ട്രം​പി​ന്‍റെ കൈ​യി​ൽ ഇ​നി എന്തുണ്ട് ?

 

ട്രം​പി​ന്‍റെ കൈ​യി​ൽ ഇ​നി എന്തുണ്ട് ?

2026 നവംബറിൽ നടന്ന യു.എസ് ഇടക്കാല തെരഞ്ഞെടുപ്പിൽ (US Midterm Elections) നേരിട്ട കനത്ത പരാജയത്തോടെ യു.എസ് പ്രസിഡന്റ് ഡൊണാൾഡ് ട്രംപിന്റെ രാഷ്ട്രീയ അധികാരം വലിയ പ്രതിസന്ധിയിലാണ്. ജനപ്രതിനിധി സഭയുടെയും (House of Representatives) സെനറ്റിന്റെയും (Senate) നിയന്ത്രണം പ്രതിപക്ഷമായ ഡെമോക്രാറ്റിക് പാർട്ടി പിടിച്ചെടുത്തതോടെ ട്രംപിന്റെ കൈകളിൽ ഇനി പരിമിതമായ അധികാരങ്ങൾ മാത്രമാണുള്ളത്.ഇനിവരുന്ന രണ്ട് വർഷത്തെ ഭരണകാലയളവിൽ ട്രംപിന് മുന്നിലുള്ള പ്രധാന വഴികളും പ്രതിസന്ധികളും താഴെ പറയുന്നവയാണ്:

കോൺഗ്രസിന്റെ ഇരുസഭകളും ഡെമോക്രാറ്റുകൾ കൈക്കലാക്കിയതിനാൽ ട്രംപിന്റെ അജണ്ടകൾക്കനുസരിച്ചുള്ള പുതിയ നിയമങ്ങൾ പാസാക്കാൻ പ്രയാസമായിരിക്കും. എന്നാൽ, ഡെമോക്രാറ്റുകൾ കൊണ്ടുവരുന്ന ബില്ലുകൾ തടയാൻ ട്രംപിന് തൻ്റെ 'വീറ്റോ അധികാരം' (Veto Power) ഉപയോഗിക്കാം. കോൺഗ്രസ് പാസാക്കുന്ന ബില്ലുകൾ നിയമമാകാതിരിക്കാൻ പ്രസിഡന്റിന് നിരസിക്കാൻ സാധിക്കുമെങ്കിലും, ഇരുസഭകളിലും മൂന്നിൽ രണ്ട് ഭൂരിപക്ഷത്തോടെ ഇത് മറികടക്കാൻ ഡെമോക്രാറ്റുകൾക്ക് സാധിക്കും.

ഇടക്കാല തെരഞ്ഞെടുപ്പിലെ റിപ്പബ്ലിക്കൻ പാർട്ടിയുടെ പരാജയത്തിന് പ്രധാന കാരണം ട്രംപ് ഭരണകൂടം ആരംഭിച്ച ഇറാൻ യുദ്ധവും അതുണ്ടാക്കിയ സാമ്പത്തിക പ്രതിസന്ധിയുമാണ് (ഇന്ധനവില വർദ്ധനവ്). യുദ്ധം പാർട്ടിയെ ബാധിച്ചതായി വൈസ് പ്രസിഡന്റ് ജെ.ഡി. വാൻസും ട്രംപും സമ്മതിച്ചിട്ടുണ്ട്. ഇനി യുദ്ധവുമായി മുന്നോട്ട് പോകണോ അതോ ഒത്തുതീർപ്പിലെത്തണോ എന്ന നിർണായക തീരുമാനം ട്രംപിന്റെ കൈകളിലാണ്. കോൺഗ്രസ് ഡെമോക്രാറ്റുകളുടെ കൈയിലായതിനാൽ യുദ്ധത്തിനുള്ള ബജറ്റ് വിഹിതം വെട്ടിക്കുറയ്ക്കാൻ അവർ സമ്മർദ്ദം ചെലുത്തും.

ആഭ്യന്തര രാഷ്ട്രീയത്തിൽ കനത്ത തിരിച്ചടി നേരിട്ട സാഹചര്യത്തിൽ, വിദേശനയത്തിൽ ഒരു പെട്ടെന്നുള്ള വലിയ വിജയം (Quick Win) കാണിക്കാൻ ട്രംപ് ശ്രമിച്ചേക്കും. തന്മൂലം വർഷങ്ങളായി ചർച്ചയിലുള്ള ഇന്ത്യ-യു.എസ് ഉഭയകക്ഷി വ്യാപാര കരാർ വേഗത്തിൽ ഒപ്പുവെക്കാൻ അദ്ദേഹം ഇന്ത്യയ്ക്ക് മേൽ സമ്മർദ്ദം ശക്തമാക്കാൻ സാധ്യതയുണ്ടെന്ന് സാമ്പത്തിക വിദഗ്ധർ വിലയിരുത്തുന്നു.പ്രസിഡന്റിന്റെ അനിയന്ത്രിതമായ ഭരണനിർവഹണത്തെ നിയന്ത്രിക്കുമെന്നും അഴിമതി ആരോപണങ്ങളിൽ കടുത്ത അന്വേഷണം നടത്തുമെന്നും ഡെമോക്രാറ്റിക് നേതാക്കൾ പ്രഖ്യാപിച്ചിട്ടുണ്ട്. വരും ദിവസങ്ങളിൽ തന്റെ വിശ്വസ്തരെയും പ്രതിരോധ സെക്രട്ടറി പീറ്റ് ഹെഗ്‌സെത്തിനെപ്പോലുള്ള ഉദ്യോഗസ്ഥരെയും സംരക്ഷിച്ചു നിർത്തുക എന്നത് ട്രംപിന് വലിയ വെല്ലുവിളിയാകും.ചുരുക്കത്തിൽ: നിയമനിർമ്മാണ സഭകളുടെ പൂർണ്ണ നിയന്ത്രണം നഷ്ടമായെങ്കിലും, പ്രസിഡന്റ് എന്ന നിലയിലുള്ള എക്സിക്യൂട്ടീവ് ഉത്തരവുകളും വീറ്റോ അധികാരവും ഉപയോഗിച്ച് പ്രതിപക്ഷത്തെ പ്രതിരോധിക്കുക മാത്രമാണ് ഇനി ട്രംപിന് മുന്നിലുള്ള പ്രധാന വഴി.

പേ​പ്പ​ർ ബാ​ല​റ്റി​ലൂ​ടെ ശു​ദ്ധ തെ​ര​ഞ്ഞെ​ടു​പ്പ് ന​ട​ത്തു​ന്ന അ​മേ​രി​ക്ക​യി​ൽ, ജ​നം പ്ര​സി​ഡ​ന്‍റ് ട്രം​പി​നെ പൂ​ട്ടി. പ്ര​വ​ച​ന​ങ്ങ​ളെ സ്ഥി​രീ​ക​രി​ച്ച് കോ​ൺ​ഗ്ര​സി​ലും, പ്ര​വ​ച​ന​ങ്ങ​ളെ ച​വ​റ്റു​കു​ട്ട​യി​ലെ​റി​ഞ്ഞ് സെ​ന​റ്റി​ലും ഡെ​മോ​ക്രാ​റ്റു​ക​ൾ ഭൂ​രി​പ​ക്ഷ​മാ​യി. ദു​ർ​ബ​ല പ്ര​തി​പ​ക്ഷ​മാ​യി​രു​ന്നി​ട്ടും ത​ങ്ങ​ൾ ജ​യി​ച്ച​തി​ന് അ​വ​ർ ന​ന്ദി പ​റ​യേ​ണ്ട​ത് ട്രം​പി​നോ​ടാ​ണ്. അ​ദ്ദേ​ഹ​ത്തി​ന്‍റെ തീ​വ്ര ദേ​ശീ​യ​ത​യും വം​ശീ​യ​ത​യും വ​ർ​ഗീ​യ​ത​യും കു​ത്തി​നി​റ​ച്ച വി​ദ്വേ​ഷ​പ്ര​സം​ഗ​ങ്ങ​ളും പൊ​ള്ള​യാ​യ വാ​ഗ്ദാ​ന​ങ്ങ​ളും സ്ഥി​ര​ത​യി​ല്ലാ​ത്ത യു​ദ്ധ-​നി​കു​തി ന​യ​ങ്ങ​ളും അ​മേ​രി​ക്ക​യെ സാ​ന്പ​ത്തി​ക ത​ക​ർ​ച്ച​യി​ലേ​ക്കും ആ​ഗോ​ള അ​പ​ഹാ​സ്യ​ത​യി​ലേ​ക്കും ത​ള്ളു​ക​യാ​ണെ​ന്നു ജ​നം തി​രി​ച്ച​റി​ഞ്ഞു. ദി​വ​സ​ങ്ങ​ളു​ടെ വ്യ​ത്യാ​സ​ത്തി​ൽ ബെ​ഞ്ച​മി​ൻ നെ​ത​ന്യാ​ഹു​വി​നും ട്രം​പി​നും മു​ന്ന​റി​യി​പ്പു ന​ൽ​കി​യ ഇ​സ്ര​യേ​ൽ​ക്കാ​രും അ​മേ​രി​ക്ക​ക്കാ​രും ലോ​ക​ക്ര​മ​ത്തെ അ​നി​ശ്ചി​താ​വ​സ്ഥ​യി​ലാ​ക്കി​യ അ​നി​യ​ന്ത്രി​ത ചാ​പ​ല്യ​ങ്ങ​ൾ​ക്കു ക​ടി​ഞ്ഞാ​ണി​ട്ടി​രി​ക്കു​ന്നു.ഇ​ട​ക്കാ​ല തെ​ര​ഞ്ഞെ​ടു​പ്പി​ൽ 435 അം​ഗ കോ​ൺ​ഗ്ര​സി​ലും (ജ​ന​പ്ര​തി​നി​ധി​സ​ഭ), 100 സീ​റ്റു​ള്ള സെ​ന​റ്റി​ലും ട്രം​പി​ന്‍റെ പാ​ർ​ട്ടി​യാ​യ റി​പ്പ​ബ്ലി​ക്ക​ൻ പാ​ർ​ട്ടി​ക്ക് ഉ​ണ്ടാ​യി​രു​ന്ന ഭൂ​രി​പ​ക്ഷം ത​ക​ർ​ത്തു​കൊ​ണ്ടാ​ണ് ഡെ​മോ​ക്രാ​റ്റു​ക​ൾ വി​ജ​യി​ച്ച​ത്. 36 സം​സ്ഥാ​ന​ങ്ങ​ളി​ലെ ഗ​വ​ർ​ണ​ർ തെ​ര​ഞ്ഞെ​ടു​പ്പി​ൽ മി​ക്ക​യി​ട​ത്തും ഡെ​മോ​ക്രാ​റ്റു​ക​ൾ മു​ന്നേ​റി. ഒ​ഹാ​യോ ഗ​വ​ർ​ണ​ർ തെ​ര​ഞ്ഞെ​ടു​പ്പി​ൽ ട്രം​പി​ന്‍റെ വി​ശ്വ​സ്ത​നും ഇ​ന്ത്യ​ൻ വം​ശ​ജ​നു​മാ​യ വി​വേ​ക് രാ​മ​സ്വാ​മി ദ​യ​നീ​യ​മാ​യി തോ​റ്റു. ട്രം​പ് പ്ര​ചാ​ര​ണ​വേ​ള​യി​ൽ ജ​ന​ങ്ങ​ളോ​ട് ആ​വ​ശ്യ​പ്പെ​ട്ട​ത്, ""ഞാ​ൻ ബാ​ല​റ്റി​ൽ ഉ​ണ്ടെ​ന്ന് സ​ങ്ക​ൽ​പി​ച്ച് വോ​ട്ട് ചെ​യ്യു​ക'' എ​ന്നാ​യി​രു​ന്നു.

ത​ങ്ങ​ളു​ടെ കു​ടും​ബ​ബ​ജ​റ്റ് ത​ക​ർ​ക്കു​ക​യും തീ​രാ​യു​ദ്ധ​ങ്ങ​ളു​ടെ ദു​രി​ത​ങ്ങ​ൾ വി​ത​യ്ക്കു​ക​യും ചെ​യ്ത ട്രം​പി​നെ മ​ന​സി​ൽ ഓ​ർ​ത്ത് അ​മേ​രി​ക്ക​ക്കാ​ർ അ​തു വെ​ടി​പ്പാ​യി ന​ട​ത്തി​ക്കൊ​ടു​ത്തു. ആ​രും പ്ര​വ​ചി​ക്കാ​ത്ത പ​രാ​ജ​യം! ട്രം​പ് തു​ട​ങ്ങി​യ യു​ദ്ധ​ഫ​ല​മാ​യി ഇ​ന്ധ​ന​ത്തി​ൽ ഉ​ൾ​പ്പ​ടെ ഉ​ണ്ടാ​യ വി​ല​ക്ക​യ​റ്റം, തൊ​ഴി​ലി​ല്ലാ​യ്മ പ​രി​ഹ​രി​ക്കാ​ൻ പ​രാ​ജ​യ​പ്പെ​ട്ട​ത്, അ​പ​ക്വ​മാ​യ നി​കു​തി ന​യം മൂ​ലം സൃ​ഹൃ​ദ്‌​രാ​ജ്യ​ങ്ങ​ളെ അ​ക​റ്റി​യ​ത്, ഭ​ര​ണ​ഘ​ട​നാ സ്ഥാ​പ​ന​ങ്ങ​ളെ കൈ​പ്പി​ടി​യി​ലാ​ക്കി​യ​ത്, യു​ദ്ധ​ങ്ങ​ൾ നീ​ണ്ടു​പോ​യ​ത്... തു​ട​ങ്ങി​യ ഭ​ര​ണ​പ​രാ​ജ​യ​ങ്ങ​ളെ ചെ​റു​ക്കാ​ൻ പ്ര​തി​പ​ക്ഷം പ​രാ​ജ​യ​പ്പെ​ട്ടെ​ങ്കി​ലും നി​വൃ​ത്തി​കെ​ട്ട അ​മേ​രി​ക്ക​ൻ ജ​ന​ത ഡെ​മോ​ക്രാ​റ്റു​ക​ളെ പി​ന്തു​ണ​യ്ക്കു​ക​യാ​യി​രു​ന്നു.പ​ക്ഷേ, ഡെ​മോ​ക്രാ​റ്റു​ക​ളു​മാ​യി സ​ഹ​ക​രി​ക്കു​മെ​ന്ന് പ​റ​ഞ്ഞ ട്രം​പ്, അ​വ​രു​ടെ തീ​രു​മാ​ന​ങ്ങ​ൾ ത​നി​ക്ക് ഇ​ഷ്ട​പ്പെ​ട്ടി​ല്ലെ​ങ്കി​ൽ പ്ര​സി​ഡ​ന്‍റി​ന്‍റെ പ​ര​മാ​ധി​കാ​ര​മാ​യ “വീ​റ്റോ’’ പ്ര​യോ​ഗി​ക്കു​മെ​ന്ന മു​ന്ന​റി​യി​പ്പും ന​ൽ​കി​യി​രി​ക്കു​ക​യാ​ണ്. ജ​നം നി​രാ​യു​ധ​നാ​ക്കി​യി​ട്ടും വ​ഴ​ങ്ങാ​തെ, അ​വ​സാ​ന ആ​യു​ധ​മാ​യ "വീ​റ്റോ തോ​ക്ക്’​പു​റ​ത്തെ​ടു​ക്കാ​നാ​ണെ​ങ്കി​ൽ, അ​മേ​രി​ക്ക​ൻ ജ​നാ​ധി​പ​ത്യം സ​ങ്കീ​ർ​ണ​മാ​യ സം​ഘ​ർ​ഷ​ങ്ങ​ളി​ലേ​ക്കു നീ​ങ്ങും. മാ​ത്ര​മ​ല്ല, ത​ങ്ങ​ളു​ടെ വി​ധി​യെ വീ​റ്റോ​കൊ​ണ്ട് അ​ട്ടി​മ​റി​ച്ചാ​ൽ ഇ​ട​ക്കാ​ല തെ​ര​ഞ്ഞെ​ടു​പ്പി​ൽ കാ​ണി​ച്ച പ്ര​ഹ​ര​ശേ​ഷി ജ​നം അ​ടു​ത്ത പ്ര​സി​ഡ​ന്‍റ് തെ​ര​ഞ്ഞെ​ടു​പ്പി​ൽ സം​ഹാ​ര​ശേ​ഷി​യാ​ക്കും. ക​ള്ള​വോ​ട്ടി​ന്‍റെ സാ​ധ്യ​ത​ക​ൾ ത​ള്ളി​ക്ക​ള​യു​ന്ന ബാ​ല​റ്റ് പേ​പ്പ​റും സം​സ്ഥാ​ന​ങ്ങ​ൾ​ക്കു നി​യ​ന്ത്ര​ണ​മു​ള്ള അ​ഴി​മ​തി​ര​ഹി​ത തെ​ര​ഞ്ഞെ​ടു​പ്പ് ഉ​ദ്യോ​ഗ​സ്ഥ​രും ഉ​ൾ​പ്പെ​ടെ പ​ഴു​ത​ട​ച്ച സം​വി​ധാ​ന​ങ്ങ​ൾ ഉ​ള്ള​തി​നാ​ൽ അ​മേ​രി​ക്ക​യി​ൽ വോ​ട്ടു​മോ​ഷ​ണം സാ​ധ്യ​മ​ല്ല.

പ്ര​സി​ഡ​ന്‍റ് സ്ഥാ​ന​ത്തി​നു ഭീ​ഷ​ണി​യി​ല്ലെ​ങ്കി​ലും ട്രം​പി​ന്‍റെ ഏ​കാ​ധി​പ​ത്യ-​മ​ണ്ട​ൻ തീ​രു​മാ​ന​ങ്ങ​ൾ​ക്കു കോ​ൺ​ഗ്ര​സി​ലെ​യും സെ​ന​റ്റി​ലെ​യും ഡെ​മോ​ക്രാ​റ്റ് ഭൂ​രി​പ​ക്ഷം ത​ട​സ​മാ​കും. കോ​ട​തി ഉ​ൾ​പ്പ​ടെ​യു​ള്ള ഭ​ര​ണ​ഘ​ട​നാ സ്ഥാ​പ​ന​ങ്ങ​ളി​ലേ​ക്കു നി​യ​മ​ന​ങ്ങ​ൾ ഇ​നി സ്വ​ന്തം ഇ​ഷ്ട​ത്തി​നു ന​ട​പ്പി​ല്ല. ട്രം​പ് നി​യ​മി​ച്ച ജ​ഡ്ജി​മാ​രി​ൽ പ​ല​ർ​ക്കും പ​രി​ച​യ​സ​മ്പ​ത്തി​ല്ലെ​ന്നും പ്ര​ധാ​ന യോ​ഗ്യ​ത ട്രം​പി​നോ​ടു​ള്ള വി​ശ്വ​സ്ത​ത​യും അ​ജ​ൻ​ഡ ന​ട​പ്പാ​ക്കു​ന്ന​തി​ലെ വി​ധേ​യ​ത്വ​വു​മാ​ണെ​ന്നും ഡെ​മോ​ക്രാ​റ്റു​ക​ൾ ആ​രോ​പി​ച്ചി​രു​ന്നു. വി​ല്യം ഗ്രേ​സ​ൺ ലാം​ബെ​ർ​ട്ട്, എ​റി​ക് ഹാ​മി​ൽ​ട്ട​ൺ തു​ട​ങ്ങി​യ നി​ര​വ​ധി പേ​രു​ടെ പു​തി​യ നാ​മ​നി​ർ​ദേ​ശ​ങ്ങ​ൾ സെ​ന​റ്റി​ന്‍റെ പ​രി​ഗ​ണ​ന​യി​ലാ​ണ്.റി​പ്പ​ബ്ലി​ക്ക​ൻ ഭൂ​രി​പ​ക്ഷം ന​ഷ്ട​മാ​കു​ക​യും ചെ​യ്തി​രി​ക്കു​ന്നു. വേ​റെ​യും ത​ട​സ​ങ്ങ​ളു​ണ്ട്. ഇ​നി​യു​ള്ള ര​ണ്ടു വ​ർ​ഷ ഭ​ര​ണ​ത്തി​ൽ ട്രം​പി​നു പു​തി​യ നി​യ​മ​ങ്ങ​ളോ സാ​മ്പ​ത്തി​ക ന​യ​ങ്ങ​ളോ ത​ന്നി​ഷ്ട​പ്ര​കാ​രം പാ​സാ​ക്കാ​നാ​കി​ല്ല. കോ​ൺ​ഗ്ര​സി​ൽ ഭൂ​രി​പ​ക്ഷ​മാ​യ ഡെ​മോ​ക്രാ​റ്റു​ക​ൾ ട്രം​പ് ഭ​ര​ണ​കൂ​ട​ത്തി​ന്‍റെ അ​ഴി​മ​തി ആ​രോ​പ​ണ​ങ്ങ​ൾ, യു​ദ്ധ-​കു​ടി​യേ​റ്റ ന​യ​ങ്ങ​ൾ എ​ന്നി​വ​യി​ൽ അ​ന്വേ​ഷ​ണം പ്ര​ഖ്യാ​പി​ക്കാ​നും ഇ​ട​യു​ണ്ട്. “വീ​റ്റോ ഭ​ര​ണം’’ അ​സ​ഹ്യ​മാ​യാ​ൽ ട്രം​പി​നെ പ​ദ​വി​യി​ൽ​നി​ന്നു നീ​ക്കാ​ൻ (ഇം​പീ​ച്ച്) ഡെ​മോ​ക്രാ​റ്റു​ക​ൾ റി​പ്പ​ബ്ലി​ക്ക​ന്മാ​രെ കൂ​ട്ടു​പി​ടി​ച്ചേ​ക്കാ​നു​മി​ട​യു​ണ്ട്. ട്രം​പി​നെ അ​ധി​കം താ​ങ്ങി​യാ​ൽ അ​ടു​ത്ത തെ​ര​ഞ്ഞെ​ടു​പ്പി​ൽ പാ​ർ​ട്ടി പ്ര​തി​രോ​ധ​ത്തി​ലാ​കു​മെ​ന്നു ക​രു​തു​ന്ന റി​പ്പ​ബ്ലി​ക്ക​ന്മാ​രു​മു​ണ്ട്.

ഇ​സ്ര​യേ​ലി​നെ പി​ണ​ക്കാ​നോ ഇ​റാ​നെ നി​രു​പാ​ധി​കം പി​ന്തു​ണ​യ്ക്കാ​നോ ഹ​മാ​സ്, ഹി​സ്ബു​ള്ള, ഹൂ​തി പോ​ലു​ള്ള ഭീ​ക​ര​പ്ര​സ്ഥാ​ന​ങ്ങ​ളെ പി​ന്തു​ണ​യ്ക്കാ​നോ ഡെ​മോ​ക്രാ​റ്റു​ക​ൾ ത​യാ​റാ​കി​ല്ല. പ​ക്ഷേ, ഭൂ​രി​പ​ക്ഷ​മി​ല്ലാ​തെ നി​ൽ​ക്കു​ന്ന ഇ​സ്ര​യേ​ൽ പ്ര​ധാ​ന​മ​ന്ത്രി ബെ​ഞ്ച​മി​ൻ നെ​ത​ന്യാ​ഹു​വി​നെ അ​ന്ധ​മാ​യി പ​ന്തു​ണ​യ്ക്കാ​നി​ട​യി​ല്ല. ഇ​സ്ര​യേ​ൽ-​പ​ല​സ്തീ​ൻ ദ്വി​രാ​ഷ്‌​ട്ര പ​രി​ഹാ​ര​ത്തെ അ​ട്ടി​മ​റി​ച്ച് പ​ല​സ്തീ​നെ തു​ട​ച്ചു​നീ​ക്കാ​നു​ള്ള നെ​ത​ന്യാ​ഹു​വി​ന്‍റെ അ​ന്തി​മ​പ​രി​ഹാ​ര മോ​ഹ​വും എ​ളു​പ്പ​മാ​കി​ല്ല.ട്രം​പി​ന്‍റെ തീ​രു​മാ​ന​ങ്ങ​ളെ​ല്ലാം തെ​റ്റാ​യ​തു​കൊ​ണ്ട​ല്ല, അ​ദ്ദേ​ഹ​ത്തെ വി​ജ​യി​പ്പി​ച്ച​വ​രും ര​ണ്ടു വ​ർ​ഷം​കൊ​ണ്ട് തി​രി​ഞ്ഞു​നി​ന്ന​ത്; ഭൂ​രി​ഭാ​ഗ​വും ജ​നാ​ധി​പ​ത്യ​വി​രു​ദ്ധ​വും പൊ​ള്ള​യു​മാ​യി​രു​ന്ന​തു​കൊ​ണ്ടാ​ണ്. നൊ​ബേ​ൽ സ​മ്മാ​ന​ത്തി​നു വ​ഴ​ക്കു​ണ്ടാ​ക്കു​ന്ന​തു​പോ​ലെ വോ​ട്ടി​നു വ​ഴ​ക്കു​ണ്ടാ​ക്കി​യാ​ൽ ജ​നാ​ധി​പ​ത്യം ലൂ​സേ​ഴ്സ് ട്രോ​ഫി (പ​രാ​ജ​യ​പ്പെ​ട്ട​വ​ർ​ക്കു​ള്ള​ത്)​യേ ന​ൽ​കൂ. ലോ​ക​ത്തെ വ്യാ​ജ​ബിം​ബ​ങ്ങ​ളി​ൽ ഒ​ന്നി​നെ സം​ര​ക്ഷി​ക്കാ​ൻ കോ​ടി​ക​ൾ ഒ​ഴു​ക്കി​യി​ട്ടും ഇ​ലോ​ൺ മ​സ്കി​നെ​പ്പോ​ലു​ള്ള ച​ങ്ങാ​ത്ത മു​ത​ലാ​ളി​മാ​ർ​ക്കും സാ​ധി​ച്ചി​ല്ലെ​ന്ന​തും ജ​നാ​ധി​പ​ത്യ​ലോ​ക​ത്തി​നു സ​ന്തോ​ഷ​ക​ര​മാ​ണ്.

Prof. John Kurakar