കാലത്തിനു പിറകെപോകുന്ന നമ്മുടെ എൻജിനീയറിങ് വിദ്യാഭ്യാസം

കാലത്തിനു പിറകെപോകുന്ന  നമ്മുടെ എൻജിനീയറിങ് വിദ്യാഭ്യാസം

രാജ്യത്തിൻറെ  സർവതോന്മുഖമായ വികസനത്തിന് സാങ്കേതിക വിദ്യാഭ്യാസം അനിവാര്യമാണ് .കേരളത്തിൽ   150  ലധികം എൻജിനീയറിങ് കോളേജുകളുണ്ട് . എല്ലാത്തിലുംകൂടി  ഇവിടെയുള്ള 70,000 സീറ്റുകളിൽ കൂടുതലുണ്ട് .25000 ത്തോളം സീറ്റുകൾ  ഒഴിഞ്ഞുകിടക്കുകയാണ് .ഇത്രയധികം എൻജിനീയർമാർ ഉണ്ടായിട്ടുംതിരുവനന്തപുരത്തെ നിസാൻ ഡിജിറ്റൽ ഹബ്ബിലേക്ക് മികച്ച സോഫ്റ്റ്വെയർ വിദഗ്ധരെ കേരളത്തിൽനിന്നു ലഭിച്ചില്ലെന്ന വാർത്ത എല്ലാവരുടെയും കണ്ണു തുറപ്പിക്കേണ്ടതാണ്. അവർക്ക് ആവശ്യമുള്ളതിന്റെ 20% ആളുകളെ പോലും കേരളത്തിലെ പ്രധാന എൻജിനീയറിങ് കോളജുകളിൽനിന്നു ലഭിച്ചില്ലെന്നാണ്‌ അറിയുന്നത് .

എഞ്ചിനീയറിംഗ് വിദ്യാഭ്യാസം നമ്മുടെ നാട്ടില് രണ്ടു പതിറ്റാണ്ടുമുൻപ്  ഉന്നത വിദ്യാഭ്യാസത്തിന്റെ തിലകക്കുറി ആയി ശോഭിച്ചിരുന്ന ഒരു വിദ്യാഭ്യാസ മേഖലയാണ്. എന്നാല് കഴിഞ്ഞ ഒരു പതിറ്റാണ്ടായി ഈ വിദ്യാഭ്യാസ മേഖല തകർന്നു കൊണ്ടിരിക്കുകയാണ് ..മറ്റു കോഴ്സുകളില് നിന്ന് വ്യത്യസ്തമായി എഞ്ചിനീയറിംഗ് സിലബസില് ഗണിതത്തിനും അതിന്റെ പ്രയോഗികതക്കും കാര്യമായ പങ്കുണ്ട്. സ്കൂളിലെ പഠനരീതികള് ഇതിനെ നേരിടാന് ചിലപ്പോള് പര്യാപ്തമാവുകയില്ല. അതായിരിക്കാം പ്ലസ് ടു വിനു വലിയ മാര്ക്കുവാങ്ങി വരുന്ന ചിലര് എഞ്ചിനീറിങ്ങിനു ദയനീയമായി പരാജയപ്പെടാന് ഒരു കാരണം. പ്രവേശന പരീക്ഷയിൽ കഷ്ടിച്ചു കടന്നുകൂടുന്നവരും മാതാപിതാക്കളുടെ നിർബന്ധത്താൽ എൻജിനീയറിങ് പഠിക്കുന്നവരുമൊക്കെ ഈ രംഗത്ത്  പരാജയപ്പെടുകയാണ് . വിദ്യാർഥിക്ക് ആദ്യം വേണ്ടത് എൻജിനീയറിങ്ങിനോടുള്ള താൽപര്യമാണ്. അതില്ലാത്തവരെ നിർബന്ധിച്ചു പഠിപ്പിക്കരുത് .ക്രിയാത്മക ചിന്തയുമുള്ള യുവ എൻജിനീയർമാരെയാണു നമ്മൾ വാർത്തെടുക്കേണ്ടത്. നമ്മുടെ  വ്യവസായ മേഖലക്ക് കരുത്തുനൽകാൻ തക്കവിധം അവരെ പ്രാപ്‌തരാക്കാൻ  ഇന്നത്തെ വിദ്യഭ്യാസത്തിനു കഴിയുന്നുണ്ടോ ?

നമ്മളിപ്പോഴും പാഠഭാഗങ്ങൾ മനഃപാഠമാക്കി എഴുതുന്ന പഴയ രീതിയിലാണു നിൽക്കുന്നത്. പദ്ധതികൾ ചെയ്തു പഠിക്കുന്ന രീതിയിലേക്കു മാറാൻ സാധിക്കുന്നില്ല. പഠിക്കുന്ന കാര്യം പ്രായോഗികമായി നടപ്പാക്കാൻ സാധിക്കണം. പക്ഷേ, മാറ്റത്തെ അംഗീകരിക്കാൻ കേരളത്തിലെ അധ്യാപക, വിദ്യാർഥിസമൂഹം തയാറല്ല. എൻജിനീയറിങ് രംഗത്തെ പാഠ്യപദ്ധതിയിൽ കുറെ പരിഷ്കാരങ്ങൾ നടപ്പാക്കിയെങ്കിലും കാലത്തിൻറെ വെല്ലുവിളികളെ നേരിടാൻ പ്രാപ്‌തമല്ല

.നമ്മുടെ എൻജിനീയറിങ് കോളജുകളിൽ ക്ലാസ്മുറികൾ മാത്രം ഉണ്ടായിട്ടു കാര്യമില്ല. ഗവേഷണംകൂടി നടക്കണം. പഠിപ്പിക്കുന്നതിനു നിലവാരമുള്ള അധ്യാപകസമൂഹം വേണം. മാറ്റത്തോടു മുഖം തിരിച്ചു നിൽക്കുന്നവരാകരുത് അദ്ധ്യാപകർ .മനുഷ്യന് ഏറ്റവും ഉപകാരപ്രദമായ വിദ്യാഭ്യാസമേഖല തന്നെയാണ് സാങ്കേതിക വിദ്യാഭ്യാസ മേഖല. നാം ഇപ്പോള് അനുഭവിക്കുന്ന എല്ലാ സൗകര്യങ്ങള്ക്കും നാം സാങ്കേതിക വിദ്യകളോടും , സാങ്കേതിക വിദ്യാഭ്യാസത്തോടും കടപ്പെട്ടിരിക്കുന്നുനമ്മുടെ വ്യവസായ മേഖലയ്ക്ക് ആവശ്യമായ  കഴിവും പ്രാവീണ്യവുമുള്ള എൻജിനീയർമാരെവാർത്തെടുക്കാൻ നിർഭാഗ്യവശാൽ നമുക്ക്  സാധിക്കുന്നില്ല.സ്വാശ്രയ കോളജുകൾ വന്നതാണ്നിലവാരം തകരാൻ കാരണമെന്ന് പറയുന്നത് ശരിയല്ല .കേരളത്തിനകത്തും  പുറത്തും  സർക്കാർ കോളേജുകളെ പോലെ ഉന്നതനിലവാരം പുലർത്തുന്ന  ചില സ്ഥാപനങ്ങൾ ഉണ്ട് എന്ന വസ്തുത മറക്കരുത് .

പ്രൊഫ്. ജോൺ കുരാക്കാർ