രാജ്യത്തിന്റെ ബഹുസ്വരതയെ എതിർക്കുന്നവർ ആപത്ത് ക്ഷണിച്ചു വരുത്തുന്നു

 

രാജ്യത്തിന്റെ ബഹുസ്വരതയെ എതിർക്കുന്നവർ  ആപത്ത് ക്ഷണിച്ചു വരുത്തുന്നു

രാജ്യത്ത്   ഒരു ഇരട്ടത്താപ്പു നയംമാണ്  നടക്കുന്നത് . കഴിഞ്ഞവർഷം കേക്കുമായി പോയവർ ഇപ്പോൾ ക്രിസ്മസ് ആഘോഷങ്ങളെ ആക്രമിക്കുന്നു.  നിരോധിക്കുന്നു . ലോകത്തിനാകെ വെളിച്ചംപകരുന്ന സന്ദേശത്തിന്റെ പ്രഭകെടുത്തും വിധം ക്രിസ്മസ് ആഘോഷങ്ങളെപ്പോലും കടന്നാക്രമിക്കുന്ന അവസ്ഥ അസ്വസ്ഥപ്പെടുത്തുന്നതാണ് .മധ്യപ്രദേശ്, ഉത്തർപ്രദേശ്, ജാർഖണ്ഡ്, കർണാടക, ചത്തീസ്​ഗഢ് മുതലായ സംസ്ഥാനങ്ങളിൽ ഇത്തരം ആക്രമണങ്ങൾ നടക്കുന്നതിന്റെ വാർത്തകൾ പുറത്തുവരികയാണ്. സംഘപരിവാർ ശക്തികളാണ് എല്ലാ ആക്രമങ്ങൾക്കും പിന്നിലെന്നു മനസിലാകും

ഉത്തർപ്രദേശ് സർക്കാർ ക്രിസ്മസ് അവധി തന്നെ റദ്ദാക്കി. ഈ ദിവസം വിദ്യാർഥികളുടെ ഹാജർ നിർബന്ധമാക്കി. ഇതിൽനിന്നെല്ലാം കേരളം വിട്ടുനിൽക്കും എന്നാണ് എല്ലാവരുടെയും ബോധ്യം. എന്നാൽ ആ ബോധ്യത്തെ ഇല്ലാതാക്കാനുള്ള ശ്രമങ്ങൾ നടക്കുന്നു. സംസ്ഥാനത്തെ തപാൽ ഓഫീസുകളിൽ ക്രിസ്മസ് ആഘോഷപരിപാടിയിൽ ​ആർഎസ്എസിന്റെ ​ഗണ​ഗീതം ആലപിക്കണമെന്ന് ബിഎംഎസ് യൂണിയൻ ആവശ്യപ്പെട്ടു. ഇതിനെതിരെ പ്രതിഷേധം ഉയർന്നതോടെ ജീവനക്കാരുടെ കൂട്ടായ്മകൾ ഓഫീസുകളിൽ നടത്താനിരുന്ന ക്രിസ്മസ് ആഘോഷം തന്നെ റദ്ദാക്കാൻ ചീഫ് പോസ്റ്റ് മാസ്റ്റർ ജനറൽ തീരുമാനിച്ചു. പാലക്കാട് പുതുശേരിയിൽ കുട്ടികൾ അടങ്ങുന്ന കരോൾ സംഘത്തിനുനേരെ സംഘപരിവാർ ആക്രമണം ഉണ്ടായി. ഈ അക്രമിസംഘത്തെ ന്യായീകരിച്ചാണ് ബിജെപി നേതാക്കൾ രം​ഗത്തുവന്നത്. കരോൾസംഘത്തെ അവഹേളിക്കുകയും ചെയ്തു. അക്രമങ്ങൾ നടത്തിയവർക്കെതിരെ കർശന നടപടി സ്വീകരിച്ചിട്ടുണ്ട്. ചില സ്വകാര്യ സ്കൂളുകളിൽ ക്രിസ്മസ് ആഘോങ്ങൾ നടത്തുന്നതിനെതിരെ ആർഎസ്എസ് അനുകൂല സംഘടനകൾ ഭീഷണിപ്പെടുത്തുന്നുവെന്നും റിപ്പോർട്ടുളുണ്ട്.

ഇത്തരം സംഭവങ്ങൾക്കെതിരെ അടിയന്തര അന്വേഷണം നടത്താൻ സർക്കാർ ഉത്തരവിട്ടിട്ടുണ്ട്. ആഘോഷങ്ങൾ നടത്തുന്നവർക്കെതിരെയും, മതപരമായ വിവേചനംകാട്ടുന്ന സ്കൂളുകൾക്കെതിരെയും കർശന നടപടി ഉണ്ടാകും. കേരളത്തിൽ ഇത്തരം ശക്തികൾ തലപൊക്കുന്നു എന്നത് ​ഗൗരവതരമാണ്. ഭരണഘടന അനുവദിച്ചു നൽകുന്ന മൗലികാവകാശങ്ങൾക്കെതിരായ ഒരു കടന്നുകയറ്റത്തെയും അം​ഗീകരിക്കില്ല.

രാജ്യത്തിന്റെ ബഹുസ്വരതയെ എതിർക്കുന്നവരാണ് വിപ്രതിപത്തിവെച്ചുപുലർത്തുന്ന സംഘവരിവാർ. കഴിഞ്ഞവർഷം ഇതേസമയത്ത് കേക്കും കൊണ്ട് ക്രൈസ്തവ ഭവനങ്ങളിലും ആരാധനാലയങ്ങളിലും സന്ദർശനം നടത്തിയവരാണ് ഇപ്പോൾ ക്രിസ്മസ് കരോൾ സംഘത്തെ ആക്രമിച്ചത്. 2025 ഏപ്രിൽ നാലിന് ആർഎസ്എസ് മുഖപത്രമായ ഓർ​ഗനൈസറിൽ ക്രിസ്ത്യൻ സ്ഥാപനങ്ങളുടെ സ്വത്തിനെക്കുറിച്ച് ലേഖനം പ്രത്യക്ഷപ്പെട്ടതും ആർഎസ്എസിന്റെ ഉള്ളിലിരുപ്പ് കാട്ടിത്തന്നു. അപരമത വിദ്വേഷം പരത്തി മതനിരപേക്ഷതയെ കളങ്കപ്പെടുത്തുന്ന സംഘപരിവാർ ശ്രമങ്ങളെ നാട് ഒരുതരത്തിലും അം​ഗീകരിക്കില്ലെന്നും മുഖ്യമന്ത്രി പറഞ്ഞു.കുട്ടികൾ അടങ്ങുന്ന കരോള്‍ സംഘത്തെ ആക്രമിച്ച സംഭവത്തില്‍ ബി.ജെ.പി-ആര്‍.എസ്.എസ് പ്രവര്‍ത്തകനെ പൊലീസ് അറസ്റ്റ് ചെയ്തു. പുതുശ്ശേരി കാളാണ്ടിത്തറ സ്വദേശി അശ്വിൻ രാജിനെയാണ് പാലക്കാട് കസബ പൊലീസ് അറസ്റ്റ് ചെയ്തത്. ഇയാളെ ഉടൻ കോടതിയിൽ ഹാജരാക്കും.

ഇന്നലെ രാത്രിയാണ് പുതുശ്ശേരി സുരഭിനഗര്‍ എന്ന സ്ഥലത്തെത്തിയപ്പോഴായിരുന്നു പ്രതിയും മറ്റുരണ്ടുപേരും ചേർന്ന് കരോൾ സംഘത്തെ ആക്രമിച്ചത്. കരോളിന് ഉപയോഗിച്ച ഡ്രമ്മില്‍ സിപിഎം എന്നെഴുതിയത് ചോദ്യം ചെയ്തായിരുന്നു ആക്രമണം. സംഘത്തിന്റെ ബാൻഡ് സെറ്റും സാമഗ്രികളും നശിപ്പിച്ചിട്ടുണ്ട്. സംഭവത്തിനു പിന്നിൽ ആർഎസ്എസ്- ബിജെപി പ്രവർത്തകരാണെന്ന് ആരോപിച്ച് കരോൾ സംഘം കസബ പൊലീസിൽ പരാതി നൽകി. കേസെടുത്ത പൊലീസ് സംഭവസ്ഥലം രാത്രി തന്നെ സന്ദർശിച്ചു.

പാ​തി​രാ​ക്കു​ർ​ബാ​ന ക​ഴി​ഞ്ഞു. എ​ത്ര നാ​ളു​ക​ൾ​ക്കു​ശേ​ഷ​മാ​ണ് ഇ​ത്ര മ​ഞ്ഞു​പൊ​ഴി​യു​ന്ന ക്രി​സ്മ​സ് രാ​ത്രി​യി​ലൂ​ടെ നാം ​ന​ട​ന്ന​ത്! സ്വ​ർ​ഗം സ​ക​ല​ജ​ന​ത്തോ​ടും സ​മാ​ധാ​നം ആ​ശം​സി​ച്ച​തി​ന്‍റെ, ഒ​രു ക​ന്നു​കാ​ലി​പ്പു​ര കൊ​ട്ടാ​ര​ങ്ങ​ളെ ഭ​യ​പ്പെ​ടു​ത്തി​യ​തി​ന്‍റെ, ദ​രി​ദ്ര​നും ദ​ളി​ത​നും ആ​ദി​വാ​സി​ക്കും സ​ത്രം നി​ഷേ​ധി​ക്ക​പ്പെ​ടു​മെ​ന്നു മു​ന്ന​റി​യി​പ്പു ന​ൽ​ക​പ്പെ​ട്ട​തി​ന്‍റെ, എ​വി​ടെ​യാ​ണ് പി​റ​വി​യെ​ന്ന് ക​ണ്ടു​പി​ടി​ക്കാ​നും ന​ശി​പ്പി​ക്കാ​നും ഭ​ര​ണ​കൂ​ട​ങ്ങ​ൾ അ​തി​ന്‍റെ സം​ഘ​ങ്ങ​ളെ​യും പ​രി​വാ​ര​ങ്ങ​ളെ​യും അ​യ​ച്ച​തി​ന്‍റെ​യൊ​ക്കെ ഓ​ർ​മ​കൂ​ടി​യാ​ണ് ഇ​ന്ന്.അ​വ​യൊ​ക്കെ ആ​വ​ർ​ത്തി​ക്കു​ന്പോ​ഴും, ജ്ഞാ​നി​ക​ളാ​യ രാ​ജാ​ക്ക​ന്മാ​രും നി​ഷ്ക​ള​ങ്ക​രാ​യ ആ​ട്ടി​ട​യ​രും ഉ​ൾ​പ്പെ​ടെ കോ​ടാ​നു​കോ​ടി മ​നു​ഷ്യ​ർ ര​ക്ഷ​ക​നെ കാ​ണാ​ൻ മ​ണ്ണി​ലെ പു​ൽ​ക്കൂ​ടും വി​ണ്ണി​ലെ ന​ക്ഷ​ത്ര​വും തെ​ര​യു​ന്നു. വേ​ട്ട​യാ​ട​ലു​ക​ളു​ടെ രാ​ത്രി​ക​ളി​ലും അ​ഹിം​സ​യു​ടെ​യും സ്നേ​ഹ​ത്തി​ന്‍റെ​യും വ​ഴി​കാ​ട്ടു​ന്ന ന​ക്ഷ​ത്ര​ത്തെ​മാ​ത്രം പി​ന്തു​ട​രാം. അ​ത്യു​ന്ന​ത​ങ്ങ​ളി​ൽ ദൈ​വ​ത്തി​നു സ്തു​തി, ഭൂ​മി​യി​ൽ സ​ന്മ​ന​സു​ള്ള​വ​ർ​ക്കു സ​മാ​ധാ​നം!

സ​ഹ​സ്രാ​ബ്‌​ദ​ങ്ങ​ളു​ടെ സം​ഘ​ർ​ഷ​യാ​ത്രാ​മ​ധ്യേ മ​നു​ഷ്യ​വം​ശം ദ​ർ​ശി​ച്ച സ​മാ​ധാ​ന​ത്തി​ന്‍റെ വ​ഴി​യാ​യി​രു​ന്നു ക്രി​സ്തു​വി​ന്‍റേ​ത്. വാ​ൾ അ​തി​ന്‍റെ ഉ​റ​യി​ലി​ടാ​നും തി​രി​ച്ച​ടി​ക്കാ​തി​രി​ക്കാ​നും ഉ​ള്ള​വ​ർ ഇ​ല്ലാ​ത്ത​വ​ർ​ക്കു കൊ​ടു​ക്കാ​നും പ​റ​ഞ്ഞു​കൊ​ണ്ട് ന​സ്ര​ത്തി​ലും ഗ​ലീ​ലി​യ ത​ടാ​ക​ക്ക​ര​യി​ലും ജ​റു​സ​ലേ​മി​ലും ന​ട​ന്ന ക്രി​സ്തു മ​നു​ഷ്യ​രു​ടെ ഉ​ള്ളി​ലെ ന​ന്മ​യെ പു​റ​ത്തെ​ടു​ക്കാ​നാ​ണ് ആ​വ​ശ്യ​പ്പെ​ട്ട​ത്. കാ​ൽ​ന​ട​യാ​യും ക​ഴു​ത​പ്പു​റ​ത്തും സ​ഞ്ച​രി​ച്ച ക്രി​സ്തു​വി​നു പി​ന്നാ​ലെ കൂ​ടി​യ​തി​ലേ​റെ​യും അ​ടി​ച്ച​മ​ർ​ത്ത​പ്പെ​ട്ട​വ​രും ദ​രി​ദ്ര​രും മ​ത്സ്യ​ത്തൊ​ഴി​ലാ​ളി​ക​ളും ചു​ങ്ക​ക്കാ​രും പാ​പി​ക​ളും അ​ഭി​സാ​രി​ക​ക​ളു​മാ​യി​രു​ന്നു.

പ​ക്ഷേ, വെ​ള്ള​യ​ടി​ച്ച കു​ഴി​മാ​ട​ങ്ങ​ളും മ​റ്റു​ള്ള​വ​രെ എ​റി​ഞ്ഞു​കൊ​ല്ലാ​ൻ ക​ല്ലു​മാ​യി ന​ട​ക്കു​ന്ന​രും അ​ധി​കാ​ര​ത്തി​നു​വേ​ണ്ടി എ​ന്തും ചെ​യ്യാ​ൻ മ​ടി​ക്കാ​ത്ത അ​ഴി​മ​തി​ക്കാ​രാ​യ ഭ​ര​ണാ​ധി​ക​ളും മ​ത​ത്തെ ക​ച്ച​വ​ട​സ്ഥ​ല​മാ​ക്കി​യ​വ​രും ചൂ​ഷ​ക​രും അ​ഹ​ങ്കാ​രി​ക​ളു​മൊ​ക്കെ ക്രി​സ്തു ന​ട​ത്തി​യ അ​ടി​സ്ഥാ​ന​മാ​റ്റ​ത്തി​നു​ള്ള ആ​ഹ്വാ​നം അ​ഹിം​സ​യി​ലൂ​ന്നി​യ​തെ​ങ്കി​ലും ത​ങ്ങ​ളു​ടെ വേ​ര​റു​ക്കു​ന്ന​താ​ണെ​ന്നു തി​രി​ച്ച​റി​ഞ്ഞു. ആ ​ഭ​യ​മാ​ണ് ക്രി​സ്തു​വി​നെ​യും അ​വ​ന്‍റെ സു​വി​ശേ​ഷ​ത്തെ​യും ഉ​ന്മൂ​ല​നം ചെ​യ്യു​ന്ന​തി​നു​ള്ള മ​ത-​രാ​ഷ്‌​ട്രീ​യ ഗൂ​ഢാ​ലോ​ച​ന​യി​ലേ​ക്കു നീ​ങ്ങി​യ​ത്. ഇ​ന്നും അ​തൊ​ക്കെ ആ​വ​ർ​ത്തി​ക്കു​ന്പോ​ൾ ക്രി​സ്തു​വി​നെ അ​ടു​ത്ത​റി​ഞ്ഞ​വ​ർ​ക്ക് അ​തി​ശ​യ​മി​ല്ല.

അ​ധി​കാ​ര​ത്തി​ന്‍റെ പി​ൻ​ബ​ല​ത്തി​ൽ വെ​റു​പ്പും വി​ദ്വേ​ഷ​വും വ്യാ​പി​പ്പി​ച്ച് ക്രൈ​സ്ത​വ​ർ​ക്കെ​തി​രേ തി​രി​യു​ന്ന​ത് ആ​ഗോ​ള​ത​ല​ത്തി​ൽ ഇ​സ്‌​ലാ​മി​ക തീ​വ്ര​വാ​ദി​ക​ളാ​ണെ​ങ്കി​ൽ ഇ​ന്ത്യ​യി​ൽ ഹി​ന്ദു​ത്വ വ​ർ​ഗീ​യ​വാ​ദി​ക​ളാ​ണ്. സ​മാ​ധാ​ന​സ​ന്ദേ​ശം വി​ളി​ച്ചോ​തു​ന്ന ഒ​രു ക​രോ​ൾ​ഗാ​നം​പോ​ലും സ​ഹി​ക്കാ​ൻ അ​വ​ർ​ക്കാ​കു​ന്നി​ല്ല. സ്നേ​ഹ​സ​മ്മാ​ന​ങ്ങ​ളു​ടെ​യും മ​ധു​ര​ത്തി​ന്‍റെ​യും പ​ങ്കു​വ​യ്ക്ക​ൽ അ​വ​ർ​ക്കു ക​യ്പാ​ണ്.

ക്രി​സ്മ​സി​ന് അ​വ​ധി​ക​ൾ നി​രോ​ധി​ച്ച്, കു​ട്ടി​ക​ളെ​പ്പോ​ലും വെ​റു​പ്പി​ന്‍റെ ഇ​ര​ക​ളാ​ക്കു​ന്ന ബി​ജെ​പി നേ​താ​ക്ക​ൾ മ​തേ​ത​ര ഇ​ന്ത്യ​ക്കു ന​ൽ​കു​ന്ന സ​ന്ദേ​ശം വാ​യി​ക്കാ​ൻ രാ​ജ്യം വൈ​കി​ക്ക​ഴി​ഞ്ഞു. പ്രാ​ർ​ഥ​നാ​മു​റി​ക​ളി​ലെ​ത്തി സ്ത്രീ​ക​ളെ​യും കു​ട്ടി​ക​ളെ​യും അ​ന്ധ​രെ​പ്പോ​ലും ആ​ക്ര​മി​ക്കു​ന്ന​വ​രു​ടെ ഹിം​സാ​ത്മ​ക​ത​യ്ക്കു​മു​ന്നി​ൽ സ​ർ​ക്കാ​രു​ക​ൾ ഓ​ച്ഛാ​നി​ച്ചു​നി​ൽ​ക്കു​ക​യാ​ണ്. ഭ​ര​ണ​കൂ​ട​ങ്ങ​ൾ ഭ​ര​ണ​ഘ​ട​ന​യെ നി​ർ​വീ​ര്യ​മാ​ക്കു​ന്പോ​ൾ നി​യ​മ​വും നീ​തി​പീ​ഠ​ങ്ങ​ളും സ​ഹാ​യി​ക്കാ​നെ​ത്തു​ന്നി​ല്ല.

ത​ങ്ങ​ൾ പ​ണ്ടേ ഇ​വി​ടെ​യു​ണ്ടാ​യി​രു​ന്നെ​ന്നും മ​റ്റു​ള്ള​വ​ർ അ​ങ്ങ​നെ​യ​ല്ലെ​ന്നു​മു​ള്ള വ്യാ​ജ​ച​രി​ത്രം പ​ട​യ്ക്കു​ന്ന​വ​ർ രാ​ജ്യ​ത്തെ വീ​ണ്ടും വി​ഭ​ജി​ക്കു​ക​യാ​ണ്. അ​വ​ർ കേ​ര​ള​ത്തി​ലു​മെ​ത്തി. ക​രോ​ൾ​ഗാ​നം പാ​ടു​ന്ന​വ​രെ ആ​ക്ര​മി​ക്കു​ന്ന മ​ത​ഭ്രാ​ന്ത​രെ ന്യാ​യീ​ക​രി​ക്കാ​നും ആ​ളു​ണ്ട്; അ​ക​ത്തും പു​റ​ത്തും. ക്രി​സ്തു​വും ക്രി​സ്മ​സും ക്രി​സ്ത്യാ​നി​ക​ളു​ടേ​തു മാ​ത്ര​മ​ല്ലെ​ന്ന് പ​ല​രും തി​രി​ച്ച​റി​ഞ്ഞി​ട്ടി​ല്ല. ഇ​തി​നെ​യൊ​ക്കെ ന്യാ​യീ​ക​രി​ക്കു​ന്ന രാ​ഷ്‌​ട്രീ​യ വി​ധേ​യ​ർ ക്രൈ​സ്ത​വ​രി​ലു​മു​ണ്ടെ​ന്ന​തി​ൽ അ​തി​ശ​യോ​ക്തി​യി​ല്ല. ര​ണ്ടാ​യി​രം വ​ർ​ഷ​ങ്ങ​ൾ​ക്കു​മു​ന്പും മ​ത-​രാ​ഷ്‌​ട്രീ​യ ഗൂ​ഢാ​ലോ​ച​ന​ക്കാ​ർ കാ​ര്യ​സാ​ധ്യ​ത്തി​ന് ആ​ളെ തെ​ര​ഞ്ഞ​ത് ക്രി​സ്തു​വി​ന്‍റെ ശി​ഷ്യ​രി​ലാ​യി​രു​ന്നു. ച​രി​ത്രം ആ​വ​ർ​ത്തി​ക്കു​ന്പോ​ഴും ന​ക്ഷ​ത്ര​വ​ഴി​യേ സ​ഞ്ച​രി​ക്കു​ക. സ്നേ​ഹ​ത്തി​ന്‍റെ​യും സ​മാ​ധാ​ന​ത്തി​ന്‍റെ​യും സു​വി​ശേ​ഷം അ​റി​യി​ക്കാ​ൻ പ്ര​തി​ജ്ഞാ​ബ​ദ്ധ​രാ​യി​രി​ക്കു​ക.

“ഭ​യ​പ്പെ​ടേ​ണ്ട, ഇ​താ സ​ക​ല ജ​ന​ത്തി​നും വേ​ണ്ടി​യു​ള്ള വ​ലി​യ സ​ദ്‌​വാ​ർ​ത്ത. നി​ങ്ങ​ൾ​ക്കാ​യി ഒ​രു ര​ക്ഷ​ക​ൻ, ക്രി​സ്തു പി​റ​ന്നി​രി​ക്കു​ന്നു.” ഇ​ന്നു ക്രി​സ്മ​സാ​ണ്; സ​ഹ​സ്രാ​ബ്ദ​ങ്ങ​ൾ​ക്കു​ശേ​ഷ​വും രാ​ഷ്‌​ട്രീ​യ-​മ​ത വേ​ഷം കെ​ട്ടി​യ ത​മോ​ഗ​ർ​ത്ത​ങ്ങ​ൾ​ക്കു വി​ഴു​ങ്ങാ​നാ​കാ​ത്ത ലോ​ക​ത്തി​ന്‍റെ പ്ര​കാ​ശ​ത്തി​ലേ​ക്കു ന​ട​ക്കാം. ഭ​ര​ണ​കേ​ന്ദ്ര​ങ്ങ​ളു​ടെ​യും ന്യാ​യാ​സ​ന​ങ്ങ​ളു​ടെ​യും കൊ​ട്ടാ​ര​ങ്ങ​ളു​ടെ​യും പു​റ​ത്ത്, ര​ണ്ടാം​ത​രം പൗ​ര​ത്വ​ത്തി​ന്‍റെ കാ​ലി​ത്തൊ​ഴു​ത്തി​ൽ പി​റ​ന്ന​വ​നെ സ​ക​ല ജാ​തി​യി​ലും മ​ത​ത്തി​ലു​മു​ള്ള കോ​ടാ​നു​കോ​ടി മ​നു​ഷ്യ​ർ​ക്കും ജീ​വ​ജാ​ല​ങ്ങ​ൾ​ക്കു​മൊ​പ്പം കു​ന്പി​ടാം. വി​ദ്വേ​ഷ​സം​ഘ​ങ്ങ​ളി​ലേ​ക്കും വെ​ളി​ച്ച​മെ​ത്ത​ട്ടെ.എല്ലാവർക്കും  ക്രിസ്തുമസ്  ആശംസകൾ

പ്രൊഫ്. ജോൺ കുരാക്കാർ