നോവലിസ്റ്റ് ടി സി ജോണ് അന്തരിച്ചു
നോവലിസ്റ്റും ചലച്ചിത്രഗാന രചയിതാവുമായ ബത്തേരി
തേലമ്പറ്റ തുര്ക്കടമലയില് ടി സി ജോണ് (67) അന്തരിച്ചു. ഭാര്യ : മേരി, മക്കള് :
രഞ്ജിത്ത്, ഇന്ദുലേഖ.മാതൃഭൂമി ബുക്സ് പുറത്തിറക്കിയ കാട്ടുകോഴി, ഗ്രാമത്തിലേക്കുവഴി (കുട്ടികളുടെ
നോവല് ) എന്നിവയുള്പ്പെടെ ഉറാട്ടി, തേക്ക്, നെല്ല്, ഗൂള് , മോചനത്തിന്റെ
പടവുകള് , ഗദ്ദികപ്പാട്ടുകാരന്റെ കല്യാണം എന്നീ നോവലുകളും കുട്ടായി, പൂജ ഗദ്ദിക,
മന്തന്പോത്ത്, മുള്ളാത്തിക്കുടി, തിമ്മണ്ണന്റെ ചെണ്ട എന്നീ ബാലസാഹിത്യ കൃതികളും
ഓര്മ്മിക്കാന് ഒരു ദു:ഖം എന്ന ഖണ്ഡകാവ്യവും രചിച്ചിട്ടുണ്ട്.
കേരള സാഹിത്യ അക്കാദമി, സംഗീത നാടക അക്കാദമി എന്നിവയില് അംഗമായി പ്രവര്ത്തിച്ചിട്ടുണ്ട്.
അബുദാബി മലയാളി സമാജം അവാര്ഡ്, എസ് കെ പൊറ്റക്കാട്ട് സ്മാരക അവാര്ഡ്, കേരള
സോഷ്യല് സെന്റര് അവാര്ഡ്, മദിരാശി കേരള സമാജം അവാര്ഡ്, മാധ്യമം അവാര്ഡ്,
കൈരളി അറ്റ്ലസ് അവാര്ഡ്, അബുദാബി തായാട്ട് ശക്തി അവാര്ഡ്, ഗായത്രി അവാര്ഡ്,
ഷാര്ജ കള്ച്ചറല് അവാര്ഡ്, ദല പുരസ്കാരം, നവസാക്ഷരത ദേശീയ അവാര്ഡ് എന്നിവ
ലഭിച്ചിട്ടുണ്ട്.
പ്രൊഫ്. ജോണ് കുരാക്കാർ
No comments:
Post a Comment