ക​ട​ലി​ലേ​ക്കു പോ​കുന്നവരും കരയിൽ കണ്ണീരുമായി കാത്തുനിൽക്കുന്നവരും

ക​ട​ലി​ലേ​ക്കു പോ​കുന്നവരും  കരയിൽ കണ്ണീരുമായി  കാത്തുനിൽക്കുന്നവരും

 

കടലിലേയ്ക്ക് പോകന്നവരും കരയിൽ കാത്തുനിൽക്കുന്നവരുമായ മത്സ്യത്തൊഴിലാളികളുടെയും അവരുടെ കുടുംബങ്ങളുടെയും ജീവിത യാഥാർത്ഥ്യങ്ങളെയും നോവുകളും  സർക്കാർ അറിയാതെ പോകരുത് .ക​ട​ലി​ലേ​ക്കു പോ​യ​വ​ർ തി​രി​കെ വ​രാ​തി​രി​ക്കു​മ്പോ​ൾ ക​ര​യി​ൽ ബാ​ക്കി​യാ​കു​ന്ന​ത് തി​ര​ക​ളെ​ണ്ണി​ത്തീ​ർ​ക്കാ​ൻ ക​ഴി​യാ​ത്ത ക​ണ്ണീ​ർ​ക്ക​ട​ലാ​ണ്. അ​വ​സാ​ന​മി​ല്ലാ​ത്ത അ​ന്ത​മി​ല്ലാ​യ്മ. മ​ണി​ക്കൂ​റു​ക​ളും ദി​ന​ങ്ങ​ളും ക​ട​ന്നു​പോ​കു​മ്പോ​ഴും ഒ​രു നി​ഗ​മ​ന​ത്തി​നും വി​ട്ടു​കൊ​ടു​ക്കാ​ൻ ക​ഴി​യാ​ത്ത, ഉ​ത്ത​രം കി​ട്ടാ​ത്ത വ​ലി​യൊ​രു ഉ​ത്ക​ണ്ഠ​മാ​ത്രം ബാ​ക്കി​യാ​കു​ന്നു. ക​ട​ലി​ന്‍റെ മ​ക്ക​ളു​ടെ ക​ണ്ണീ​ർ പ​ര​മ്പ​ര അ​വ​സാ​നി​ക്കു​ന്നേ​യി​ല്ല. അ​ഞ്ചു​തെ​ങ്ങി​ൽ​നി​ന്ന് മ​ത്സ്യ​ബ​ന്ധ​ന​ത്തി​നു​പോ​യ ഷി​ജി​ന്‍റെ ഭാ​ര്യ​യും മ​ക്ക​ളും അ​മ്മ​യും ബ​ന്ധു​ക്ക​ളും നാ​ട്ടു​കാ​രും കാ​ത്തി​രി​ക്കു​ക​യാ​ണ്. ആ ​കാ​ത്തി​രി​പ്പി​ൽ പ്രാ​ർ​ഥ​ന​യു​ണ്ട്. പ്ര​തീ​ക്ഷ​യു​ണ്ട്. ആ​ശ​ങ്ക​യു​ണ്ട്. പ്ര​തി​ഷേ​ധ​മു​ണ്ട്. നി​സ​ഹാ​യ​ത​യു​മു​ണ്ട്. പ​ത്താം ദി​വ​സ​ത്തി​ലേ​ക്കു നീ​ണ്ട ഉ​ത്ക​ണ്ഠ ഷി​ജി​ന്‍റെ കു​ടും​ബ​ത്തി​ന്‍റെ​യു​ള്ളി​ൽ കാ​ല​വ​ർ​ഷ​ക്കാ​റ്റി​നേ​ക്കാ​ളു​മു​യ​ര​ത്തി​ൽ വീ​ശി​യ​ടി​ക്കു​ക​യാ​ണ്.

പ്ര​തീ​ക്ഷ അ​വ​രെ ക​ട​ലി​ലേ​ക്കു ക​ണ്ണും​ന​ട്ടി​രി​ക്കാ​ൻ പ്രേ​രി​പ്പി​ക്കു​ന്നു. വി​ശ്വാ​സം അ​വ​രെ അ​ന​ന്ത​മാ​യ പ്രാ​ർ​ഥ​ന​യി​ലേ​ക്കു ന​യി​ക്കു​ന്നു. നി​സ​ഹാ​യ​ത അ​വ​ർ​ക്കു​ള്ളി​ൽ​നി​ന്നു ക​ര​ച്ചി​ലാ​യി പു​റ​ത്തു​വ​രു​ന്നു. പ്ര​തി​ഷേ​ധം രോ​ഷ​മാ​യും കു​ത്തി​യി​രി​പ്പു സ​മ​ര​മാ​യും ഭ​ര​ണാ​ധി​കാ​രി​ക​ളു​ടെ മ​നഃ​സാ​ക്ഷി​ക്കു​നേ​രേ വി​ര​ൽ​ചൂ​ണ്ടു​ന്നു. മു​ത​ല​പ്പൊ​ഴി​യി​ലു​ള്ള അ​ഞ്ചു​തെ​ങ്ങ് കോ​സ്റ്റ​ൽ പോ​ലീ​സ് സ്‌​റ്റേ​ഷ​നു സ​മീ​പം റോ​ഡി​ൽ കു​ത്തി​യി​രു​ന്നാ​യി​രു​ന്നു വെ​ള്ളി​യാ​ഴ്ച അ​വ​രു​ടെ പ്ര​തി​ഷേ​ധം. ഇ​ട​വ​ക വി​കാ​രി​യും മ​റ്റു​ള്ള​വ​രും ഇ​ട​പെ​ട്ട​പ്പോ​ൾ ഫി​ഷ​റീ​സ് ഡെ​പ്യൂ​ട്ടി ഡ​യ​റ​ക്‌​ട​ർ സ്ഥ​ല​ത്തെ​ത്തി. പ​ക്ഷേ, ഫ​ല​മു​ണ്ടാ​യി​ല്ല. പി​ന്നീ​ട് മ​ന്ത്രി സി.​പി. ജോ​ൺ വ​ന്ന് ന​ല്കി​യ ഉ​റ​പ്പി​ലാ​ണ് സ​മ​രം അ​വ​സാ​നി​പ്പി​ച്ച​ത്.

 

അ​വ​സാ​നി​ക്കാ​ത്ത​ത് ദു​ര​ന്ത​ങ്ങ​ളും സ​ങ്ക​ട​പ്പേ​മാ​രി​യും രോ​ഷ​വും മാ​ത്രം. മ​ര​ണ​പ്പൊ​ഴി​യാ​യി മാ​റി​യ മു​ത​ല​പ്പൊ​ഴി​യി​ൽ​നി​ന്നാ​ണ് ഷി​ജി​ൻ അ​പ​ക​ട​ത്തി​ൽ​പ്പെ​ടു​ന്ന​ത്. വ​ലി​യ രീ​തി​യി​ലു​ള്ള തെ​ര​ച്ചി​ൽ ന​ട​ത്തും എ​ന്ന മു​ഖ്യ​മ​ന്ത്രി​യു​ടെ വാ​ക്ക് വെ​റും​വാ​ക്കാ​യി എ​ന്നാ​ണ് കു​ടും​ബ​ത്തി​ന്‍റെ ആ​രോ​പ​ണം. ര​ക്ഷാ​പ്ര​വ​ർ​ത്ത​ന​ത്തി​നാ​യി എ​ല്ലാ സം​വി​ധാ​ന​ങ്ങ​ളും ഉ​പ​യോ​ഗ​പ്പെ​ടു​ത്ത​ണം എ​ന്നാ​യി​രു​ന്നു അ​വ​രു​ടെ ആ​വ​ശ്യം. വ​ള്ളം മ​റി​ഞ്ഞ സ്ഥ​ലം അ​റി​യു​ന്ന മ​ത്സ്യ​ത്തൊ​ഴി​ലാ​ളി​ക​ളു​ൾ​പ്പെ​ടെ​യു​ള്ള​വ​രെ​യും​കൂ​ടി തെ​ര​ച്ചി​ലി​ന് ഉ​ൾ​പ്പെ​ടു​ത്ത​ണ​മെ​ന്നും അ​വ​ർ ആ​വ​ശ്യ​പ്പെ​ട്ടു. കു​ടും​ബ​ത്തെ പൂ​ർ​ണ​മാ​യും ബോ​ധ്യ​പ്പെ​ടു​ത്തി തെ​ര​ച്ചി​ൽ തു​ട​രു​മെ​ന്നാ​ണ് മ​ന്ത്രി ഉ​റ​പ്പു​ന​ല്കി​യ​ത്.

 

ഷി​ജി​നെ ക​ണ്ടെ​ത്തു​ന്ന കാ​ര്യ​ത്തി​ൽ സ​ർ​ക്കാ​രി​ന്‍റെ വൈ​കി​യെ​ത്തി​യ ജാ​ഗ്ര​ത​യും കു​ടും​ബ​ത്തി​ന്‍റെ​യും നാ​ട്ടു​കാ​രു​ടെ​യും പ്രാ​ർ​ഥ​ന​യും പ്ര​തീ​ക്ഷ​യും ഫ​ല​പ്രാ​പ്തി​യി​ലെ​ത്തു​മെ​ന്നു ക​രു​താം. അ​പ്പോ​ഴും, ഇ​ത്ത​രം ദു​ര​ന്ത​ങ്ങ​ൾ ആ​വ​ർ​ത്തി​ക്കാ​തി​രി​ക്കാ​ൻ എ​ന്തു വ​ഴി എ​ന്ന ചോ​ദ്യം മ​ന്ത്രി​മ​ന്ദി​ര​ങ്ങ​ൾ​ക്കും നി​യ​മ​നി​ർ​മാ​ണ സ​ഭ​യ്ക്കും സെ​ക്ര​ട്ടേ​റി​യ​റ്റി​ലെ ഫ​യ​ലു​ക​ൾ​ക്കും സ​മൂ​ഹ​മ​നഃ​സാ​ക്ഷി​ക്കു​മി​ട​യി​ൽ ചു​റ്റി​ന​ട​ക്കു​ന്നു​ണ്ട്. വി​ഴി​ഞ്ഞം തു​റ​മു​ഖ നി​ർ​മാ​ണ​മാ​ണ് മു​ത​ല​പ്പൊ​ഴി​യെ മ​ര​ണ​പ്പൊ​ഴി​യാ​ക്കി​യ​ത്. അ​ടു​ത്ത കാ​ല​ത്ത് ഏ​റ്റ​വു​മ​ധി​കം മ​ര​ണ​വും നാ​ശ​വു​മു​ണ്ടാ​യ​ത് മു​ത​ല​പ്പൊ​ഴി​യി​ലാ​ണ്. തു​റ​മു​ഖ​ത്ത് അ​ടി​ഞ്ഞു​കൂ​ടി‍​യ ക​ല്ലും മ​ണ്ണും യ​ഥാ​സ​മ​യം നീ​ക്കാ​ത്ത അ​ദാ​നി ഗ്രൂ​പ്പി​നെ​തി​രേ ന​ട​പ​ടി​യി​ല്ലെ​ന്ന് നി​യ​മ​സ​ഭ​യി​ൽ സ​ർ​ക്കാ​രി​നു​നേ​രേ വി​ര​ൽ ചൂ​ണ്ടി​യ​വ​രാ​ണ് ഇ​ന്ന​ത്തെ മ​ന്ത്രി​മാ​ർ.

 

ക​ട​ൽ​ക്ഷോ​ഭം വ​രു​ന്നു എ​ന്ന സൂ​ച​ന കി​ട്ടി​യാ​ൽ മ​ത്സ്യ​ത്തൊ​ഴി​ലാ​ളി​ക​ൾ ക​ട​ലി​ൽ പോ​ക​രു​ത് എ​ന്നു പ​റ​യു​ന്ന​തോ​ടെ അ​ധി​കൃ​ത​രു​ടെ ഉ​ത്ത​ര​വാ​ദി​ത്വം തീ​രു​ന്ന​തെ​ന്തു​കൊ​ണ്ടാ​ണ്? അ​ല്ലെ​ങ്കി​ൽ, മു​ത​ല​പ്പൊ​ഴി​യി​ലെ അ​പ​ക​ട മ​ൺ​തി​ട്ട​ക​ൾ അ​വ​ഗ​ണി​ച്ച് അ​വ​ർ ക​ട​ലി​ൽ പോ​കു​ന്ന​ത് എ​ന്തു​കൊ​ണ്ടാ​ണ് എ​ന്നു ചി​ന്തി​ച്ചി​ട്ടു​ണ്ടോ? അ​വ​രു​ടെ അ​ന്നം ക​ട​ലി​ലാ​ണ്. അ​വ​രു​ടെ ജീ​വി​തം തി​ര​മാ​ല​ക​ളു​ടെ താ​ള​ത്തി​നൊ​ത്താ​ണ്. ക​ട​ലി​ന്‍റെ ഭാ​വം വ​ന്യ​മാ​യി മാ​റി​യാ​ലും ക​ട​ല​മ്മ​യി​ലു​ള്ള വി​ശ്വാ​സ​മാ​ണ് അ​വ​രെ ന​യി​ക്കു​ന്ന​ത്. മ​ത്സ്യ​ത്തൊ​ഴി​ലാ​ളി​ക​ളു​ടെ അ​തി​ജീ​വ​ന​ത്തെ​യും ച​ങ്കൂ​റ്റ​ത്തെ​യും പി​ന്തു​ണ​യ്ക്കു​ക​യാ​ണ് ഭ​രി​ക്കു​ന്ന​വ​രു​ടെ ചു​മ​ത​ല. മീ​ൻ പി​ടി​ക്കാ​ൻ ക​ഴി​യാ​ത്ത കാ​ല​ത്ത് അ​വ​ർ വി​ശ​ന്നി​രി​ക്കു​ക​യ​ല്ലെ​ന്ന് ഉ​റ​പ്പാ​ക്ക​ണം. അ​വ​രു​ടെ കു​ട്ടി​ക​ൾ സ്കൂ​ളു​ക​ളി​ലെ​ത്തു​ന്നു​ണ്ടോ എ​ന്ന് അ​ന്വേ​ഷി​ക്ക​ണം.

 

ഹാ​ർ​ബ​ർ ക​വാ​ട​ത്തി​ൽ അ​ടി​ഞ്ഞു​കൂ​ടു​ന്ന മ​ണ​ൽ യ​ഥാ​സ​മ​യം നീ​ക്കം​ചെ​യ്യാ​ത്ത​തും അ​ശാ​സ്ത്രീ​യ​മാ​യ പു​ലി​മു​ട്ട് നി​ർ​മാ​ണ​വും നേ​ര​ത്തേ​ത​ന്നെ മു​ത​ല​പ്പൊ​ഴി​യി​ലെ പ്ര​ശ്ന​ങ്ങ​ളാ​ണ്. അ​തി​നു​പു​റ​മെ​യാ​ണ് തു​റ​മു​ഖ​നി​ർ​മാ​ണം മൂ​ല​മു​ണ്ടാ​യ മ​റ്റ് ആ​പ​ത്തു​ക​ൾ. പൂ​ന​യി​ലെ സെ​ൻ​ട്ര​ൽ വാ​ട്ട​ർ ആ​ൻ​ഡ് പ​വ​ർ റി​സ​ർ​ച്ച് സ്റ്റേ​ഷ​ൻ (സി​ഡ​ബ്ല്യു​പി​ആ​ർ​എ​സ്) മു​ത​ല​പ്പൊ​ഴി​യി​ലെ അ​പ​ക​ട​ങ്ങ​ൾ​ക്ക് ശാ​ശ്വ​ത പ​രി​ഹാ​രം കാ​ണു​ന്ന​തി​നാ​യി ശാ​സ്ത്രീ​യ പ​ഠ​നം ന​ട​ത്തി​യി​രു​ന്നു. പു​ലി​മു​ട്ടു​ക​ളു​ടെ പു​നഃ​ക്ര​മീ​ക​ര​ണ​മാ​ണ് അ​വ​ർ പ്ര​ധാ​ന​മാ​യും നി​ർ​ദേ​ശി​ച്ച​ത്. അ​തോ​ടൊ​പ്പം ഹാ​ർ​ബ​ർ ക​വാ​ട​ത്തി​ന്‍റെ വീ​തി കൂ​ട്ടാ​നും ശി​പാ​ർ​ശ ചെ​യ്തു. സി​ഡ​ബ്ല്യു​പി​ആ​ർ​എ​സ് ന​ൽ​കി​യ മാ​സ്റ്റ​ർ പ്ലാ​ൻ പ്ര​കാ​രം 164 കോ​ടി​യോ​ളം രൂ​പ ചെ​ല​വ​ഴി​ച്ച് മു​ത​ല​പ്പൊ​ഴി ഹാ​ർ​ബ​ർ പു​ന​ർ​നി​ർ​മി​ക്കാ​നു​ള്ള പ​ദ്ധ​തി​ക്ക് കേ​ന്ദ്ര-​സം​സ്ഥാ​ന സ​ർ​ക്കാ​രു​ക​ൾ അം​ഗീ​കാ​രം ന​ൽ​കി​യി​ട്ടു​ണ്ട്.

 

അ​തേ​സ​മ​യം, ശാ​സ്ത്രീ​യ​മാ​യ പ​ഠ​ന​ങ്ങ​ളും റി​പ്പോ​ർ​ട്ടു​ക​ളും വ​ന്ന് വ​ർ​ഷ​ങ്ങ​ൾ ക​ഴി​ഞ്ഞി​ട്ടും പ്ര​ഖ്യാ​പി​ച്ച നി​ർ​മാ​ണ പ്ര​വ​ർ​ത്ത​ന​ങ്ങ​ൾ പ്ര​യോ​ഗി​ക​ത​ല​ത്തി​ൽ വേ​ഗ​ത്തി​ലാ​കു​ന്നി​ല്ലെ​ന്നാ​ണ് മ​ത്സ്യ​ത്തൊ​ഴി​ലാ​ളി​ക​ളു​ടെ ആ​രോ​പ​ണം. ഡ്ര​ഡ്ജിം​ഗ് പ്ര​വൃ​ത്തി​ക​ൾ കൃ​ത്യ​മാ​യി ന​ട​ക്കു​ന്നു​ണ്ടെ​ന്ന് ഉ​റ​പ്പാ​ക്കാ​ൻ സ​മി​തി​ക​ളെ നി​യോ​ഗി​ക്ക​ണം, അ​പ​ക​ട​ത്തി​ൽ​പെ​ട്ടു മ​ര​ണ​മ​ട​യു​ന്ന മ​ത്സ്യ​ത്തൊ​ഴി​ലാ​ളി​ക​ളു​ടെ കു​ടും​ബ​ങ്ങ​ൾ​ക്ക് അ​ടി​യ​ന്ത​ര സാ​മ്പ​ത്തി​ക സ​ഹാ​യ​ത്തോ​ടൊ​പ്പം കു​ടും​ബ​ത്തി​ലൊ​രാ​ൾ​ക്ക് ജോ​ലി ഉ​റ​പ്പാ​ക്ക​ണം, ത​ക​രു​ന്ന വ​ള്ള​ങ്ങ​ൾ​ക്കും വ​ല​ക​ൾ​ക്കും അ​ർ​ഹ​മാ​യ ന​ഷ്‌​ട​പ​രി​ഹാ​രം ന​ൽ​ക​ണം എ​ന്ന​തൊ​ക്കെ നി​ര​ന്ത​രം ഉ​ന്ന​യി​ക്കു​ന്ന ആ​വ​ശ്യ​ങ്ങ​ളാ​ണ്.

 

ഏ​റ്റ​വും പ്ര​ധാ​നം അ​പ​ക​ട​മു​ണ്ടാ​യാ​ൽ എ​ത്ര​യും പെ​ട്ടെ​ന്ന് സം​വി​ധാ​ന​ങ്ങ​ൾ ഉ​ണ​രു​ക​യെ​ന്ന​താ​ണ്. അ​തി​നാ​യി മു​ത​ല​പ്പൊ​ഴി​യി​ൽ 24 മ​ണി​ക്കൂ​റും ആ​ധു​നി​ക ആം​ബു​ല​ൻ​സ്, വാ​ട്ട​ർ ആം​ബു​ല​ൻ​സ്, ലൈ​ഫ് ഗാ​ർ​ഡു​ക​ൾ, സ്കൂ​ബ ഡൈ​വേ​ഴ്സ് എ​ന്നി​വ​യു​ടെ സേ​വ​നം ഉ​റ​പ്പാ​ക്കേ​ണ്ട​തു​ണ്ട്.ദുരന്തം ഉ​ണ്ടാ​കു​മ്പോ​ൾ മാ​ത്രം ഉ​ണ​ർ​ന്നു​പ്ര​വ​ർ​ത്തി​ക്കു​ന്ന ഒ​ന്നാ​ക​രു​ത് ന​മ്മു​ടെ ദു​ര​ന്ത​നി​വാ​ര​ണ സം​വി​ധാ​ന​ങ്ങ​ൾ. ആ​ധു​നി​ക സാ​ങ്കേ​തി​ക​വി​ദ്യ ഇ​ത്ര​മാ​ത്രം വ​ള​ർ​ന്നി​ട്ടും ക​ട​ലി​ൽ പോ​കു​ന്ന തൊ​ഴി​ലാ​ളി​ക​ൾ​ക്ക് കൃ​ത്യ​സ​മ​യ​ത്ത് കാ​ലാ​വ​സ്ഥാ മു​ന്ന​റി​യി​പ്പു​ക​ൾ ന​ൽ​കാ​നോ അ​പ​ക​ട​ത്തി​ൽ​പ്പെ​ടു​മ്പോ​ൾ അ​വ​രെ പെ​ട്ടെ​ന്നു ക​ണ്ടെ​ത്താ​നോ  ഉള്ള  യാതൊരു സവിധാനവുമില്ല  എന്നത്  പരമദയനീയം തന്നെയാണ് .

 

പ്രൊഫ്. ജോൺ കുരാക്കാർ