നെല്ലിയാമ്പതി ഭൂമി.
അന്വേഷണം സിബിഐയ്‌ക്ക്
നെല്ലിയാമ്പതിയിലെ പാട്ടഭൂമി പണയപ്പെടുത്തി ബാങ്കുകളില്‍ നിന്നും കോടികള്‍ തട്ടിയ സംഭവം സിബിഐ അന്വേഷണത്തിന്‌. ഇതുമായി ബന്ധപ്പെട്ട ആറുകേസുകളാണ്‌ പ്രധാനമായും സിബിഐ അന്വേഷിക്കുക. നിലവില്‍ ക്രൈംബ്രാഞ്ച്‌ അന്വേഷിച്ചു കൊണ്ടിരിക്കുന്ന കേസ്‌ സിബിഐയുടെ കൊച്ചി യൂണിറ്റാകും അന്വേഷണം നടത്തുക. അന്വേഷണത്തെ സംസ്‌ഥാന സര്‍ക്കാര്‍ അനുകൂലിച്ചിട്ടുണ്ട്‌. ഇതു സംബന്ധിച്ച കേന്ദ്ര സര്‍ക്കാരിന്റെ വിജ്‌ഞാപനം ഉടനുണ്ടാവും.
രണ്ടാഴ്‌ചയക്കുള്ളില്‍ ഇത്‌ സംബന്ധിച്ച തീരുമാനമുണ്ടാകുമെന്നാണ്‌ സൂചന. എസ്‌റ്റേറ്റ്‌ ഉടമകള്‍ ഉള്‍പ്പെട്ട ബാങ്ക്‌ ഇടപാടുകളില്‍ സര്‍ക്കാര്‍ റജിസ്‌റ്റര്‍ ചെയ്‌ത കേസുകളാണ്‌ അന്വേഷിക്കുക. നെല്ലിയാമ്പതിയിലെ പാട്ട ഭൂമി മറിച്ചു വില്‍ക്കാനോ വിഭജിക്കാനോ പാടില്ലെന്ന നിയമം നില്‍ക്കേ വനഭൂമി തന്റെ ഭൂമിയാണെന്ന്‌ കാണിച്ച്‌ വിവിധ ബാങ്കുകളില്‍ നിന്നും 14 കോടി രൂപയോളം സ്വകാര്യ വ്യക്‌തികള്‍ തട്ടിയെന്ന വിവാദത്തിലാണ്‌ ഇപ്പോള്‍ അന്വേഷണം നടക്കുന്നത്‌.
പ്രൊഫ്‌. ജോണ്‍ കുരാക്കാർ
No comments:
Post a Comment