ഇന്ന് നഴ്സസ് ഡേ : സേവനത്തിന്റെ മാലാഖമാരുടെ ദിനം
സേവനത്തിന്റെ ലോകത്തെ മാലാഖമാരുടെ ദിനമാണ് ഇന്ന്. മേയ് 12 അന്താരാഷ്ട്ര നഴ്സസ് ദിനമായി ഇന്ന് ലോകമെമ്പാടും കൊണ്ടാടുകയാണ്. ഇന്റര്നാഷണല് കൗണ്സില് ഫോര് നഴ്സസിന്റെ തീമിന്റെ ഉള്ളടക്കം ദീര്ഘകാലം ശയ്യാവലംബികളായി കഴിയുന്നവര്ക്ക് മേന്മയേറിയ പരിചരണവും അതോടൊപ്പം നിസ്വാര്ഥമായ സാമൂഹ്യസേവനവും നല്കുക എന്നതാണ്.വിളക്കേന്തിയ വനിത എന്ന് ലോകം വിളിച്ച ആധുനിക ആതുരശുശ്രൂഷാ രീതിയുടെ ഉപജ്ഞാതാവായ ഫ്ളോറന്സ് നൈറ്റിംഗേലിന്റെ ജന്മദിനമാണ് ലോക നഴ്സസ് ദിനമായി ആചരിക്കുന്നത്. 1820 മേയ്
12 നു ഫ്ളോറന്സിലായിരുന്നു നൈറ്റിംഗേല് ജനിച്ചത്. ഫ്ളോറന്സ് നൈറ്റിംഗേലാണ് ആധുനിക നഴ്സിങ്ങിനെ കാരുണ്യത്തിന്റെയും അര്പ്പണബോധ ത്തിന്റെയും പുണ്യകര്മമായി മാറ്റിയത്.ദൈവം ഭൂമിയിലേക്ക് പറഞ്ഞു വിട്ട മാലാഖമാർക്ക് ആശംസകൾ.
HEALTH IS A HUMAN RIGHT
Prof. John Kurakar
No comments:
Post a Comment