തൂ​ഫാ​ൻ വീശിയടിക്കട്ടെ ,വ​ൻ​മ​ര​ങ്ങ​ളും കടപുഴുകി വീഴട്ടെ

 

തൂ​ഫാ​ൻ  വീശിയടിക്കട്ടെ ,വ​ൻ​മ​ര​ങ്ങ​ളും കടപുഴുകി വീഴട്ടെ 

ലഹരി മാഫിയയ്‌ക്കെതിരെ കേരള പോലീസ് ആരംഭിച്ച വിപുലമായ ലഹരി വിരുദ്ധ പദ്ധതിയാണ് ഓപ്പറേഷൻ തൂഫാൻ (Operation Toofan). സംസ്ഥാനത്ത് സിന്തറ്റിക് ഡ്രഗ്‌സിന്റെ ഉപയോഗവും വിൽപനയും തടയുക എന്ന ലക്ഷ്യത്തോടെ എക്സൈസ്, വിദ്യാഭ്യാസം, ആരോഗ്യം എന്നീ വകുപ്പുകളുടെ സഹകരണത്തോടെയാണ് ഈ ദൗത്യം നടപ്പിലാക്കുന്നത് .21-ാം നൂ​റ്റാണ്ടിലെ  യുവാക്കളിൽ പലരും  രാസലഹരികൾക്ക്  അടിമകളാണ് . മോ​ളി, എ​ക്സ്റ്റ​സി, എ​ക്സ് എ​ന്നീ പേ​രു​ക​ളി​ലു​ള്ള എം​ഡി​എം​എ ഉ​ൾ​പ്പെ​ടെ​യു​ള്ള രാ​സ​ല​ഹ​രി​ക​ൾ മ​നു​ഷ്യ​രെ പി​ശാ​ചു​ക്ക​ളാ​ക്കി.

വി​ദ്യാ​ല​യ​ങ്ങ​ളി​ൽ മു​ത​ൽ താ​ര​ങ്ങ​ളാ​ടു​ന്ന നി​ശാ​പാ​ർ​ട്ടി​ക​ളി​ൽ​വ​രെ അ​വ​രെ​ത്തി. കു​റ്റ​കൃ​ത്യ​ങ്ങ​ൾ അ​നാ​യാ​സ​മാ​യി. പ​ക്ഷേ, ഉ​റ​വി​ടം ക​ണ്ടെ​ത്തി ന​ശി​പ്പി​ക്കാ​ൻ ആ​ർ​ക്കു​മാ​യി​ല്ല. കാ​ര​ണം, ഭ​രി​ക്കു​ന്ന​വ​രി​ലെ​യും പോ​ലീ​സി​ലെ​യും പ​ല​ർ​ക്കും മ​യ​ക്കു​മ​രു​ന്നു വ്യാ​പാ​രി​ക​ൾ അ​സ്പൃ​ശ്യ​രാ​യി​രു​ന്നി​ല്ല. അ​ങ്ങ​നെ​യി​രി​ക്കെ​യാ​ണ് ആ​ഭ്യ​ന്ത​ര​മ​ന്ത്രി ര​മേ​ശ് ചെ​ന്നി​ത്ത​ല "ഓ​പ്പ​റേ​ഷ​ൻ തൂ​ഫാ​ൻ' പ്ര​ഖ്യാ​പി​ച്ച​ത്. പേ​രു​പോ​ലെ കൊ​ടു​ങ്കാ​റ്റു​ത​ന്നെ​യാ​ണ്. 10 ദി​വ​സ​മാ​യ​പ്പോ​ഴേ​ക്കും 2259 കേ​സു​ക​ള്‍, 2440 അ​റ​സ്റ്റു​ക​ൾ. ഇ​പ്പോ​ഴ​തു വീ​ണ്ടും വ​ർ​ധി​ച്ചു. ര​ണ്ടു കാ​ര്യ​ങ്ങ​ളു​ണ്ട്. ഒ​ന്ന്, സ​ർ​ക്കാ​ർ വി​ചാ​രി​ച്ചാ​ൽ ഇ​തൊ​ക്കെ സാ​ധ്യ​മാ​ണെ​ന്നു ജ​ന​ത്തി​നു മ​ന​സി​ലാ​യി. ര​ണ്ട്, വി​ത​ര​ണ​ക്കാ​രി​ൽ​നി​ന്ന് ഉ​റ​വി​ട​ങ്ങ​ളാ​യ മാ​ഫി​യ​ക​ളി​ലേ​ക്ക് എ​ത്ത​ണം. പു​തു​ഭ​ര​ണ​ത്തി​ന്‍റെ ന്യൂ​ന​മ​ർ​ദ​മൊ​ഴി​ഞ്ഞ് ഇ​തൊ​രു ഇ​ളം​കാ​റ്റാ​യി ഒ​തു​ങ്ങി​യാ​ൽ മാ​ഫി​യ അ​തി​ന്‍റെ ത​ന്ത്ര​ങ്ങ​ൾ മാ​റ്റി പു​തി​യ വൈ​റ​സാ​കും. ഇ​നി​യൊ​രു ഓ​പ്പ​റേ​ഷ​നി​ലും ജ​ന​ത്തി​നു പ്ര​തീ​ക്ഷ​യു​മി​ല്ലാ​താ​കും. മ​റ്റു സം​സ്ഥാ​ന​ങ്ങ​ളു​മാ​യി ചേ​ർ​ന്ന് അ​ടി​ച്ചൊ​തു​ക്കാ​നു​ള്ള അ​വ​സ​ര​മാ​ണി​ത്. മ​റ്റൊ​രു​വി​ധ​ത്തി​ൽ പ​റ​ഞ്ഞാ​ൽ പ​ശ്ചി​മേ​ഷ്യ​യി​ലെ യു​ദ്ധ​ത്തെ​ക്കാ​ൾ സ​ങ്കീ​ർ​ണ​മാ​യൊ​രു യു​ദ്ധ​മാ​ണ് അ​റി​ഞ്ഞോ അ​റി​യാ​തെ​യോ ആ​ഭ്യ​ന്ത​ര​മ​ന്ത്രി തു​ട​ങ്ങി​വ​ച്ച​ത്. പൊ​രു​തി​മ​ടു​ത്താ​ൽ പു​റ​ത്തു​ക​ട​ക്കാ​നു​ള്ള പ​ദ്ധ​തി​യ​ല്ല, മാ​ഫി​യ​യെ തീ​ർ​ത്തു​ക​ള​യു​ന്നൊ​രു സ​ന്പൂ​ർ​ണ​വി​ജ​യ​മാ​ണ് കേ​ര​ളം കാ​ത്തി​രി​ക്കു​ന്ന​ത്.

മ​യ​ക്കു​മ​രു​ന്നി​ന്‍റെ ഉ​റ​വി​ടം ത​ക​ർ​ക്കു​ക എ​ളു​പ്പ​മ​ല്ല. പ​ക്ഷേ, സാ​ധ്യ​മാ​ക​ണം. ത​മി​ഴ്നാ​ട്, ഒ​ഡീ​ഷ, ആ​ന്ധ്ര, ബം​ഗ​ളൂ​രു, ഡ​ൽ​ഹി തു​ട​ങ്ങി​യ സ്ഥ​ല​ങ്ങ​ളി​ൽ​നി​ന്നു രാ​ജ്യാ​തി​ർ​ത്തി ക​ട​ന്നു​മെ​ത്തു​ന്ന വ​ലി​യ ച​ങ്ങ​ല​യി​ൽ​നി​ന്നാ​ണ് കേ​ര​ള​ത്തി​ലേ​ക്ക് മ​യ​ക്കു​മ​രു​ന്ന് എ​ത്തു​ന്ന​ത്. ഒ​രു സം​സ്ഥാ​ന​ത്തി​നു മാ​ത്ര​മാ​യി ഈ ​ച​ങ്ങ​ല പൊ​ട്ടി​ക്കാ​നാ​കി​ല്ല. മ​റ്റു സം​സ്ഥാ​ന​ങ്ങ​ൾ​ക്കും കേ​ന്ദ്ര​സ​ർ​ക്കാ​രി​നും ഇ​തേ നി​ശ്ച​യ​ദാ​ർ​ഢ്യ​മു​ണ്ടാ​ക​ണം. ത​മി​ഴ്നാ​ട്ടി​ലെ വി​ജ​യ് സ​ർ​ക്കാ​ർ മ​യ​ക്കു​മ​രു​ന്നു വേ​ട്ട ശ​ക്ത​മാ​ക്കി​യെ​ന്നാ​ണ് വാ​ർ​ത്ത​ക​ൾ. മ​ധ്യ​പ്ര​ദേ​ശി​ലെ ഇ​ൻ​ഡോ​റി​ൽ അ​ന്ത​ർ​സം​സ്ഥാ​ന മ​യ​ക്കു​മ​രു​ന്ന് ശൃം​ഖ​ല ന​ട​ത്തി​വ​ന്നി​രു​ന്ന മാ​ഫി​യ ത​ല​വ​നും പി​ടി​കി​ട്ടാ​പ്പു​ള്ളി​യു​മാ​യ ഹാ​രു​ൺ ഖാ​ൻ ക​ഴി​ഞ്ഞ​ദി​വ​സം പോ​ലീ​സി​ന്‍റെ പി​ടി​യി​ലാ​യി. കേ​ന്ദ്ര​സ​ർ​ക്കാ​ർ ല​ഹ​രി​വേ​ട്ട ന​ട​ത്തി​യി​ട്ടു​ണ്ടെ​ങ്കി​ലും സം​സ്ഥാ​ന​ങ്ങ​ളെ ഉ​ൾ​പ്പെ​ടു​ത്തി രാ​ജ്യ​മൊ​ട്ടാ​കെ ഫ​ല​പ്ര​ദ​മാ​യൊ​രു പ​ദ്ധ​തി​യും ഇ​തു​വ​രെ വി​ജ​യി​പ്പി​ച്ചി​ട്ടി​ല്ല. ലോ​ക​ത്തെ​ങ്ങും സ​മാ​ന്ത​ര വാ​ഴ്ച ന​ട​ത്തു​ന്ന ല​ഹ​രി​മാ​ഫി​യ​യു​ടെ ക​രു​ത്തോ​ർ​ത്താ​ൽ തൂ​ഫാ​ൻ​പോ​ലും പൂ​ഴി പ​റ​പ്പി​ക്കു​ന്ന​തേ​യു​ള്ളൂ, വ​ൻ​മ​ര​ങ്ങ​ളും ക​ട​പു​ഴ​ക​ണം. ലഹരി മാഫിയകൾ  യദേഷ്‌ടം  ഇപ്പോഴും  വിഹരിക്കുന്നു .

 വൻ സ്രാ​വു​ക​ൾ പോ​യി​ട്ട് സം​സ്ഥാ​ന​ത്തെ വി​ത​ര​ണ​ക്കാ​രെ​യും ഉ​പ​യോ​ക്താ​ക്ക​ളെ​യും അ​ക​ത്താ​ക്കു​ന്ന​തു​പോ​ലും എ​ളു​പ്പ​മ​ല്ല. കാ​ര​ണം, അ​വ​ർ​ക്ക് രാ​ഷ്‌​ട്രീ​യ-​പോ​ലീ​സ് പി​ന്തു​ണ​യു​ണ്ട്. മ​ല​പ്പു​റം ജി​ല്ല​യി​ൽ മ​യ​ക്കു​മ​രു​ന്ന് മാ​ഫി​യ​ക​ളെ സ​ഹാ​യി​ക്കു​ന്ന, ക​രി​പ്പൂ​ർ പോ​ലീ​സ് സ്റ്റേ​ഷ​നി​ലെ മൂ​ന്ന് ഉ​ദ്യോ​ഗ​സ്ഥ​രെ ക​ഴി​ഞ്ഞ​ദി​വ​സം സ​സ്‌​പെ​ൻ​ഡ് ചെ​യ്തി​രു​ന്നു. കേ​ര​ള​ത്തി​ലു​ൾ​പ്പെ​ടെ രാ​ജ്യ​ത്തെ ഏ​താ​ണ്ട് എ​ല്ലാ പോ​ലീ​സ് സ്റ്റേ​ഷ​നു​ക​ളി​ലും ഇ​ത്ത​ര​ക്കാ​രു​ണ്ട്. അ​താ​യ​ത്, കേ​ന്ദ്ര​ത്തി​ന്‍റെ​യും ഇ​ത​ര​സം​സ്ഥാ​ന​ങ്ങ​ളു​ടെ​യും പി​ന്തു​ണ​യും ല​ഹ​രി​മാ​ഫി​യ​യെ സ​ഹാ​യി​ക്കു​ന്ന ക​പ്പ​ലി​ലെ ക​ള്ള​ന്മാ​രെ​യും കു​ടു​ക്കാ​തെ ല​ഹ​രി​മാ​ഫി​യ ഉ​ന്മൂ​ല​നം എ​ളു​പ്പ​മ​ല്ല. പ​ക്ഷേ, ഓ​പ്പ​റേ​ഷ​ൻ തൂ​ഫാ​ൻ തു​ട​ങ്ങി ര​ണ്ടാ​ഴ്ച​കൊ​ണ്ട് മ​റ്റേ​തൊ​രു സം​സ്ഥാ​ന​ത്തെ​യും​കാ​ൾ ച​രി​ത്ര നേ​ട്ട​മു​ണ്ടാ​ക്കാ​നാ​യെ​ങ്കി​ൽ ന​മ്മു​ടെ യു​വാ​ക്ക​ളെ​യെ​ങ്കി​ലും ര​ക്ഷി​ക്കാ​നാ​കും. ഉ​റ​വി​ടം ന​ശി​പ്പി​ക്കാ​നാ​യി​ല്ലെ​ങ്കി​ലും കേ​ര​ള​ത്തി​ലേ​ക്കു​ള്ള ഉ​റ​വ​ക​ൾ വെ​ട്ടി​മൂ​ടാ​നാ​കും.യ​ഥാ​ർ​ഥ​ത്തി​ൽ ആ​ഭ്യ​ന്ത​ര​വ​കു​പ്പി​നു കീ​ഴി​ൽ, ഉ​റ​ങ്ങാ​തി​രി​ക്കു​ന്ന ഒ​രു സാ​യു​ധ​സം​ഘ​ത്തെ ല​ഹ​രി​വേ​ട്ട മാ​ത്രം ചു​മ​ത​ല​യാ​ക്കി നി​ല​നി​ർ​ത്ത​ണം. നമ്മുടെ യുവാക്കളെ രക്ഷിക്കാൻ സർക്കാരിനെ കഴിയൂ .

പ്രൊഫ്.ജോൺ കുരാക്കാർ