ഡോ ,എബ്രഹാം കരിക്കത്തിൻറെ പുതിയ പുസ്തകം"സോങ്സ് ഓഫ് ദി സോൾ" എന്ന കവിതാസമാഹാരം പ്രസിദ്ധീകരിച്ചു

 

ഡോ ,എബ്രഹാം കരിക്കത്തിൻറെ  പുതിയ  പുസ്തകം"സോങ്സ് ഓഫ് ദി സോൾ"  എന്ന കവിതാസമാഹാരം പ്രസിദ്ധീകരിച്ചു

മനുഷ്യസ്നേഹത്തിന്റെയും   കാരുണ്യത്തിന്റെയും  ആൾരൂപവും  നിശ്ചയദാർഢ്യത്തിന്റെ പ്രതിരൂപവുമാണ്  ഡോ  എബ്രഹാം കരിക്കം , സൗന്ദര്യഭാവങ്ങളും കാല്പനികതയും  ആർദ്രതയും  സ്വപ്‍ന ദർശനവും നിറഞ്ഞ ഗ്രന്ഥങ്ങളാണ്  അദ്ദേഹം ലോകത്തിനു  സംഭാവന ചെയ്തിരിക്കുന്നത് . വരും കാലങ്ങളിൽ  അദ്ദേഹത്തിന്റെ കൃതികൾ  ഏറെ പഠന വിധേയമാകുമെന്ന കാര്യത്തിൽ സംശയമില്ല .ഇംഗ്ലീഷിലും മലയാളത്തിലുമായി  കവിത, നോവൽ , യാത്രാവിവരണം ,ചെറുകഥ  പഠനം   ചരിത്രം  എന്നീ വിഷയങ്ങളിലായി  20 ഗ്രന്ഥങ്ങൾ  രചിച്ചിട്ടുണ്ട് " അസ്തമിക്കാത്ത വെളിച്ചം " ആണ്  അദ്ദേഹത്തിന്റെ ആദ്യത്തെ കൃതി ,കൂടാതെ   നിരവധി  ജേര്ണലുകൾ , ആനുകാലിക  പ്രസിദ്ധീകരണങ്ങൾ ,മാസികകൾ  തുടങ്ങിയവയിൽ  ഗവേഷണം പ്രബന്ധങ്ങൾ , നൂറുകണക്കിന് ലേഖനങ്ങൾ എന്നിവ പ്രസിദ്ധീകരിച്ചിട്ടുണ്ട് , താരതമ്യ പഠന  വിഭാഗത്തിൽ  ധാരാളം പുസ്തകങ്ങൾ  എഡിറ്റ് ചെയ്തു   .നിരവധി പുസ്തകങ്ങൾക്ക്  അദ്ദേഹം അവതാരിക എഴുതിയിട്ടുണ്ട് , കൂടാതെ  window  of  Knowledge , മാർത്തോമാ   ഡയറക്ടറി  , സഭാ താരക , യുവദീപം  തുടങ്ങി  ധാരാളം  പ്രസിദ്ധീകരങ്ങളുടെ എഡിറ്റർ ആയി പ്രവർത്തിച്ചിട്ടുണ്ട്

 

ഡോ ,എബ്ര ഹാം കരിക്കത്തിൻറെ  പുതിയ  പുസ്തകം   "സോങ്സ് ഓഫ് ദി സോൾ"  എന്ന കവിതാസമാഹാരം ലണ്ടനിലെ ഒളിമ്പിയ പബ്ലിഷേഴ്‌സ് പുറത്തിറക്കിയ കാര്യം നിങ്ങളെ സന്തോഷപൂർവം  അറിയിക്കട്ടെ .

108 ഉപനിഷത്തുകളെ അടിസ്ഥാനമാക്കിയുള്ള 108 കവിതകളുടെ ഒരു സമാഹാരമാണിത്.

"രക്ഷാ സങ്കൽപം ഉപനിഷത്തുകളിലും , ബൈബിളിലും , ഖുർആനിലും ", " സൂപ്പർ സോൾസ്   റിവിസിറ്റഡ് " തുടങ്ങിയ  കൃതികളുടെ തുടർച്ചയാണിത് ." ഉഗ്രൻകുന്നിൻറെ  പുരാവൃത്തം " ",മസൂറിയിലെ  ഒരു മഞ്ഞുകാലം " എന്നീ അദ്ദേഹത്തിന്റെ  മലയാളം നോവലുകൾക്ക്  നിരവധി ബഹുമതികളും പുരസ്‌ക്കാരങ്ങളും  ലഭിച്ചിട്ടുണ്ട് . ഡോ  എബ്രഹാം കരിക്കത്തിനു  കേരളകാവ്യ കലാസാഹിതി , കേരള പാലിയേറ്റിവ് കെയർ ഇനിഷ്യേറ്റിവ് , പുസ്തക പ്രേമി സംഘം  എന്നിവയുടെ  ആശംസകൾ  നേരുന്നു.

 

പ്രൊഫ്. ജോൺ കുരാക്കാർ