ആര്യങ്കാവില്‍ പുലിയിറങ്ങി വളര്‍ത്തു മൃഗങ്ങളെ ആക്രമിച്ചു

ആര്യങ്കാവില്‍ പുലിയിറങ്ങി 

 വളര്‍ത്തു മൃഗങ്ങളെ ആക്രമിച്ചു 

ആര്യങ്കാവ്  പഞ്ചായത്തില്‍  മെയ്‌  23 നു  പുലിയിറങ്ങി . ചരുപറമ്പില്‍  പ്രസാദിന്‍റെ വീട്ടിലെ  വളര്‍ത്തു  നായയെ  മുറിവേല്‍പ്പിക്കുകയും  പശുവിന്‍റെ വാല്‍ കടിച്ചു മുറിക്കുകയും  ചെയ്തു . നായയുടെ  രോദനം  കേട്ട വീട്ടുകാര്‍  ഉണര്‍ന്നു  പുറത്ത് ഇറങ്ങിയപ്പോള്‍ ദേഹമാസകലം  മുറിവുമായി  നില്‍ക്കുന്ന  നായയെയാണ്  കണ്ടത് . വളര്‍ത്തു നായയുടെ  സമീപത്ത്  നില്‍ക്കുന്ന പുലിയെ  കണ്ട്‌ പെട്ടെന്ന് വീട്ടിലേക്ക്‌  കയറിയതിനാല്‍  കഷ്ടിച്ചു  രക്ഷപെട്ടു . പുലിയെ പേടിച്ചു  നാട്ടുകാര്‍  പുറത്തിറങ്ങുന്നില്ല . ആര്യങ്കാവ്  വനമേഖലയില്‍  പത്തിലധികം  പുലികളും  നാല് കടുവകളും  ഉണ്ടെന്ന് ഗവേഷണ  വിദ്യാര്‍ത്ഥികള്‍ പറയുന്നു . സര്‍ക്കാരിന്റെയും ഫോറസ്റ്റ്  വകുപ്പിന്‍റെയും അടിയന്തര  ശ്രദ്ധ  ഇക്കാര്യത്തില്‍  ഉണ്ടാകണം .

പ്രൊഫ്. ജോണ്‍ കുരക്കാര്‍