രാ​ജാ​വ് ന​ഗ്ന​നാ​ണെ​ന്നു വി​ളി​ച്ചു​പ​റ​യാ​ൻ ധൈ​ര്യ​മു​ള്ള കൂ​ടു​ത​ൽ "യുവജനങ്ങൾ' ജ​നാ​ധി​പ​ത്യ​ത്തി​ന്‍റെ തെ​രു​വു​ക​ളെ കീ​ഴ​ട​ക്കു​ക​യാ​ണ്.

 

രാ​ജാ​വ് ന​ഗ്ന​നാ​ണെ​ന്നു വി​ളി​ച്ചു​പ​റ​യാ​ൻ ധൈ​ര്യ​മു​ള്ള കൂ​ടു​ത​ൽ "യുവജനങ്ങൾ' ജ​നാ​ധി​പ​ത്യ​ത്തി​ന്‍റെ തെ​രു​വു​ക​ളെ കീ​ഴ​ട​ക്കു​ക​യാ​ണ്. 

ചരിത്രപരമായ മാറ്റങ്ങൾക്കും സാമൂഹിക നീതിക്കും വേണ്ടി തെരുവിലിറങ്ങി സമരം ചെയ്യാനും തങ്ങളുടെ ശബ്ദം ഉയർത്താനും യുവജനങ്ങൾ  ഭയപ്പെടുന്നില്ല. തെറ്റുകളെ ചൂണ്ടിക്കാണിക്കാനുള്ള ഈ ആർജ്ജവമാണ് ജനാധിപത്യത്തെ കൂടുതൽ ശക്തവും സുതാര്യവുമാക്കുന്നത്.ജനാധിപത്യ പ്രക്രിയയിൽ ഇന്നത്തെ യുവതലമുറയ്ക്കുള്ള നിർണായക പങ്കു  ആർക്കും  തടയാനാവില്ല . ഭരണകൂടത്തിന്റെയോ അധികാരികളുടെയോ തെറ്റായ നയങ്ങളെയും അനീതികളെയും ഭയമില്ലാതെ തുറന്നുചോദിക്കാനും ചോദ്യം ചെയ്യാനും ഇന്നത്തെ യുവാക്കൾ മുന്നോട്ടുവരുന്നു എന്ന വസ്തുതയാണ് . വ​ലി​യ അ​ടി​മ​ത്ത​ങ്ങ​ളെ​യും അ​ടി​ച്ച​മ​ർ​ത്ത​ലു​ക​ളെ​യും നേ​രി​ട്ട ജ​ന​ത​യാ​ണ്; പേ​ടി​പ്പി​ച്ചി​ട്ടു കാ​ര്യ​മു​ണ്ടെ​ന്നു തോ​ന്നു​ന്നി​ല്ല.

 

ബി​ജെ​പി​യെ അ​ധി​കാ​ര​ത്തി​ലെ​ത്തി​ക്കാ​ൻ കോ​ടി​ക്ക​ണ​ക്കി​നു വോ​ട്ട് കൊ​ള്ള​യ​ടി​ച്ചെ​ന്ന ആ​രോ​പ​ണം നേ​രി​ടു​ന്ന, പ​ണ്ടേ സം​ശ​യ​നി​ഴ​ലി​ലു​ള്ള ഒ​രു​ദ്യോ​ഗ​സ്ഥ​നെ, ചീ​ഫ് ഇ​ല​ക്‌​ഷ​ൻ ക​മ്മി​ഷ​ണ​റെ സം​ര​ക്ഷി​ക്കാ​നാ​ണ് ഭ​ര​ണ​കൂ​ടം രാ​ജ്യ​ത്തെ മു​ൾ​മു​ന​യി​ലാ​ക്കു​ന്ന​ത്; പ്ര​തി​ഷേ​ധ​ങ്ങ​ളെ അ​ടി​ച്ച​മ​ർ​ത്തു​ന്ന​ത്.  അ​ടി​യ​ന്ത​രാ​വ​സ്ഥ​യെ​യും ഏകാ​ധി​പ​ത്യ​ത്തെ​യും വേ​ണ്ട​വി​ധം "കൈ​കാ​ര്യം' ചെ​യ്ത ജ​ന​ത​യാ​ണ്  ഭാരതത്തിലുള്ളത് .  ഒരു വിധത്തിലുള്ള  ഏക ​കാ​ധി​പ​ത്യ അ​ര​ക്ഷി​താ​വ​സ്ഥ​യ്ക്ക് ജ​നം വ​ഴ​ങ്ങി​ല്ല. മോ​ദി​സ​ർ​ക്കാ​ർ ജ​നാ​ധി​പ​ത്യ​ത്തി​നു വ​ഴ​ങ്ങി​യേ തീ​രൂ.

രാ​ജ്യം തി​ള​യ്ക്കു​ന്ന​ത്, ജ​നാ​ധി​പ​ത്യ​ത്തി​ന്‍റെ അ​ടി​സ്ഥാ​ന​മാ​യ വോ​ട്ട് മോ​ഷ്‌​ടി​ച്ചെ​ന്ന ആ​രോ​പ​ണം നേ​രി​ടു​ന്ന മു​ഖ്യ​തെ​ര​ഞ്ഞെ​ടു​പ്പ് ക​മ്മി​ഷ​ണ​ർ ഗ്യാ​നേ​ഷ്കു​മാ​റി​നെ പു​റ​ത്താ​ക്ക​ണ​മെ​ന്ന് ആ​വ​ശ്യ​പ്പെ​ട്ടാ​ണ്. സി​ജെ​പി എ​ന്ന യു​വ​മു​ന്നേ​റ്റ​വും പ്ര​തി​പ​ക്ഷ​പാ​ർ​ട്ടി​ക​ളും ന​ട​ത്തു​ന്ന സ​മ​രം കേ​ന്ദ്രം അ​ടി​ച്ച​മ​ർ​ത്തു​ക​യാ​ണ്. ത​ല​സ്ഥാ​ന​ത്തു​മാ​ത്രം പ​തി​നാ​യി​ര​ക്ക​ണ​ക്കി​നു വ​രു​ന്ന പൊ​ലി​സ് സേ​ന​യെ​യും അ​ർ​ധ​സൈ​നി​ക​വി​ഭാ​ഗ​ത്തെ​യും വി​ന്യ​സി​ച്ചി​രി​ക്കു​ന്നു. ‌

 

സ​മ​ര​വേ​ദി​ക​ൾ അ​ട​ച്ചു. ഗ​താ​ഗ​തം, ഇ​ന്‍റ​ർ​നെ​റ്റ്, കു​ടി​വെ​ള്ളം, ഭ​ക്ഷ​ണം... എ​ല്ലാം നി​രോ​ധി​ച്ചു. എം​പി​മാ​രും മു​ൻ മു​ഖ്യ​മ​ന്ത്രി​മാ​രും ഉ​ൾ​പ്പ​ടെ​യു​ള്ള​വ​രെ ത​ട​വി​ലാ​ക്കു​ന്നു. ആ​യി​ര​ങ്ങ​ളെ ക​സ്റ്റ​ഡി​യി​ലെ​ടു​ക്കു​ന്നു. മാ​ധ്യ​മ​പ്ര​വ​ർ​ത്ത​ക​രെ വ​ലി​ച്ചി​ഴ​യ്ക്കു​ന്നു... എ​ന്നി​ട്ട് ജ​ന്ത​ർ മ​ന്ത​റി​ലെ സ​മ​ര​ത്തി​ന് ആ​ളി​ല്ലെ​ന്ന് ബി​ജെ​പി ഭ​ക്ത​രു​ടെ കീ​ർ​ത്ത​നം! ലോ​ക​ത്തി​നു​മു​ന്നി​ൽ രാ​ജ്യം നാ​ണം​കെ​ട്ടു. പ്ര​തി​ക​രി​ച്ച ഐ​ക്യ​രാ​ഷ്‌​ട്ര​സ​ഭ​യോ​ടു​പോ​ലും ക​ലി​പ്പ്. സ്വ​ത​ന്ത്ര ഇ​ന്ത്യ ക​ണ്ട ഏ​റ്റ​വും വ​ലി​യ ജ​നാ​ധി​പ​ത്യ​വേ​ട്ട! എ​ന്താ​യി​രി​ക്കാം കാ​ര​ണം? ഗ്യാ​നേ​ഷ്കു​മാ​റെ​ന്ന പാ​വ​യെ ച​ലി​പ്പി​ക്കു​ന്ന ച​ര​ടു​ക​ളി​ലേ​ക്കു നീ​ളു​ന്ന ക​ഥ കേ​ൾ​ക്ക​ണം.ഗ്യാ​നേ​ഷ്കു​മാ​റിനെ  എന്തിനു ഭരിക്കുന്ന പാർട്ടി താങ്ങണം . മറ്റ് പാർട്ടികൾക്ക് ഇല്ലാത്ത അടുപ്പം  ബി.ജെ പി ക്ക് എന്തിനു ?2024 ലോ​ക്സ​ഭാ തെ​ര​ഞ്ഞെ​ടു​പ്പി​ൽ ര​ജി​സ്റ്റ​ർ ചെ​യ്ത വോ​ട്ട​ർ​മാ​രു​ടെ എ​ണ്ണം 96 കോ​ടി​യാ​യി​രു​ന്നു. നാ​നൂ​റി​ലേ​റെ സീ​റ്റു​ക​ൾ നേ​ടു​മെ​ന്ന് മോ​ദി അ​വ​കാ​ശ​പ്പെ​ട്ടെ​ങ്കി​ലും കി​ട്ടി​യ​ത് വെ​റും 240. മ​റ്റു​ള്ള​വ​രു​ടെ പി​ന്തു​ണ​യി​ൽ ഭ​ര​ണം ത​ട്ടി​ക്കൂ​ട്ടി. വ​ർ​ഗീ​യ​ധ്രു​വീ​ക​ര​ണ​ത്തി​ലൂ​ടെ ഇ​നി വോ​ട്ട് നേ​ടാ​നാ​കി​ല്ലെ​ന്ന് ഉ​റ​പ്പാ​യി. വി​ക​സ​ന പൊ​ള്ള​ത്ത​ര​ങ്ങ​ൾ ആ​ഗോ​ള റി​പ്പോ​ർ​ട്ടു​ക​ളി​ൽ ഉ​ൾ​പ്പ​ടെ നി​ലം​പൊ​ത്തി. വാ​ഴ്ത്തു​പാ​ട്ടു​കാ​രാ​യ ഗോ​ദി മീ​ഡി​യ​യെ ജ​നം ഓ​ടി​ച്ചി​ട്ടു ത​ല്ലു​ന്ന സ്ഥി​തി​യാ​യി. അ​ന്വേ​ഷ​ണ ഏ​ജ​ൻ​സി​ക​ളെ ഇ​റ​ക്കി പ്ര​തി​പ​ക്ഷ​ത്തെ​യും വി​മ​ർ​ശ​ക​രെ​യും ഭീ​ഷ​ണി​പ്പെ​ടു​ത്തി​യി​ട്ടും കു​തി​ര​ക്ക​ന്പോ​ള​ത്തി​ൽ ജ​ന​പ്ര​തി​നി​ധി​ക​ളെ മൊ​ത്ത​ക്ക​ച്ച​വ​ടം ന​ട​ത്തി​യി​ട്ടും സ​ർ​ക്കാ​രി​ന്‍റെ അ​ര​ക്ഷി​താ​വ​സ്ഥ​യ്ക്കു ശ​മ​ന​മി​ല്ല. ക​ഥ​യു​ടെ ര​ണ്ടാം അ​ധ്യാ​യം അ​വി​ടെ തു​ട​ങ്ങി.

സ​ന്പൂ​ർ​ണ​വി​ധേ​യ​നാ​യ ഗ്യാ​നേ​ഷ് കു​മാ​റി​നെ മു​ഖ്യ തെ​ര​ഞ്ഞെ​ടു​പ്പ് ക​മ്മി​ഷ​ണ​റാ​ക്കി. 96 കോ​ടി വോ​ട്ട​ർ​മാ​രു​ടെ ലി​സ്റ്റ് പ​രി​ശോ​ധി​ക്കാ​ൻ തു​ട​ങ്ങി​യ എ​സ്ഐ​ആ​ർ (തീ​വ്ര വോ​ട്ട​ർ​പ​ട്ടി​ക പ​രി​ഷ്ക​ര​ണം) പൂ​ർ​ത്തി​യാ​കു​ന്ന​തി​നു മു​ന്പു​ത​ന്നെ 13.3 കോ​ടി വോ​ട്ട​ർ​മാ​രെ വെ​ട്ടി​നി​ര​ത്തി. ര​ണ്ടു കോ​ടി​യോ​ളം ആ​ളു​ക​ൾ മ​രി​ച്ച​വ​രോ സ്ഥ​ല​ത്തി​ല്ലാ​ത്ത​വ​രോ ആ​ണ്. ര​ണ്ടു കോ​ടി​യോ​ളം പേ​ർ അ​പ്പീ​ലി​ലൂ​ടെ തി​രി​ച്ചെ​ത്തി.

സ്ത്രീ​ക​ളും കു​ടി​യേ​റ്റ​ക്കാ​രും ഇ​ത​ര​സം​സ്ഥാ​ന തൊ​ഴി​ലാ​ളി​ക​ളും ന്യൂ​ന​പ​ക്ഷ​ങ്ങ​ളും ഉ​ൾ​പ്പ​ടെ ബാ​ക്കി ഒ​ന്പ​തു കോ​ടി​യോ​ളം വോ​ട്ട​ർ​മാ​ർ പു​റ​ത്ത്. ഇ​ത് തെ​ര​ഞ്ഞെ​ടു​പ്പു​ക​ളു​ടെ വി​ധി അ​ട്ടി​മ​റി​ക്കാ​ൻ പോ​ന്ന സം​ഖ്യ​യാ​ണ്. മാ​ത്ര​മ​ല്ല, അ​പ്പീ​ലി​ലൂ​ടെ വോ​ട്ട​ർ​മാ​ർ തി​രി​ച്ചെ​ത്തി​യ​പ്പോ​ഴേ​ക്കും പ​ല തെ​ര​ഞ്ഞെ​ടു​പ്പു​ക​ളും ക​ഴി​ഞ്ഞി​രു​ന്നു. കോ​ട​തി​ക​ൾ നോ​ക്കു​കു​ത്തി​യാ​യി.

ക​ള്ള​വോ​ട്ടു​ക​ളു​ടെ പ​ട്ടി​ക പ്ര​തി​പ​ക്ഷ​നേ​താ​വ് രാ​ഹു​ൽ​ഗാ​ന്ധി പ്ര​ദ​ർ​ശി​പ്പി​ച്ചു. അ​തി​നു കൃ​ത്യ​മാ​യ മ​റു​പ​ടി പ​റ​യാ​തെ രോ​ഷാ​കു​ല​നാ​യ ഗ്യാ​നേ​ഷ്കു​മാ​റി​ന്‍റെ പ്ര​ക​ട​നം വോ​ട്ട​ർ പ​ട്ടി​ക​യു​ടെ​യും തെ​ര​ഞ്ഞെ​ടു​പ്പ് പ്ര​ക്രി​യ​യു​ടെ​യും വി​ശ്വാ​സ്യ​ത സം​ശ​യ​ത്തി​ലാ​ക്കി​യെ​ന്നു പ​റ​ഞ്ഞ​ത്, മു​ൻ മു​ഖ്യ തെ​ര​ഞ്ഞെ​ടു​പ്പു ക​മ്മി​ഷ​ണ​ർ​മാ​രാ​യ എ​സ്.​വൈ. ഖു​റേ​ഷി, ഒ.​പി. റാ​വ​ത്ത്, മു​ൻ തെ​ര​ഞ്ഞെ​ടു​പ്പ് ക​മ്മി​ഷ​ണ​ർ അ​ശോ​ക് ല​വാ​സ എ​ന്നി​വ​രാ​ണ്. ഭ​ര​ണ​പി​ന്തു​ണ​യു​ടെ ധാ​ർ​ഷ്‌​ട്യ​ത്തി​ൽ ഗ്യാ​നേ​ഷ് കൂ​ടു​ത​ൽ വേ​ല​ക​ളി​റ​ക്കി.

എ​സ്ഐ​ആ​റി​ൽ, 2003ലെ ​വോ​ട്ട​ർ പ​ട്ടി​ക പ​രി​ഷ്ക​ര​ണ​ത്തി​ൽ മാ​താ​പി​താ​ക്ക​ളു​ടെ പേ​രു​ണ്ടോ എ​ന്ന​തും വോ​ട്ട​പേ​ക്ഷ​ക​ർ​ക്കു സ്ഥാ​പി​ക്കേ​ണ്ടി​വ​ന്നു. ഇ​ങ്ങ​നെ ഫോം-6 ​മാ​റ്റാ​നു​ള്ള നി​ർ​ദേ​ശം ത​ങ്ങ​ൾ ന​ൽ​കി​യി​ട്ടി​ല്ലെ​ന്നു സു​പ്രീം​കോ​ട​തി വ്യ​ക്ത​മാ​ക്കി. ഇ​തി​നി​ടെ​യാ​ണ്, ഗ്യാ​നേ​ഷ്കു​മാ​റി​ന്‍റെ ഏ​കാ​ധി​പ​ത്യ തീ​രു​മാ​ന​ങ്ങ​ൾ​ക്കെ​തി​രേ മ​റ്റു ര​ണ്ടു ക​മ്മി​ഷ​ണ​ർ​മാ​രും 10 മാ​സ​ത്തി​നി​ടെ 14 ത​വ​ണ ഔ​ദ്യോ​ഗി​ക​മാ​യി എ​തി​ർ​പ്പു രേ​ഖ​പ്പെ​ടു​ത്തി​യി​രു​ന്നെ​ന്ന ഇ​ന്ത്യ​ൻ എ​ക്സ്പ്ര​സ് റി​പ്പോ​ർ​ട്ട് പു​റ​ത്തു​വ​ന്ന​ത്. ഇ​തോ​ടെ, നി​യ​മ​സം​വി​ധാ​ന​ങ്ങ​ളി​ൽ​പോ​ലും പ്ര​തീ​ക്ഷ​യി​ല്ലാ​താ​യ ജ​നം തെ​രു​വി​ലി​റ​ങ്ങി.

സു​പ്രീം​കോ​ട​തി ചീ​ഫ് ജ​സ്റ്റീ​സി​നെ ഒ​ഴി​വാ​ക്കി ഏ​കാ​ധി​പ​ത്യ​രീ​തി​യി​ൽ തെ​ര​ഞ്ഞെ​ടു​ത്ത സ​ർ​ക്കാ​ർ പാ​വ​യാ​യ ചീ​ഫ് ഇ​ല​ക്‌​ഷ​ൻ ക​മ്മി​ഷ​ണ​ർ​ക്ക് ആ​ജീ​വ​നാ​ന്ത​നി​യ​മ​പ​രി​ക്ഷ കൊ​ടു​ത്ത​ത് മു​ഖ​പ്ര​സം​ഗ​ത്തി​ൽ ദീ​പി​ക പ​ല​വ​ട്ടം ചൂ​ണ്ടി​ക്കാ​ണി​ച്ചി​രു​ന്നു. ആ "​ക​രി​നി​യ​മം' എ​ന്തി​നാ​യി​രു​ന്നെ​ന്ന് ഇ​പ്പോ​ൾ ബോ​ധ്യ​മാ​കു​ക​യാ​ണ്. 2023 ഓ​ഗ​സ്റ്റി​ൽ പാ​ർ​ല​മെ​ന്‍റി​ൽ 146 എം​പി​മാ​രെ പു​റ​ത്താ​ക്കി പാ​സാ​ക്കി​യ The Chief Election Commissioner and other Election Commissioners (Appointment, Conditions of Service and Term of Office) Act, 2023, 16ാം വ​കു​പ്പ​നു​സ​രി​ച്ച്, തെ​ര​ഞ്ഞെ​ടു​പ്പ് ക​മ്മി​ഷ​ൻ കൃ​ത്യ​നി​ർ​വ​ഹ​ണ​വു​മാ​യി ബ​ന്ധ​പ്പെ​ട്ട് എ​ന്തു തീ​രു​മാ​ന​മെ​ടു​ത്താ​ലും അ​തി​നെ​തി​രേ സി​വി​ലോ ക്രി​മി​ന​ലോ ആ​യ ഒ​രു കേ​സും അ​വ​ർ​ക്കെ​തി​രേ ജോ​ലി​ക്കാ​ല​ത്തോ പി​ന്നീ​ടോ എ​ടു​ക്കാ​നാ​കി​ല്ല. എ​ന്തു തോ​ന്ന്യാ​സ​വും കാ​ണി​ക്കാ​നു​ള്ള ലൈ​സ​ൻ​സ്! "ആ ​പ​ണി' അ​ദ്ദേ​ഹം ന​ന്നാ​യി ചെ​യ്തു​കൊ​ടു​ത്തെ​ന്നു​വേ​ണം ക​രു​താ​ൻ. ഇ​ല്ലെ​ന്ന് അ​ദ്ദേ​ഹ​വും തെ​ളി​യി​ക്കു​ന്നി​ല്ല.

ഗ്യാ​നേ​ഷ്കു​മാ​ർ രാ​ജി വ​യ്ക്ക​ണം. ജ​നാ​ധി​പ​ത്യ​മൂ​ല്യ​ങ്ങ​ളെ വീ​ണ്ടെ​ടു​ക്ക​ണം. പ്ര​തി​പ​ക്ഷം, നാ​ണം​കെ​ട്ട ത​മ്മി​ല​ടി അ​വ​സാ​നി​പ്പി​ക്ക​ണം. അ​ടി​യ​ന്ത​രാ​വ​സ്ഥ​യേ​ക്കാ​ൾ ഭ​യാ​ന​ക​മാ​ണ് സ്ഥി​തി. ഇ​ന്ദി​രാ​ഗാ​ന്ധി വോ​ട്ട് മോ​ഷ്‌​ടി​ച്ചി​ല്ല. അ​തു​കൊ​ണ്ട് അ​ടി​യ​ന്ത​രാ​വ​സ്ഥ പ്ര​ഖ്യാ​പി​ച്ച അ​വ​രെ ജ​നം പു​റ​ത്താ​ക്കി. അ​തേ ജ​നം അ​വ​രെ തി​രി​ച്ചു​വി​ളി​ക്കു​ക​യും ചെ​യ്തു. ആ ​സ്വാ​ത​ന്ത്ര്യ​മാ​ണ് ത​ട്ടി​യെ​ടു​ക്കു​ന്ന​തെ​ങ്കി​ൽ പാ​വ​ക​ളു​ടെ ച​ര​ടു​വ​ലി​ക്കാ​രേ, ജ​നം നി​ങ്ങ​ളോ​ടു ക​രു​ണ കാ​ണി​ക്കി​ല്ല.

പ്രൊഫ്. ജോൺ കുരാക്കാർ