മദ്യം
കഴിച്ച ആറുവയസ്സുകാരന് അവശനിലയില്
പേരാമംഗലം: വീടിന് സമീപത്തെ പറമ്പില്
കളിക്കുന്നതിനിടെ കിട്ടിയ മദ്യക്കുപ്പികളില് നിന്ന് മദ്യം കഴിച്ച് അവശനായ ആറു
വയസ്സുകാരനെ ആസ്പത്രിയില് പ്രവേശിപ്പിച്ചു. പോന്നോര് ഊരുപറമ്പില് സുരേഷിന്റെ
മകന് അജയ്കൃഷ്ണനാണ് അമല മെഡിക്കല് കോളേജ് ആസ്പത്രി തീവ്രപരിചരണ വിഭാഗത്തില്
ചികിത്സയിലുള്ളത്. തിങ്കളാഴ്ച വൈകിട്ടാണ് സംഭവം. പോന്നോര് ഗവണ്മെന്റ് എല്.പി.സ്കൂളിലെ
നഴ്സറി വിഭാഗത്തില് വിദ്യാര്ത്ഥിയാണ് അജയ്കൃഷ്ണന്. സ്കൂള് വിട്ട്
വന്നതിനുശേഷം കൂട്ടുകാര്ക്കൊപ്പം ആളൊഴിഞ്ഞ അടുത്ത പറമ്പില് കളിക്കാന്
പോയതാണ്. പറമ്പില് കിടക്കുന്ന മദ്യക്കുപ്പിയില് ഉണ്ടായിരുന്ന മദ്യം
കഴിക്കുകയായിരുന്നുവെന്ന് പേരാമംഗലം പോലീസ് പറഞ്ഞു.
കുട്ടിയുടെ ബോധം നഷ്ടപ്പെട്ടതോടെ ഒപ്പമുണ്ടായിരുന്ന കുട്ടികള് അടുത്ത വീട്ടില്
വിവരം അറിയിച്ചു. ഒപ്പമുണ്ടായിരുന്നവര് അജയിനേക്കാളും മുതിര്ന്നതാണ്. ഇവര്
കുപ്പിയില് നിന്നുള്ള മദ്യം കഴിച്ചിരുന്നില്ല. നാട്ടുകാരാണ് അജയിനെ
ആസ്പത്രിയിലെത്തിച്ചത്. പരാതി ലഭിക്കാത്തതിനാല് പോലീസ് കേസ് രജിസ്റ്റര് ചെയ്തിട്ടില്ല. 24 മണിക്കൂറിന്
ശേഷമേ കുട്ടിയുടെ ആരോഗ്യനിലയെക്കുറിച്ച് പറയുവാന് കഴിയുകയുള്ളൂവെന്ന് ഡോക്ടര്മാര്
അറിയിച്ചു.
പ്രൊഫ്.ജോണ് കുരാക്കാർ
No comments:
Post a Comment