ജോബ് ഫെയറില് തൊഴില്തേടി
കൊല്ലത്ത് ആയിരങ്ങള് എത്തി
കൊല്ലം: വൊക്കേഷണല് ഡിപ്പാര്ട്ട്മെന്റ് ശനിയാഴ്ച(29th June,2013) സംഘടിപ്പിച്ച ജോബ് ഫെയര്-അപ്രന്റീസ്ഷിപ്പ് വാക്ക് ഇന് ഇന്റര്വ്യൂവില് പങ്കെടുക്കാന് ആയിരങ്ങള് എത്തി. ജോബ് ഫെയറില് ആയിരവും അപ്രന്റീസ് ഷിപ്പില് 350 ഉം തൊഴില് അവസരങ്ങളാണ് ഉണ്ടായിരുന്നതെങ്കിലും രാവിലെമുതല്ചെറുപ്പക്കാരുടെ നീണ്ടനിര കാണാമായിരുന്നു. എത്തിയവരില് പകുതിയോളം പെണ്കുട്ടികളും. ചെന്നൈ ആസ്ഥാനമായ ബോര്ഡ് ഓഫ് അപ്രന്റീസ്ഷിപ്പിന്റെ സഹകരണത്തോടെയാണ് കൊല്ലം ഗവ. മോഡല് എച്ച്.എസ്.എസില് തൊഴില്മേള സംഘടിപ്പിച്ചത്. കൊല്ലം, തിരുവനന്തപുരം, പത്തനംതിട്ട ജില്ലകളിലുള്ളവര്ക്കും 2011,12,13 വര്ഷങ്ങളില് വി.എച്ച്.എസ്.ഇ. പാസ്സായവര്ക്കും വേണ്ടിയുള്ളതായിരുന്നു തൊഴില്മേള.
അപ്രന്റീസ്ഷിപ്പിനുള്പ്പെടെയുള്ളവരെ കണ്ടെത്താന് നടത്തിയ മേളയില് 40-ഓളം പൊതുമേഖലാ സ്വകാര്യ കമ്പനികള് പങ്കാളികളായി. എസ്.ബി.ഐ., എസ്.ബി.ടി., മില്മ, കെ.എം.എം.എല്., ടി.വി.എസ്., മാരുതി, ഹാബിറ്റാറ്റ്, ഇന്ഡസ് മോട്ടോഴ്സ്, മാതൃഭൂമി എന്നിവ ഇതില്പ്പെടും. തൊഴില് അന്വേഷകരുടെ ആധിക്യം കണക്കിലെടുത്ത് 63 കൗണ്ടറുകള് സജ്ജമാക്കിയിരുന്നു. ഒരു കുട്ടിക്ക് മൂന്ന് കമ്പനികളുടെ ഇന്റര്വ്യൂവില് പങ്കെടുക്കാന് അവസരം നല്കിയിരുന്നു. രാവിലെ 9 മുതല് ഇന്റര്വ്യൂ തുടങ്ങി. ഇന്റര്വ്യൂവഴി അപ്രന്റീസ്ഷിപ്പ് വിഭാഗത്തില് 350 പേരെ തിരഞ്ഞെടുത്തു. സ്ഥിരം നിയമനത്തിനായി 1000 പേരെ തിരഞ്ഞെടുക്കുകയും ഇവരില് 500 പേരുടെ ചുരുക്കപ്പട്ടിക തയ്യാറാക്കുകയും ചെയ്തിട്ടുണ്ട്.
പ്രൊഫ്. ജോണ് കുരാക്കാർ
No comments:
Post a Comment