MENTAL PEACE (മനശ്ശാന്തി തേടുന്ന കേരളം)

മനശ്ശാന്തി തേടുന്ന കേരളം

ഒ.കെ. മുരളീകൃഷ്ണന്‍

ചികിത്സിക്കാന്‍ മടി, മരുന്നിനെ പേടി

                        മാനസിക പിരിമുറുക്കവും വിഷാദവും കേരളത്തില്‍ കൂടിവരുന്നതായാണ് കണക്ക്. ഗുരുതരമായ മാനസികരോഗമുള്ളവര്‍ സമൂഹത്തിന്റെ ഒരു ശതമാനം വരും. എന്നാല്‍, ഏത് രോഗത്തിനും ചികിത്സകിട്ടുന്ന കേരളത്തില്‍ ഇന്നും മനോരോഗ ചികിത്സ കൈയെത്തുംദൂരത്ത് എത്തിയിട്ടില്ല. മനോരോഗ ആസ്പത്രികളെല്ലാം നഗരം കേന്ദ്രീകരിച്ചാണ്. ചെറിയ മനോവിഷമത്തിന് കൗണ്‍സലിങ് നടത്തേണ്ടവര്‍പോലും എവിടെ പോകണമെന്നറിയാതെ വിഷമിക്കുന്നു. മറ്റേതൊരു രോഗത്തെയുംപോലെ മടികൂടാതെ ഡോക്ടറെ കാണിച്ച് ചികിത്സിക്കേണ്ട മനോരോഗം സമൂഹത്തിന്റെ വികലമായ കാഴ്ചപ്പാടുകാരണം ഒളിച്ചുവെക്കപ്പെടുന്നു. പാവപ്പെട്ടവര്‍ക്ക് ആശ്വാസമാകേണ്ട സര്‍ക്കാര്‍മേഖല സാന്ത്വനഹസ്തവുമായി താഴേത്തട്ടിലെത്തുന്നില്ല. സാക്ഷരതയില്‍ മുന്നില്‍നില്‍ക്കുന്ന കേരളീയര്‍ ഇന്നും മനോരോഗങ്ങളെക്കുറിച്ചും അതിനാവശ്യമുള്ള ചികിത്സയെക്കുറിച്ചും അബദ്ധധാരണകള്‍ വെച്ചുപുലര്‍ത്തുന്നു. സമൂഹവും സര്‍ക്കാറും കൈകോര്‍ത്ത് നീങ്ങേണ്ട, ചികിത്സപോലെത്തന്നെ പുനരധിവാസത്തിനും പ്രാധാന്യമുള്ള മനോരോഗ ചികിത്സാമേഖലയെക്കുറിച്ച് ഒരന്വേഷണം. ഒ.കെ. മുരളീകൃഷ്ണന്‍ എഴുതുന്ന പരമ്പര ഇന്നുമുതല്‍ നാലാം പേജില്‍.

               മലയോരത്തെ സര്‍ക്കാര്‍ വിദ്യാലയത്തിലാണ് അവള്‍ പഠിച്ചത്. പാവപ്പെട്ട കുടുംബത്തിലെ അംഗമാണെങ്കിലും പഠിക്കാന്‍ മിടുക്കി. ചെറുപ്രായത്തിലേ അമ്മ മരിച്ച അവളെ അച്ഛനും ബന്ധുക്കളുമാണ് വളര്‍ത്തിയത്. ആകെ ആശ്രയമായ അച്ഛന്റെ മരണം പെട്ടെന്നായിരുന്നു. ദാരിദ്ര്യത്തില്‍ വീണുപോയ കുടുംബത്തിന് പ്രഹരമെന്നോണം കോളേജില്‍ പഠിക്കുന്ന പെണ്‍കുട്ടി മാനസികരോഗത്തിന്റെ ലക്ഷണങ്ങള്‍ കാണിച്ചു.സര്‍ക്കാര്‍ മാനസികാരോഗ്യകേന്ദ്രത്തിലേക്ക് നൂറുകിലോമീറ്റര്‍ ദൂരംവരും. ജില്ലാ ആസ്പത്രിയില്‍ സ്ഥിരം സൈക്യാട്രിസ്റ്റില്ലാത്തതിനാല്‍ സ്വകാര്യ ആസ്പത്രിയില്‍ കാണിച്ചു. മരുന്നിനും ഫീസിനും പണം തികയാതെ വന്നപ്പോള്‍ ചികിത്സ മുടങ്ങി. കൃത്യമായ ചികിത്സകൊണ്ട് ഭേദമാകുമായിരുന്ന രോഗം കൂടി. മന്ത്രവാദവും 'അരവൈദ്യ'വും സ്ഥിതി രൂക്ഷമാക്കി. ഒടുവില്‍ അസ്വസ്ഥമായ മനസ്സ് അവളെ കൊണ്ടുചെന്നെത്തിച്ചത് ആത്മഹത്യയിലേക്കാണ്.

                 ശാരീരികാരോഗ്യത്തെക്കുറിച്ച് ഏറെ ബോധമുള്ളതും മാനസികാരോഗ്യത്തെക്കുറിച്ച് വളരെ കുറിച്ചുമാത്രം പരിഗണനയുള്ളതുമായ ജനതയാണ് കേരളത്തിലേത്. ഒട്ടേറെ സര്‍വേ നടക്കുന്ന ഇന്ത്യയിലും കേരളത്തിലും മാനസികാരോഗ്യ നിലവാരം വിലയിരുത്താന്‍ സമഗ്രമായ ഒരൊറ്റ സര്‍വേപോലും നടന്നില്ലെന്നതാണ് വാസ്തവം. 2012-ലെ സി.എ.ജി. റിപ്പോര്‍ട്ട് അനുസരിച്ച് സംസ്ഥാനത്തെ ജനങ്ങളില്‍ 5.86 ശതമാനം പേര്‍ക്ക് രോഗാവസ്ഥയിലേക്കെത്തുന്ന മാനസികാരോഗ്യപ്രശ്‌നങ്ങള്‍ ഉണ്ടെന്ന് കണ്ടെത്തിയിട്ടുണ്ട്. ഇത് ദേശീയ ശരാശരി(രണ്ടുശതമാനം)യുടെ മൂന്നുമടങ്ങാണ്.കേരള ജനസംഖ്യയുടെ 13 ശതമാനത്തോളംവരുന്ന മുതിര്‍ന്നവരിലെ മാനസികാരോഗ്യപ്രശ്‌നം അതിലേറെ രൂക്ഷമാണ്. 65 വയസ്സിനുമേലെ പ്രായമുള്ളവരില്‍ മൂന്നുശതമാനം പേര്‍ക്ക് മേധക്ഷയം കണ്ടെത്തിയിട്ടുണ്ട്. 20 വയസ്സിനുമേലെ പ്രായമുള്ളവരില്‍ 15 ശതമാനത്തോളം വിഷാദരോഗം പിടിപെട്ടവരാണ്. ലോകാരോഗ്യ സംഘടന പുതിയ കാലത്തിന്റെ മരണദൂതന്‍ (new age killer)എന്ന് വിശേഷിപ്പിച്ച്, പ്രത്യേക ദൗത്യസേനവേണമെന്ന് നിര്‍ദേശിച്ച രോഗമാണിത്. അതുപോലെ കേരളത്തില്‍ ആത്മഹത്യചെയ്യുന്നവരില്‍ 17.2 ശതമാനം മാനസികരോഗംകൊണ്ടാണെന്നത് കരുതലോടെ കാണേണ്ടതാണ്. ദേശീയ ശരാശരി ആറുശതമാനമായിരിക്കെയാണ് കേരളത്തിലെ ഈ അവസ്ഥ.കണക്കുകള്‍ കേള്‍ക്കുമ്പോള്‍ അദ്ഭുതം തോന്നാം. പനി വന്നാല്‍ ഡോക്ടറുടെയടുത്ത് ഓടിയെത്തുന്നതുപോലെ മനസ്സിന്റെ ആകുലതകള്‍ക്ക് ആരും വൈദ്യസഹായം തേടാത്തതാണ് കേരളമനസ്സിന്റെ ഈ അശാന്തി പുറത്തറിയാതിരിക്കാന്‍ കാരണം. എല്ലാ മാനസികരോഗത്തെയും ഭ്രാന്ത് എന്ന രീതിയില്‍ കാണുന്ന സമൂഹത്തിന്റെ തെറ്റായ രീതിയെത്തുടര്‍ന്ന് ചികിത്സ രഹസ്യമാക്കിവെക്കുന്നതും മറ്റൊരു കാരണമാണ്.

മദ്യപാനത്തില്‍നിന്ന് മനോരോഗത്തിലേക്ക്

                  കേരളത്തില്‍ മദ്യപാനംകൊണ്ടുള്ള മനോരോഗങ്ങള്‍ വര്‍ധിച്ചുവരുന്നതായി മനോരോഗവിദഗ്ധര്‍ ചൂണ്ടിക്കാട്ടുന്നു. മദ്യവും മയക്കുമരുന്നും മസ്തിഷ്‌കത്തെ അപകടത്തിലാക്കുന്നു. മതിഭ്രമം, സംശയരോഗം, മനോവിഭ്രാന്തി തുടങ്ങിയവ അമിത മദ്യപാനംകൊണ്ട് ഉണ്ടാകും. മയക്കുമരുന്നുകള്‍ സ്വാഭാവിക മനോനിലയെ തകിടംമറിക്കുന്നവയാണ്. ചെറുതായി തുടങ്ങിയാല്‍പ്പോലും ക്രമേണ നിയന്ത്രണംവിട്ട് അടിമയാകുന്നുവെന്നതാണ് മയക്കുമരുന്നുകളുടെ പ്രത്യേകത.മദ്യം കഴിക്കുന്നവരുടെ തെറ്റിദ്ധാരണ, തലയ്ക്കുപിടിക്കാത്തത് അവരുടെ ശക്തികൊണ്ടാണ് എന്നാണ്. എന്നാല്‍, മസ്തിഷ്‌കം ഒരു പ്രതിരോധം എന്നനിലയില്‍ ശരീരത്തിന്റെ സഹനശക്തി ഉയര്‍ത്തുകയാണ് ചെയ്യുന്നത്. ഇത് ഉയര്‍ന്നുകഴിഞ്ഞാല്‍ മദ്യപാനം പെട്ടെന്ന് നിര്‍ത്തുന്നവര്‍ക്ക് അപസ്മാരവും വിറയലുമടക്കമുള്ള അവസ്ഥകള്‍ ഉണ്ടാകും. ശാസ്ത്രീയമായ ഡീഅഡിക്ഷന്‍ ചികിത്സകൊണ്ട് ഇത് ക്രമേണ മാറ്റാം. കേരളത്തില്‍ ഇന്ന് മദ്യം ഉപയോഗിക്കുന്നവരുടെ പ്രായം കുറഞ്ഞുവന്ന്, ശരാശരി 14 വയസ്സായതായി ചില പഠനങ്ങള്‍ വെളിപ്പെടുത്തുന്നു.ബൈപോളാര്‍ ഡിസീസ്, സ്‌കീസോഫ്രീനിയ, കൂടിയ വിഷാദം, സംശയരോഗം തുടങ്ങി ഗുരുതരമായ മാനസികരോഗങ്ങള്‍ ഉള്ളവരുടെ ശതമാനം സമൂഹത്തില്‍ ഏറെ വര്‍ധിച്ചിട്ടില്ലെന്ന് എറണാകുളം മെഡിക്കല്‍ ട്രസ്റ്റ് ആസ്പത്രിയിലെ സൈക്യാട്രിസ്റ്റ് സി.ജെ. ജോണ്‍ പറയുന്നു. ലോകത്ത് എല്ലായിടത്തും അതിന്റെ വ്യാപനം ഒരേ തരത്തിലായിരിക്കും. എന്നാല്‍, മനോസംഘര്‍ഷങ്ങളുമായി ബന്ധപ്പെട്ട രോഗങ്ങളാണ് ഇപ്പോള്‍ വര്‍ധിച്ചുവരുന്നത്. മദ്യപാനമുണ്ടാക്കുന്ന മാനസികരോഗവും വന്‍തോതില്‍ കൂടുന്നതായി അദ്ദേഹം ചൂണ്ടിക്കാട്ടുന്നു.

മറ്റുരോഗങ്ങളെപ്പോലെ മാനസികപ്രശ്‌നങ്ങള്‍ക്ക് ആളുകള്‍ വൈദ്യസഹായം തേടാത്തത് അപമാനഭീതികൊണ്ടും ചികിത്സയെയും മരുന്നുകളെയും കുറിച്ചുള്ള തെറ്റിദ്ധാരണകൊണ്ടുമാണ്. മനോരോഗങ്ങള്‍ക്കുള്ള മരുന്നുകള്‍ ഒരിക്കല്‍ കഴിച്ചാല്‍ അതിന് അടിമയായിപ്പോകുമെന്നാണ് മറ്റൊരു ധാരണ. ഇത് ശരിയല്ല. പ്രമേഹത്തിനുള്ള മരുന്നുപോലെ രോഗം നിയന്ത്രിച്ച് നിര്‍ത്തുന്നവയാണ് മനോരോഗത്തിനുള്ള ഔഷധങ്ങളും. അതുപോലെ മനോസംഘര്‍ഷം സൃഷ്ടിക്കുന്ന രോഗങ്ങള്‍ക്ക് സൈക്കോ തെറാപ്പിയും കൗണ്‍സലിങ്ങും മതിയാകും. ഇതിന് സൈക്കോളജിസ്റ്റുകളെ സമീപിക്കാം.ഗുരുതരമായ മാനസികരോഗങ്ങള്‍ തുടക്കത്തിലേ ചികിത്സിച്ചാല്‍ നല്ല ഫലം ലഭിക്കുമെന്ന് കോഴിക്കോട് മെഡിക്കല്‍ കോളേജിലെ സൈക്യാട്രി വിഭാഗം മേധാവി ഡോ. എം.ടി. ഹരീഷ് പറയുന്നു. സ്‌കീസോഫ്രീനിയ അടക്കമുള്ള രോഗം നിയന്ത്രിച്ചുനിര്‍ത്തി ഐ.ടി. മേഖലയിലടക്കം ജോലിചെയ്യുന്നവരുണ്ട്. വിവാഹം കഴിച്ച് സാധാരണനിലയില്‍ ജീവിക്കുന്നവരുമുണ്ടെന്ന് അദ്ദേഹം ചൂണ്ടിക്കാട്ടി.

നമ്മുടെ കുട്ടികള്‍ക്ക് എന്തുപറ്റി?

എല്ലാവരും ചോദിക്കുന്ന ചോദ്യമാണിത്. അവര്‍ക്ക് ഒന്നും പറ്റിയിട്ടില്ല. ഇന്ന് മധ്യവയസ്സിലെത്തിയവര്‍ക്ക് ആ പ്രായത്തിലുണ്ടായിരുന്നതിനേക്കാള്‍ ബുദ്ധിയും അറിവും അവര്‍ക്കുണ്ട്. വിവരങ്ങള്‍ വിരല്‍ത്തുമ്പിലും. പക്ഷേ, പ്രശ്‌നം അവിടെയൊന്നുമല്ല. അവര്‍ക്ക് പലപ്പോഴും പ്രായോഗിക ജീവിതത്തിന്റെ പാഠങ്ങള്‍ പഠിക്കാന്‍ അവസരം കിട്ടുന്നില്ല. എല്ലാം രക്ഷിതാക്കള്‍ ചെയ്തുകൊടുത്തും എത്തിച്ചുകൊടുത്തും ശീലിച്ചവര്‍ യൗവ്വനത്തില്‍ ഏതെങ്കിലും പ്രതിസന്ധിയിലേക്കെത്തുമ്പോള്‍ സാഹചര്യവുമായി പൊരുത്തപ്പെടാനാകാതെ വരുന്നതാണ് പ്രശ്‌നമെന്ന് എറണാകുളം ജനറല്‍ ആസ്പത്രിയിലെ സൈക്കോളജിസ്റ്റ് ഡോ. പി.ടി. സന്ദീഷ് ചൂണ്ടിക്കാട്ടുന്നു.ലൈംഗികതയുടെ അതിപ്രസരം കുട്ടികളെ വഴിതെറ്റിക്കുന്നുണ്ട്. ഇന്‍റര്‍നെറ്റിലൂടെയും മറ്റും ഇത്തരം ദൃശ്യങ്ങള്‍ അവരിലെത്തുന്നു. കണ്ടുകണ്ട് ഇത്തരം കാര്യങ്ങള്‍ പരീക്ഷിക്കാനുള്ള ഒരു ത്വര അവരിലുണ്ടാകുന്നുണ്ട്. കമ്പ്യൂട്ടര്‍  ഗെയിമുകളുടെയും ടെലിവിഷന്റെയും അടിമത്തം, സമൂഹവുമായുള്ള കുട്ടികളുടെ ഇടപെടല്‍ കുറയ്ക്കുന്നതും മാനസികാരോഗ്യത്തെ കുറയ്ക്കാന്‍ കാരണമാകുന്നു. ജീവിതശൈലീരോഗങ്ങള്‍പോലെ ഭക്ഷണപ്രശ്‌നങ്ങളും കുട്ടികളുടെ മാനസികാരോഗ്യത്തെ ബാധിച്ചേക്കാമെന്ന് ഇംഹാന്‍സ് ഡയറക്ടര്‍ ഡോ. കൃഷ്ണകുമാര്‍ പറയുന്നു. ഉദാഹരണത്തിന് രക്തക്കുറവ്, ശ്രദ്ധക്കുറവും പെരുമാറ്റ പ്രശ്‌നങ്ങളുമുണ്ടാക്കും. മതിയായ ഉറക്കം, വ്യായാമം എന്നിവയും കുട്ടികളുടെ മാനസികാരോഗ്യത്തിന് പ്രധാനമാണെന്ന് അദ്ദേഹം ചൂണ്ടിക്കാട്ടുന്നു.
___________________________________________________________________________________
To have mental peace is not always that easy. It's your mind that controls what you think, the prostitute from talking out loud, and saying what you feel. You can get mental reassurances from talking to yourself internally. Your mind lets your hear what you want to hear, it makes your mind focus but that doesn't mean anything you ignore won't come back. Finding mental peace is like finding that needle in a haystack, you don't know where to start without getting pricked, almost like a rose's thorns. So beautiful, but deadly. The thing about your mind is that it controls a lot of things, your mind is nothing, yet real. Where your thoughts are, the way you judge things.
___________________________________________________________________________________

                                                       പ്രൊഫ്‌. ജോണ്‍ കുരാക്കാർ