കുവൈത്ത് രാജകുമാരനെ
മത്സ്യത്തൊഴിലാളികള് രക്ഷപ്പെടുത്തി
ആഡംബര ബോട്ട് മറിഞ്ഞ് കായലില് പെട്ട കുവൈത്ത് രാജകുമാരനെ മത്സ്യത്തൊഴിലാളികള് രക്ഷപ്പെടുത്തി. കഴിഞ്ഞദിവസം ചെറായി ആറാട്ട് കടവിലായിരുന്നു സംഭവം. കൊച്ചിയില് രഹസ്യ സന്ദര്ശനത്തിന് എത്തിയതായിരുന്നു കുവൈറ്റ് രാജകുമാരന് ഷേയ്ക്ക് നാസര് അല്ഷാബയും സുഹൃത്തുക്കളും. ഇവര് സഞ്ചരിച്ചിരുന്ന ആഡംബര ബോട്ട് മരക്കുറ്റിയില് ഇടിച്ച് മറിയുകയായിരുന്നു . തുടര്ന്ന് സമീപത്ത് ഉണ്ടായിരുന്ന മത്സ്യത്തൊഴിലാളികള് രാജകുമാരനെയും സുഹൃത്തുക്കളേയും രക്ഷപ്പെടുത്തി കരയില് എത്തിക്കുകയായിരുന്നു. കുവൈത്തില് നിന്നും കൊണ്ട് വന്നതായിരുന്നു ലക്ഷങ്ങള് വില മതിക്കുന്ന ആഡംബര ബോട്ട്.
ഇവരെ കരയില്എത്തിച്ചയുടന് വന് വാഹനവ്യൂഹം പാഞ്ഞെത്തിയപ്പോഴാണ് തങ്ങള് കുവൈത്ത് രാജകുമാരനെയാണ് രക്ഷിച്ചതെന്ന് തൊഴിലാളികളും അറിയുന്നത്. രഹസ്യ സന്ദര്ശനമായിരുന്നതിനാല് തന്റെ ചിത്രങ്ങള് പകര്ത്തരുതെന്ന് നാട്ടുകാരോട് രാജകുമാരന് അഭ്യര്ത്ഥിച്ചതിനാല് ആരും ചിത്രം പകര്ത്തിയില്ല. വൈകിട്ടോടെ രാജകുമാരന് പ്രത്യേക വിമാനത്തില് കുവൈത്തിലേക്ക് പോയി.
പ്രൊഫ്. ജോണ് കുരാക്കാർ
No comments:
Post a Comment