· കൃത്രിമ രക്തം
രണ്ടു വര്ഷത്തിനകം സജ്ജമാകും നിങ്ങളുടെ സുഹൃത്തുക്കള്‍ക്കോ, ബന്ധുക്കള്‍ക്കോ ചികില്‍സാര്‍ത്ഥം രക്തം കണ്ടെത്തേണ്ട അവസ്ഥ ഒരിക്കലെങ്കിലും നേരിട്ടുണ്ടാകുമല്ലോ. എബി നെഗറ്റീവ്‌ പോലെയുള്ള ഗ്രൂപ്പുകള്‍ പലപ്പോഴും കിട്ടാതെയും ബുദ്ധിമുട്ട്‌ അനുഭവിച്ചവര്‍ ഉണ്ടാകാം. എന്നാല്‍ ഇതിന്‌ ശാശ്വത പരിഹാരവുമായി ഒരു പരീക്ഷണം ലണ്ടനില്‍ പുരോഗമിക്കുന്ന കാര്യം നിങ്ങള്‍ അറിഞ്ഞോ? മനുഷ്യ ആരോഗ്യരംഗത്തും വൈദ്യശാസ്‌ത്ര രംഗത്തും വിപ്‌ളവം സൃഷ്‌ടിക്കാന്‍ പോന്ന കൃത്രിമ രക്തം വികസിപ്പിച്ചെടുക്കാനുള്ള പരീക്ഷണമാണ്‌ പുരോഗമിക്കുന്നത്‌.
ലണ്ടനിലെ എഡിന്‍ബര്‍ഗ്‌, ബ്രിസ്‌റ്റോള്‍ സര്‍വകലാശാലകളിലെ ഗവേഷകരാണ്‌ സ്‌റ്റെം കോശങ്ങളില്‍നിന്ന്‌ കോടിക്കണക്കിന്‌ ചുവന്ന രക്താണുക്കള്‍ ഉണ്ടാക്കിയിരിക്കുന്നത്‌. മൂല കോശങ്ങളില്‍ നിന്നാണ്‌ കൃത്രിമ രക്തം ഉണ്ടാക്കാമെന്ന്‌ കണ്ടുപിടിച്ചിട്ടുള്ളത്‌. ജനിച്ചയുടന്‍ ശിശുക്കളില്‍ നിന്നെടുക്കുന്ന കോശങ്ങളില്‍ നിന്നാണെങ്കില്‍ ചുവന്ന രക്താണുക്കളുടെ എണ്ണം അനേകകോടിയായി പെരുകാമെന്നാണ്‌ കണക്കാക്കുന്നത്‌.
പ്രത്യേകം സജ്ജീകരിച്ച ലബോറട്ടറിയില്‍ തയ്യാറാക്കിക്കൊണ്ടിരിക്കുന്ന കൃത്രിമ രക്തം രണ്ടുകൊല്ലത്തിനകം മനുഷ്യരില്‍ പരീക്ഷക്കാനാകുമെന്നാണ്‌ ഗവേഷകരുടെ പ്രതീക്ഷ. പരീക്ഷണം വിജയമായാല്‍ ഏറ്റവും വലിയ ശാസ്‌ത്ര കണ്ടുപിടിത്തങ്ങളില്‍ ഒന്നായാകും അത്‌ വിലയിരുത്തുക. രക്തത്തിന്റെ ദൗര്‍ലഭ്യമാണ്‌ ഇന്നത്തെ വൈദ്യശാസ്‌ത്രലോകം നേരിടുന്ന ഏറ്റവും വലിയ വെല്ലുവിളി. അപകടത്തില്‍പ്പെടുന്നവരില്‍ മുക്കാല്‍ പങ്കിനും രക്തം വേണം. കൂടാതെ, ഹൃദയശസ്‌ത്രക്രിയ, കാന്‍സര്‍ ചികിത്സ എന്നിവയ്‌ക്കെല്ലാം രക്തം അത്യാവശ്യമാണ്‌. ലാബില്‍ രക്തം ഉണ്ടാക്കുന്നത്‌ ഗുണകരമായ മാറ്റങ്ങള്‍ക്ക്‌ വഴിതെളിക്കും. ഒരു പരിശോധനയുടെയും ആവശ്യമില്ലാത്ത ശുദ്ധിയായ രക്‌തമായിരിക്കും ഇത്തരത്തില്‍ ലാബില്‍ നിന്ന്‌ വികസിപ്പിച്ചെടുക്കുന്നത്‌. തന്നെയുമല്ല ഏത്‌ ബ്‌ളഡ്‌ ഗ്രൂപ്പില്‍പ്പെട്ടവര്‍ക്കും ഇത്‌ നല്‍കാനും സാധിക്കും ഏതായാലും ഈ പരീക്ഷണം വിജയകരമായി പൂര്‍ത്തിയാക്കട്ടെ എന്ന് നമുക്ക് ആസംസിക്കം.
പ്രൊഫ്‌ .ജോണ്‍ കുരാക്കാര്‍
No comments:
Post a Comment