പുതിയ സംസ്ഥാനവും
രാഷ്ട്രത്തിന്റെ ഐക്യവും
സംസ്ഥാന രൂപീകരണം ഭാഷാടിസ്ഥാനത്തിലാവണമെന്ന് അമ്പതുകളുടെ അവസാനം
തീരുമാനിച്ചത് അഗാധമായ ചിന്തകളുടെയും സുദീര്‍ഘമായ ചര്‍ച്ചകളുടെയും നിരന്തരമായ
പ്രക്ഷോഭങ്ങളുടെയും ഫലമായാണ്. എന്നാൽ ഇപ്പോൾ തെലങ്കാന 2 9 -ആം സംസ്ഥാനം പിറക്കുകയാണ്. തെലങ്കാ നയുടെ വികസനത്തിന്
പ്രത്യേക സംസ്ഥാന രൂപവത്ക രണം അനിവാര്യമാണെന്നാണ് ഇതിനുവേണ്ടി ശബ്ദ മുയര്‍ത്തിയവര്‍
വാദിച്ചു പോന്നത്. നൈസാമിന്റെ ഭരണത്തിന്‍ കീഴിലായിരുന്ന ഹൈദരാബാദില്‍ ഉള്‍പ്പെട്ട
തെലങ്കാനയുടെ പല പ്രദേശങ്ങളും തികച്ചും അവികസിതമായിരുന്നു. വിദ്യാഭ്യാസം, വികസന
പദ്ധതികള്‍ എന്നിവയിലെല്ലാം, ഈ പ്രദേശം അവഗണിക്കപ്പെട്ടു. ആന്ധ്രാപ്രദേശ് നിലവില്‍വന്ന
ശേഷവും തെലങ്കാന പ്രദേശം അവഗണിക്കപ്പെടുന്നുവെന്ന പരാതി ശക്തമായി. അവിട ത്തെ
അവികസിതാവസ്ഥ ചൂണ്ടിക്കാട്ടിയുള്ള സമരങ്ങള്‍ക്കും ചൂടുപിടിച്ചു. തെലങ്കാന
രൂപവത്കരിക്കാനുള്ള നടപടികള്‍ തുടങ്ങുമെന്ന് 2009-ല്‍ അന്നത്തെ ആഭ്യന്തരമന്ത്രി
പി. ചിദംബരം പാര്‍ലമെന്റില്‍ പ്രഖ്യാപിക്കുകയുണ്ടായി. ആന്ധ്രാപ്രദേശിലെ 23
ജില്ലകളില്‍ പത്തെണ്ണം പുതിയ തെലങ്കാന സംസ്ഥാനത്തിലായിരിക്കും. 42 ലോക്‌സഭാ
സീറ്റുകളില്‍ 17 എണ്ണവും 294 നിയമസഭാ മണ്ഡലങ്ങളില്‍ 119 എണ്ണവും തെലങ്കാനയിലാകും. ഭാഷാടിസ്ഥാനത്തിലുള്ള സംസ്ഥാന രൂപവത്കരണത്തിനുശേഷം ഇന്ത്യയില്‍ ചില സംസ്ഥാനങ്ങള്‍
വിഭജിച്ച് പുതിയ സംസ്ഥാനങ്ങള്‍ രൂപവത്കരിച്ചിട്ടുണ്ട്. ഛത്തീസ്ഗഢ്, ജാര്‍ഖണ്ഡ്,
ഉത്തരാഖണ്ഡ് എന്നിവ അവയിലുള്‍പ്പെടുന്നു. ചില പ്രദേശങ്ങളുടെ അവികസിതാവസ്ഥ
തന്നെയാണ് ഈ സംസ്ഥാനങ്ങളുടെ രൂപവത്കരണത്തിനുവേണ്ടി രംഗത്തിറങ്ങിയവര്‍ അതിന്
കാരണമായി ചൂണ്ടിക്കാട്ടിയത്. ഇങ്ങനെ രൂപവത്കരിക്കപ്പെട്ട സംസ്ഥാനങ്ങളിലെ
പിന്നാക്കാവസ്ഥ കുറച്ചെങ്കിലും പരിഹൃതമായിട്ടുണ്ട്. 
ചില രാഷ്ട്രീയകക്ഷികളും പ്രാദേശിക സംഘടനകളും ചില മേഖലകളുടെ പിന്നാക്കാവസ്ഥയെച്ചൊല്ലി പ്രത്യേക സംസ്ഥാനമെന്ന ആവശ്യം ഇപ്പോഴും പലേടത്തും ഉന്നയിച്ചുകൊണ്ടിരിക്കുന്നു. പശ്ചിമബംഗാളില്‍ ഗൂര്‍ഖാലാന്‍ഡ് സംസ്ഥാനം ആവശ്യപ്പെട്ട് ഗൂര്‍ഖ ജനമുക്തി മോര്‍ച്ച സമരത്തിലാണ്. ബോഡോലാന്‍ഡ് (അസം), വിദര്‍ഭ (മഹാരാഷ്ട്ര), സൗരാഷ്ട്ര (ഗുജറാത്ത്), ഹരിതപ്രദേശ് (ഉത്തര്‍പ്രദേശ്) തുടങ്ങിയ പ്രദേശങ്ങളും സംസ്ഥാനമാക്കണമെന്ന ആവശ്യം ഉയര്‍ന്നിട്ടുണ്ട്. ഇവയില്‍ മഹാരാഷ്ട്രയും യു.പി.യും പോലുള്ള വലിയ സംസ്ഥാനങ്ങള്‍ വിഭജിക്കുന്നത്, ബന്ധപ്പെട്ട പ്രദേശങ്ങളുടെ അവികസിതാവസ്ഥ പരിഹരിക്കാനും മറ്റും സഹായകമായേക്കാം.
എന്നാലിന്ന് നാം കാണുന്നത് താല്‍ക്കാലിക രാഷ്ട്രീയ ലാഭമുണ്ടാക്കാന്‍
ഉപകരിക്കുന്നതെന്ത് എന്നുനോക്കി സംസ്ഥാനങ്ങളെ വീണ്ടും വിഭജിക്കുന്നതാണ്. രാഷ്ട്രീയ താല്‍പ്പര്യങ്ങളാണ് ഇത്തരം കാര്യങ്ങള്‍ക്ക് അടിസ്ഥാനമാവുന്നതെങ്കില്‍
രാജ്യം വിപല്‍ക്കരമായ സ്ഥിതിവിശേഷത്തിലേക്കാവും നാളെ പോവുക. അസമിലെ ബോഡോ ഭൂരിപക്ഷപ്രദേശം ബോഡോലാന്‍ഡ് ആക്കുക, അസം-നാഗാലാന്‍ഡ്
എന്നിവിടങ്ങളിലെ ദീമാസ വിഭാഗത്തിനായി ഇരു സംസ്ഥാനങ്ങളിലെയും പ്രദേശങ്ങള്‍ ചേര്‍ത്ത്
"ഭീമാരജി" രൂപീകരിക്കുക, പശ്ചിമബംഗാളിലെ ഡാര്‍ജിലിങ് മലനിരകളും മറ്റും
ചേര്‍ത്ത് ഗൂര്‍ഖാലാന്‍ഡ് ഉണ്ടാക്കുക, യുപിയുടെ പടിഞ്ഞാറന്‍ഭാഗത്ത്
"ഹരിതപ്രദേശ്" സ്ഥാപിക്കുക, കിഴക്കന്‍ ഉത്തര്‍പ്രദേശില്‍ "പൂര്‍വാഞ്ചല്‍"
ഉണ്ടാക്കുക, തമിഴ്നാടിന്റെ ഒരു ഭാഗം "കൊങ്ങനാട്" ആക്കുക, ഒഡിഷയെ പിളര്‍ത്തി
"കോസലം" സൃഷ്ടിക്കുക, ബിഹാര്‍-ജാര്‍ഖണ്ഡ് പ്രദേശങ്ങളില്‍ ചിലത്
യോജിപ്പിച്ച് "മിഥില" ഉണ്ടാക്കുക, എന്നിങ്ങനെ പോകുന്നു ആവശ്യങ്ങള്‍. സംസ്ഥാനങ്ങള്‍ പുതുതായി
രൂപീകരിക്കുന്നത് വ്യക്തമായ മാനദണ്ഡത്തിന്റെ അടിസ്ഥാനത്തിലാവണം. അല്ലാതെവന്നാല്‍
രാഷ്ട്രത്തിന്റെ ഐക്യംതന്നെ തകരും.
പ്രൊഫ്‌. ജോണ്‍ കുരാക്കാർ
No comments:
Post a Comment