യുവാവിന്റെ പ്രാന്തിൽ പൊലിഞ്ഞത് മൂന്ന് മനുഷ്യജീവനുകളാണ്.

എന്റെ മക്കൾ കാർപ്രാന്തന്മാരാണെന്ന് അഭിമാനത്തോടെ പറയുന്ന ഉമ്മ... ആ പ്രാന്തിൽ പൊലിഞ്ഞത് മൂന്ന് മനുഷ്യജീവനുകളാണ്."

മൂന്ന് ബാറുകളിൽ മാറിമാറി കയറി മദ്യപിച്ച്, 200 കിലോമീറ്റർ വേഗതയിൽ മിനി കൂപ്പർ ഓടിച്ച് മൂന്ന് യുവാക്കളുടെ മരണത്തിന് കാരണക്കാരനായ ഇഹ ഡിസൈൻ ഓണറുടെ മകൻ, നാട്ടുകാരോട് ചോദിച്ചത് ഇതാണ്:

"എന്റെ പപ്പാക്ക് പൈസയുണ്ട്, ബാപ്പ നോക്കിക്കോളും!"

അവൻ പറഞ്ഞത് സത്യമാണ്; പണമുണ്ടെങ്കിൽ കോടതിയേവരെ വിലയ്ക്കുവാങ്ങാമല്ലോ! അശ്രദ്ധയുടെയും ധാർഷ്ട്യത്തിന്റെയും പേരിൽ പൊലിഞ്ഞുപോയത് മൂന്ന് നിരപരാധികളുടെ ജീവനാണ്. അത്രയും വലിയൊരു ദാരുണമായ അപകടത്തിനുശേഷവും യാതൊരു കുറ്റബോധവുമില്ലാതെ, അധികാരത്തിന്റെ അഹങ്കാരത്തിൽ "ബാപ്പ നോക്കിക്കോളും" എന്ന് പറയാൻ തോന്നുന്ന ഈ മനോഭാവം എത്രമാത്രം ഭയാനകമാണ്! പണത്തിന്റെയും സ്വാധീനത്തിന്റെയും ബലത്തിൽ ജീവനെയും നിയമത്തെയും വിലകെട്ടു കാണുന്ന ഈ പ്രവണത സമൂഹം ഗൗരവമായി ചോദ്യം ചെയ്യേണ്ടതുണ്ട്.

തൃക്കാക്കരയിലെ ആന്റീക് ഷോപ്പ് ജീവനക്കാരായ ഇജാസ്, ഗോപിക, ദേവിക എന്നിവരാണ് ആ കുറ്റവാളിയുടെ അതിവേഗ കാറിന് മുന്നിൽ പൊലിഞ്ഞുപോയത്. എയർപോർട്ട് റോഡിലെ കടയിൽ നിന്ന് ചായ കുടിച്ച് മടങ്ങുകയായിരുന്ന ആ മൂന്ന് പേരുടെ ജീവന് പണമുണ്ടെങ്കിൽ വിലയില്ലെന്നാണോ?

മദ്യലഹരിയിൽ മിനി കൂപ്പർ ഓടിച്ച് മൂന്ന് ജീവനെടുത്ത പ്രതി സുഹൈൽ സജീവിനും, ഈ അഹങ്കാരത്തിന് കൂട്ടുനിൽക്കുന്ന വ്യവസ്ഥിതിക്കും എതിരെ കടുത്ത നിയമനടപടികൾ തന്നെ ഉണ്ടായേതീരൂ. പണത്തിന്റെ തിളപ്പിൽ ഇത്തരം ക്രൂരതകൾ കാണിക്കുന്നവർക്ക് നിയമം ശക്തമായ മറുപടി നൽകണം.

പ്രിയപ്പെട്ടവർ നഷ്ടപ്പെട്ട ആ കുടുംബങ്ങളുടെ വേദനക്കൊപ്പം നമുക്ക് നിൽക്കാം. ഇനിയൊരുവനും ഇത്തരത്തിൽ സംസാരിക്കാൻ ധൈര്യപ്പെടാത്ത തരത്തിലുള്ള ശിക്ഷ ഈ പ്രതിക്ക് ലഭിക്കട്ടെ. 

ആദാരാഞ്ജലികൾ