രകര്ഷകന് പശുവിനൊപ്പം എലീറ്റ് സ്പേസ് ക്ലബ്ബിന്റെ വാതിലില് മുട്ടുന്നതാണ് കാര്ട്ടൂണ്. ക്ലബ്ബിനുള്ളിലുള്ളവര് ഇന്ത്യയുടെ വിജയകരമായ ചൊവ്വാദൗത്യത്തെക്കുറിച്ചുള്ള വാര്ത്ത വായിക്കുകയാണ്. അവരുടെ മുഖത്ത് ഇന്ത്യാക്കാരന് വാതിലില്മുട്ടുന്നതിന്റെ അതൃപ്തി നിഴലിക്കുന്നുണ്ട്. ഇന്ത്യാക്കാരന് പശുവിനെ മേച്ചുനടക്കുന്ന അപരിഷ്കൃതനാണെന്ന പാശ്ചാത്യരുടെ പൊതുധാരണയാണ് കാര്ട്ടൂണിലുള്ളതെന്നാണ് വിമര്ശം ഉയര്ന്നത്.
Prof. John Kurakar
No comments:
Post a Comment