രാജ്യത്ത് വിദ്വേഷം വളർത്തുന്നവരെ തടയണമെന്ന് മോദിയോട് ആമിർ ഖാൻ..

രാജ്യത്ത് വിദ്വേഷം വളർത്തുന്നവരെ തടയണമെന്ന് മോദിയോട് ആമിർ ഖാൻ.

..
സഹിഷ്ണുത നിറഞ്ഞ രാജ്യമാണ് ഇന്ത്യയെന്നും എന്നാൽ വിദ്വേഷം വളർത്തുന്നവരും ഇവിടെയുണ്ടെന്ന് ബോളിവുഡ് നടൻ ആമിർ ഖാൻ. ഇന്ത്യയെ വിഭജിക്കണമെന്നതിനെക്കുറിച്ച് സംസാരിക്കുന്നവർ എല്ലാ മത വിഭാഗങ്ങളിലുമുണ്ട്. നരേന്ദ്ര മോദിക്ക് മാത്രമേ അവരെ തടയാൻ സാധിക്കൂ. മോദി നമ്മുടെ പ്രധാനമന്ത്രിയാണ്. നാം അദ്ദേഹത്തോട് ഇതിനെക്കുറിച്ച് പറയണമെന്നും ഒരു സ്വകാര്യ ചാനലിനു നൽകിയ അഭിമുഖത്തിൽ ആമിർ പറഞ്ഞു..

. നിയമം എല്ലാവർക്കും ഒരുപോലെ ബാധകമാണ്. ആരും നിയമത്തിനു മുകളിലല്ല. ദൗർഭാഗ്യകരമെന്നു പറയട്ടെ, വിദ്വേഷം വളർത്തുന്ന ചിലരും ഇവിടെയുണ്ട്. ഒരുപക്ഷേ ഞാൻ തെറ്റുകാരനല്ലായിരിക്കും. എന്നിട്ടും പ്രധാനമന്ത്രി ഉത്കണ്ഠപ്പെടുന്നു. കാരണം സബ്കാ സാത് സബ്കാ വികാസ് (എല്ലാവരുടെയും കൂടെ, എല്ലാവര്‍ക്കും പുരോഗതി) എന്നതാണ് അദ്ദേഹത്തിന്റെ മുദ്രാവാക്യം–ആമിർ പറഞ്ഞു സുരക്ഷിതമില്ലായ്മയും അസഹിഷ്ണുതയും രാജ്യത്ത് വളർന്നുവരുന്നുവെന്നാണ് ഞാൻ മുൻപ് പറഞ്ഞത്. എന്നാൽ എന്റെ വാക്കുകൾ തെറ്റിദ്ധരിക്കപ്പെട്ടു. ഇന്ത്യയിൽ അസഹിഷ്ണുതയുണ്ടെന്നു ‍ഞാൻ ഒരിക്കലും പറഞ്ഞിട്ടില്ല അസഹിഷ്ണുതയുണ്ടെന്നു പറയുന്നതും അസഹിഷ്ണുത വളർന്നുവരുന്നുണ്ടെന്നു പറയുന്നതും രണ്ടും രണ്ടാണെന്നും ആമിർ വ്യക്തമാക്കി സർക്കാർ മാറ്റിയാലും ഇന്ത്യയുടെ ബ്രാൻഡ് അംബാസിഡറായി താൻ തുടരുമെന്നും ആമിർ പറഞ്ഞു. എന്നെ സംബന്ധിച്ചിടത്തോളം എന്റെ മാതൃരാജ്യമാണ് എന്റെ അമ്മ. അതൊരിക്കലും ഒരു ബ്രാൻഡ് അല്ല. എന്റെ മാതൃരാജ്യത്തെ ഒരിക്കലും ഒരു ബ്രാൻഡായി ഞാൻ കണ്ടിട്ടില്ല. മറ്റുള്ളവർക്ക് ഒരുപക്ഷേ അതൊരു അതൊരു ബ്രാൻഡാകും, പക്ഷേ എനിക്ക് അങ്ങനെയല്ല. ഈ ദിവസം വരെ ഇന്ത്യയുടെ ബ്രാൻഡ് അംബാസിഡറാണ് ‍ഞാൻ. സർക്കാർഎന്നെ മാറ്റി നിർത്തിയാലും അത് അങ്ങനെതന്നെ ആയിരിക്കുമെന്നും ആമിർ അഭിപ്രായപ്പെട്ടു

Prof. John Kurakar