RAILWAY BUDGET-2016
സുതാര്യതയും ആധുനിക വത്കരണവും ലക്ഷ്യമാക്കുന്ന ബജറ്റ്
The Union
Railway Budget 2016-17 focused on capacity creation in the rail sector, with an
increased outlay of about Rs. 1.21 lakh crore, and on completion of the ongoing
projects rather than announcing new ones. Extending 2015's measure, passenger
fares remain the same.Mr. Prabhu's announcements included India's first rail
auto hub, boost to e-catering, connectivity to North-East and Wi-Fi in railway
stations. യാത്രാ നിരക്കും ചരക്കുകൂലിയും വര്‍ധിപ്പിക്കാതെ തെരഞ്ഞെടുപ്പ് ലക്ഷ്യമാക്കി റെയില്‍വേ ബജറ്റ്. റെയില്‍വേയുടെ ആധുനിക വത്കരണത്തിനും സുതാര്യതയ്ക്കും പുതിയ പാതകളുടെ നിര്‍മ്മാണത്തിനും വൈദ്യുതീകരണത്തിനും ഊന്നല്‍ നല്‍കുന്ന ബജറ്റില്‍ സ്ത്രീ സുരക്ഷയും മുതിര്‍ന്ന പൗരന്മാരുരോടുള്ള പരിഗണനയും എടുത്തുപറയുന്നു. ശുചിത്വവും റിസര്‍വ് ചെയ്യാന്‍ പറ്റാത്തവര്‍ക്ക് യാത്രയ്ക്ക് അവസരം ഒരുക്കുന്ന പുതിയ പദ്ധതിയും വഴി ബജറ്റ് കൂടുതല്‍ ജനകീയമാക്കാന്‍ കേന്ദ്ര റെയില്‍വേ മന്ത്രി സുരേഷ് പ്രഭു ശ്രദ്ധിച്ചിട്ടുണ്ട്.
നിലവിലെ വരുമാന മാര്‍ഗങ്ങള്‍ പ്രയോജനപ്പെടുത്തും. പുതിയ വരുമാന മാര്‍ഗങ്ങള്‍ കണ്ടെത്തും. പരസ്യ മാര്‍ഗത്തിലൂടെ വരുമാനം വര്‍ധിപ്പിക്കും. യാത്രക്കാരുടെ സൗകര്യങ്ങള്‍ക്ക് ഊന്നല്‍ നല്‍കും. 2020ഓടെ ആളില്ലാത്ത റെയില്‍വേ ക്രോസുകള്‍ പൂര്‍ണ്ണമായും ഒഴിവാക്കും. ഈ വര്‍ഷം 1600 കിലോമീറ്റര്‍ വൈദ്യുതി വത്കരണം. അടുത്ത വര്‍ഷം 2,000 കിലോമീറ്റര്‍ വൈദ്യുതിവത്കരണം. 2,800 കിലോമീറ്റര്‍ പുതിയ പാത. നിലവില്‍ 1.21 ലക്ഷം കോടി രുപയുടെ മൂലധന നിക്ഷേപമുണ്ട്. 1,84,820 കോടിയായി വരുമാനം ഉയര്‍ത്താന്‍ കഴിയുമെന്ന് പ്രതീക്ഷിക്കുന്നു. 2500 കിലോമീറ്റര്‍ ബ്രോഡ്‌ഗേജ് ലൈനുകള്‍ കമ്മിഷന്‍ ചെയ്യാന്‍ ലക്ഷ്യമിടുന്നു. പ്രതിദിനം ശരാശരി 4.3 കിലോമീറ്ററിനു പകരം ഇനി മുതല്‍ ഏഴു കിലോമീറ്റര്‍ ബ്രോഡ്‌ഗേജ് നിര്‍മ്മാണമാണ് ലക്ഷ്യമിടുന്നത്. പദ്ധതികള്‍ക്ക് ഫണ്ട് കണ്ടെത്തുന്നതിനു നൂതന മാര്‍ഗങ്ങള്‍ സ്വീകരിക്കും. 1.5 ലക്ഷം കോടി നിക്ഷേപിക്കാമെന്ന് എല്‍.ഐ.സി ഉറപ്പുനല്‍കിയിട്ടുണ്ട്.
മേക്ക് ഇന്‍ ഇന്ത്യ പദ്ധതിയില്‍ ഉള്‍പ്പെടുത്തി രണ്ട് എഞ്ചിന്‍ ഫാക്ടറികള്‍ സ്ഥാപിക്കും. 2017-18 വര്‍ഷത്തില്‍ റെയില്‍വേ ഒമ്പത് കോടി തൊഴില്‍ ദിനങ്ങള്‍ സൃഷ്ടിക്കും. 2018-19 വര്‍ഷത്തില്‍ 14 കോടിയാക്കും. സ്വച്ഛ് ഭാരത് പദ്ധതിയിലൂടെ 17,000 ബയോ ടോയ്‌ലറ്റുകള്‍. സംസ്ഥാനങ്ങളുമായി ചേര്‍ന്ന് പുതിയ 44 പദ്ധതികള്‍. ചരക്കുനീക്കത്തിന് തുറമുഖങ്ങളുമായി ബന്ധിപ്പിച്ച് പാതകള്‍. വടക്കു- കിഴക്കന്‍ മേഖലകളെ ബന്ധിപ്പിച്ച് പാതകള്‍. മിസോറാമും മണിപ്പൂരും ബ്രോഡ്‌ഗേജില്‍ കൊണ്ടുവരും. തെക്കു- വടക്ക്, കിഴക്ക്- പടിഞ്ഞാറ് മേഖലകളെ ബന്ധിപ്പിക്കുന്ന ഇടനാഴികള്‍ പരിഗണനയില്‍. അടുത്ത വര്‍ഷം 100ഉം തുടര്‍ന്ന് 400ഉം സ്‌റ്റേഷനുകളില്‍ വൈഫൈ സൗകര്യം. നൂറു ശതമാനം സുതാര്യത ഉറപ്പാക്കുകയാണ് ലക്ഷ്യമെന്നും ബജറ്റില്‍ പറയുന്നു.
റെയില്‍വേ സേവനങ്ങള്‍ മെച്ചപ്പെടുത്താന്‍ കൂടുതല്‍ നിര്‍ദേശം. മുതിര്‍ന്ന പൗരന്മാര്‍ക്ക് ലോവര്‍ ബര്‍ത്ത് സൗകര്യം 50% മെച്ചപ്പെടുത്തും. മുതിര്‍ന്ന പൗരന്മാര്‍ക്ക് എസ്‌കലേറ്റര്‍, ലിഫ്ട് സൗകര്യം. മുതിര്‍ന്ന പൗരന്മാര്‍ക്ക് ഒരു സഹായിയെ കൂടെ കൂട്ടാന്‍ സൗകര്യം. സ്ത്രീകളുടെ കമ്പാര്‍ട്ട്‌മെന്റ് ട്രെയിന്റെ മധ്യഭാഗത്ത് ആക്കും. 25,000 കുടിവെള്ള പ്ലാന്റുകള്‍ സ്ഥാപിക്കും. റിവസര്‍വ് ചെയ്യുന്ന വിഭാഗങ്ങളില്‍ വനിതകള്‍ക്ക് 33% സബ് ക്വാട്ട. റെയില്‍വേയുടെ ആധുനിക വത്കരണത്തിന് 8.5 കോടി ചെലവഴിക്കും. 24/7 മണിക്കൂറും പ്രവര്‍ത്തിക്കുന്ന ഹെല്‍പ്പ്‌ലൈനുകള്‍. കോച്ചിനുള്ളില്‍ ജി.പി.ആര്‍.എസ് സൗകര്യം.
റിസര്‍വ് ചെയ്യാത്ത യാത്രക്കാര്‍ക്ക് വേണ്ടി ദീര്‍ഘദൂര ട്രെയിനുകളില്‍ പ്രത്യേകം കോച്ചുകള്‍. വഡോദരയില്‍ റെയില്‍വേ സര്‍വകലാശാല. 400 സ്‌റ്റേഷനുകളില്‍ പി.പി.പി മോഡല്‍ വികസനം. തീര്‍ത്ഥാടന കേന്ദ്രങ്ങളെ ബന്ധിപ്പിച്ച് ട്രെയിന്‍ സര്‍വീസുകള്‍. സ്‌റ്റേഷനുകളില്‍ പുതിയ 20,000 ഡിസ്‌പ്ലേ പാനലുകള്‍. എല്ലാ തത്ക്കാല്‍ കൗണ്ടറുകളിലും സിസിടിവി സൗകര്യം. ട്രെയിനുകളില്‍ എഫ്.എം റേഡിയോ സൗകര്യം. ട്രെയിനുകളില്‍ മൊബൈല്‍ ചാര്‍ജിംഗ് സൗകര്യം. എല്ലാ നോണ്‍ എ.സികളിലും ചവറ്റുവീപ്പകള്‍.
അണ്‍ റിസേര്‍വ്ഡ് കോച്ചുകളുള്ള അന്ത്യോദയ എക്‌സ്പ്രസുകള്‍. സാധാരണ കോച്ചുകളുള്ള ഈ ട്രെയിന്‍ തിരക്കേറിയ റൂട്ടുകളിലായിരിക്കും.
റെയില്‍വേ ലോക നിലവാരത്തിലേക്ക് ഉയര്‍ത്താന്‍ തേജസ് പദ്ധതി.
തിരുവനന്തപുരത്ത് സബര്‍ബന്‍ ലൈന്‍. ശബരിമല തീര്‍ത്ഥാടകര്‍ക്ക് കൂടുതല്‍ സൗകര്യങ്ങള്‍. ചെങ്ങന്നൂര്‍ തീര്‍ത്ഥാടക സ്‌റ്റേഷന്‍ ആയി നവീകരിക്കും. തിരുവനന്തപുരം-ഡല്‍ഹി യാത്ര സമയം എട്ടു മണിക്കൂര്‍ കുറയ്ക്കാന്‍ നടപടി
തിരുവനന്തപുരത്ത് സബര്‍ബന്‍ ലൈന്‍. ശബരിമല തീര്‍ത്ഥാടകര്‍ക്ക് കൂടുതല്‍ സൗകര്യങ്ങള്‍. ചെങ്ങന്നൂര്‍ തീര്‍ത്ഥാടക സ്‌റ്റേഷന്‍ ആയി നവീകരിക്കും. തിരുവനന്തപുരം-ഡല്‍ഹി യാത്ര സമയം എട്ടു മണിക്കൂര്‍ കുറയ്ക്കാന്‍ നടപടി
139 എന്ന നമ്പര്‍ വഴി ടിക്കറ്റ് റദ്ദാക്കാന്‍ സൗകര്യം. കൂടുതല്‍ സൗകര്യങ്ങളുമായി ഹംസഫര്‍, തേജസ്, ഉദയ് എക്‌സ്പ്രസുകള്‍. തിരക്കേറിയ റൂട്ടുകളില്‍ ഡബിള്‍ ഡക്കര്‍ ട്രെയിനുകള്‍. ഐആര്‍സിടിസി ഭക്ഷണ വിതരണം കൂടുതല്‍ സ്‌റ്റേഷനുകളിലേക്കും. കുട്ടികള്‍ക്കുള്ള ഭക്ഷണം ലഭ്യമാക്കും. റിസര്‍വ് ചെയ്യാത്തവര്‍ക്ക് 2 മുതല്‍ 4 വരെ ദീന്‍ദയാലു കോച്ചുകള്‍. മുംബൈ ലോക്കല്‍ പാതയില്‍ രണ്ട് പുതിയ എലവേറ്ററുകള്‍.
മുംബൈ സബര്‍ബന്‍ പരിഷ്‌കരണം. ചെന്നൈയില്‍ ആദ്യത്തെ ഓട്ടോ ഹബ് നിര്‍മ്മിക്കും. പോര്‍ട്ടര്‍മാരെ കൂലി എന്നു വിളിക്കുന്നതിനു പകരം 'സഹായക്' എന്നായിരിക്കും ഇനി വിളിക്കുക. ഇവര്‍ക്ക് സോഫ്ട് സ്‌കില്‍ പരിശീലനവും ഗ്രൂപ്പ് ഇന്‍ഷുറന്‍സും പുതിയ യൂണിഫോമും ഏര്‍പ്പെടുത്തും.
സ്‌റ്റേഷനുകളിലെ ചുവരുകളില്‍ ചുവര്‍ച്ചിത്രങ്ങള്‍ ആലേഖനം ചെയ്യും. സംസ്ഥാന സര്‍ക്കാരുകളുമായി ചേര്‍ന്നാണ് പദ്ധതികള്‍ നടപ്പാക്കാന്‍ കഴിയൂ. 17 സംസ്ഥാനങ്ങളുമായി കണ്‍സെന്റായി. ആറു സംസ്ഥാനങ്ങളുമായി എം.ഒ.യു ഒപ്പുവച്ചു.
ലോകത്തെ ആദ്യ ബയോ വാക്വം ടോയ്‌ലറ്റ് ഇന്ത്യന്‍ റെയില്‍വേയില്‍. ബിബ്രുഘട്ട് രാജധാനി എക്‌സ്പ്രസില്‍ ആയിരിക്കും പദ്ധതി നടപ്പാക്കുക. എല്ലാ സ്‌റ്റേഷനുകളിലും സിസിടിവി നിരീക്ഷണം. എസ്.എം.എസ് വഴി യാത്രക്കാര്‍ ആവശ്യപ്പെട്ടാലുടന്‍ ടോയ്‌ലറ്റുകള്‍ വൃത്തിയാക്കാന്‍ സംവിധാനം.
ടിക്കറ്റുകളില്‍ ബാര്‍ കോഡ് ഏര്‍പ്പെടുത്തും. 1780 ഓട്ടോമാറ്റിക് ടിക്കറ്റ് വെന്‍ഡിംഗ് മെഷീനുകള്‍. ഭക്ഷണത്തില്‍ പ്രദേശിക വിഭവങ്ങള്‍ ഉള്‍പ്പെടുത്തും. ഓരോ സ്‌റ്റേഷനിലും അംഗപരിമിതര്‍ക്കായി പ്രത്യേകം ഓരോ ടോയ്‌ലറ്റുകള്‍ ഈ സാമ്പത്തിക വര്‍ഷം തന്നെ. യാത്രക്കാര്‍ ആവശ്യപ്പെട്ടാല്‍ ഇന്‍ഷുറന്‍സ് പരിരക്ഷ ലഭ്യമാക്കും.
തീര്‍ത്ഥാടക കേന്ദ്രങ്ങളെ ഉള്‍പ്പെടുത്തി സ്‌റ്റേഷനകളുടെ നവീകരണം. ഇതുപ്രകാരം അജ്മീര്‍, അമൃത്സര്‍, ബിഹാര്‍ ഷെരീഫ്, ചെങ്ങന്നൂര്‍, ദ്വാരക, ഗയ, ഹരിദ്വാര്‍, അഥുര, തിരുപ്പതി, വാരണാസി സ്‌റ്റേഷനുകള്‍ നവീകരിക്കും. തീര്‍ത്ഥാടക കേന്ദ്രങ്ങളെ ബന്ധിപ്പിച്ച് ആഷാ സര്‍ക്യൂട്ടുകള്‍.
പുതിയ സബര്‍ബന്‍ സെക്ഷനുകള്‍. ഗുജറാത്ത്, തെലങ്കാന, തമിഴ്‌നാട് എന്നീ സംസ്ഥാനങ്ങളിലെ അഹമ്മദാബാദ്, ഹൈദരാബാദ്, ചെന്നൈ സബര്‍ബര്‍ മേഖലകള്‍.യാത്രക്കാരുമായി സൗഹൃദപരമായ പദ്ധതികള്‍. തൊഴിലവസരങ്ങള്‍ വര്‍ദ്ധിപ്പിക്കുകയാണ് പ്രധാന ലക്ഷ്യം. ട്രെയിനുകളുടെ കൂട്ടിയിടി ഒഴിവാക്കാന്‍ ഉന്നതമായ ട്രാഫിക് നെറ്റ്‌വര്‍ക്ക് സംവിധാനം. റെയില്‍വേയുടെ കഴിവുകേടും ദുര്‍ച്ചെലവും കണ്ടെത്താന്‍ പ്രത്യേക സംഘം രൂപീകരിക്കും. നിരക്ക് വര്‍ധനവ് ഇല്ലെങ്കിലും താരിഫ് പോളിസികള്‍ പുനഃപരിശോധിക്കും.
റെയില്‍വേ ബോര്‍ഡ് പുനഃസംഘടിപ്പിക്കും. റെയില്‍വേ ബോര്‍ഡ് ചെയര്‍മാന് കൂടുതല്‍ അധികാരം നല്‍കും. എല്ലാ റിസര്‍വ് ട്രെയിനുകളിലും റെയില്‍വേ മാസിക ലഭ്യമാക്കും. അഞ്ചു വര്‍ഷത്തിനുള്ളില്‍ 1000 മെഗാവാട്ട് സോളാര്‍ ശേഷിയുള്ള പദ്ധതി കമ്മീഷന്‍ ചെയ്യും. ഈ കാറ്ററിംഗ് സൗകര്യങ്ങള്‍ നിലവിലെ 40ല്‍ നിന്ന് 400 സ്‌റ്റേഷനുകളിലേക്ക് ഉയര്‍ത്തും. വെയ്റ്റ് ലിസ്റ്റിലുള്ള യാത്രക്കാര്‍ക്കായി വികല്പ് ടെട്രെയിനുകള്‍. റെയില്‍വേ ആശുപത്രികളും സര്‍ക്കാര്‍ ആശുപത്രികളും തമ്മില്‍ ബന്ധിപ്പിക്കുന്നതിന് ആരോഗ്യമന്ത്രാലയവുമായി കരാറുണ്ടാക്കും. എന്‍ജീനീയറിംഗ്, എം.ബി കോഴ്‌സുകളിലെ 100 വിദ്യാര്‍ത്ഥികള്‍ക്ക് രണ്ടു മാസം ഇന്റേണ്‍ഷിപ്പ് നല്‍കും.
സാധാരണക്കാര്‍ക്കു വേണ്ടിയുള്ള ബജറ്റാണിതെന്ന് തുടക്കത്തില്‍ തന്നെ സുരേഷ് പ്രഭു വ്യക്തമാക്കിയിരുന്നു. ജനങ്ങളുടെ പ്രതീക്ഷ പ്രതിഫലിപ്പിക്കുന്ന ബജറ്റായിരിക്കും. ദേശീല തലത്തില്‍ തൊഴില്‍ അവസരങ്ങളും സാമ്പത്തിക വളര്‍ച്ചയും കൊണ്ടുവരികയാണ് ലക്ഷ്യമെന്നും മന്ത്രി വ്യക്തമാക്കി. ബജറ്റ് റെയില്‍വേയുടെ രൂപാന്തരീകരണത്തിന്റെ മാര്‍ഗരേഖയാണ്. ഇന്ത്യന്‍ റെയില്‍വേ പുനഃസംഘടിപ്പിക്കുകയും പുനരുജ്ജീവിപ്പിക്കുകയും ചെയ്യണം. സുരേഷ് പ്രഭുവിന്റെ രണ്ടാമത്തെ ബജറ്റ് അവതരണമാണിത്.
Prof. John Kurakar
No comments:
Post a Comment