ചീഞ്ഞു
നാറുന്ന നഗര പ്രദേശങ്ങളും പനികിടക്കയിലായ മലയാളികളും
മഴക്കാലം എത്തിനോക്കാന്‍ തുടങ്ങിയപ്പോഴേക്കും കേരളം പനിക്കിടക്കയിലായി .പനിബാധിതരുടെ ഏണ്ണം
ആയിരകനക്കിനായത്തോടെ സര്‍ക്കാര്‍
ആശുപത്രികള്‍ രോഗികളെ ചികിത്സിക്കാന്‍ പാടുപെടുകയാണ് .പന്ത്രണ്ടു മാസവും പകര്‍ച്ചവ്യാധികളുടെ പിടിയിലാണ് കേരളം . കോതക് പരത്തുന്ന ഡെങ്കിപ്പനിയും
എലി പരത്തുന്ന എലിപ്പനിയും
വ്യാപകമായികൊണ്ടിരിക്കുന്നു . നഗരങ്ങളിലെ
മാലിന്യനീക്കവും സംസ്ക്കരണവും വര്‍ഷങ്ങളായി അവതാളത്തിലാണ് . വിലപ്പിന്ശാലയില്‍ മാലിന്യം കൊണ്ടിടാന്‍ സ്ഥലവാസികള്‍
സമ്മതിക്കാത്തതിനാല്‍
തിരുവനന്തപുരം നഗരം ചീഞ്ഞു
നാറുകയാണ് . രോഗം പടര്‍ന്നു
പിടിക്കുമ്പോള്‍ കാണിക്കുന്ന
ജാഗ്രത രോഗം വരാതിരിക്കാന്‍ എടുക്കുന്ന
കാര്യത്തിലും വേണ്ടിയിരിക്കുന്നു
.. വീട്ടിലും പറമ്പിലും കൊതുക്
പെരുകാനുള്ള സാഹചര്യം ഇന്ന് വളരെയധികമാണ് . കാലവര്‍ഷം എത്തുന്നതോടെ
ആരോഗ്യ രംഗം കൂടുതല്‍ പ്രശ്നങ്ങള്‍
ഏറ്റെടുക്കേണ്ടി വരും . പരിസര ശുചീകരണവും മാലിന്യ സംസ്ക്കരണവും പഞ്ചായത്തുകളുടെ പ്രാഥമിക
ഉത്തരവാദിത്വം തന്നെയാണ് . തൊട്ടടുത്ത ഗ്രാമത്തിലേക്ക്‌ മാലിന്യം
തള്ളി നഗരം ശുചിയാക്കമെന്ന വ്യാമോഹം ഇനി അധികൃതര്‍
വച്ചുപുലര്‍ത്തരുത്. മാലിന്യം സംസ്ക്കരിക്കാന്‍ ശാസ്ത്രീയ
മാര്‍ഗ്ഗങ്ങള്‍ ആരായണം . മാലിന്യം പുഴയിലും വഴിയിലും തള്ളുന്നവര്‍ക്കെതിരെ നടപടിയെടുക്കണം . വഴിനീളെ കശാപ്പുശാലകള്‍ അനുവദിക്കുന്ന
അധികാരികളുടെ നയം തിരുത്തുക തന്നെ വേണം . യുദ്ധകാലാടിസ്ഥാനത്തില്‍ ഫലപ്രദമായ
പ്രതിരോധ പരിഹാര നടപടികള്‍ ഉടനടി ഉണ്ടാകണം .
പ്രൊഫ്. ജോണ്‍ കുരാക്കാര്‍
No comments:
Post a Comment