ലോകത്തിന് ഒരു നേരത്തെ ഭക്ഷണവുമായി 'മലബാർ അടുക്കള' ഇന്നിറങ്ങും
യുഎഇ പ്രസിഡൻ്റ് ഷെയ്ഖ് ഖലീഫ ബിൻ സായിദ് അൽ നഹ്യാൻ ആഹ്വാനം ചെയ്ത ദാന വർഷാചരണത്തോടനുബന്ധിച്ച് യുഎഇ വൈസ് പ്രസിഡന്റും പ്രാധാനമന്ത്രിയും ദുബായ് ഭരണാധികാരിയുമായ ഷെയ്ഖ് മുഹമ്മദ് ബിൻ റാഷിദ് അൽ മക്തൂം പ്രഖ്യാപിച്ച ഭക്ഷ്യബാങ്ക് പദ്ധതിയിൽ പങ്കുചേരുന്ന 'മലബാർ അടുക്കള' ഫേസ്ബുക്ക് കൂട്ടായ്മ ലോകത്തിന്റെ വിവിധ ഭാഗങ്ങളിൽ പാവപ്പെട്ടവർക്ക് ഇന്ന് ( 27) 'ഒരു നേരത്തെ ആഹാരം' നൽകും. മലബാർ അടുക്കള കോ ഒാർഡിനേറ്റർമാരുടെ നേതൃത്വത്തിലാണ് വിതരണം നടക്കുകയെന്ന് സ്ഥാപകനും ചെയർമാനുമായ മുഹമ്മദലി ചാക്കോത്ത് പറഞ്ഞു. എല്ലാ ഗൾഫ് രാജ്യങ്ങളിലും കേരളത്തിലെ മുഴുവൻ ജില്ലകളിലും കൂടാതെ മുംബൈ, ഡൽഹി, മംഗലാപുരം, ഹൈദരബാദ്, ഊട്ടി തുടങ്ങിയ നഗരങ്ങളിലും തുർക്കി, അമേരിക്കയിലെ ടെക്സാസ് എന്നിവിടങ്ങളിലും ഇതിനുള്ള ഒരുക്കങ്ങൾ പൂർത്തിയായി.
അംഗങ്ങൾ ഉണ്ടാക്കി കൊണ്ടുവരുന്ന
ഭക്ഷണത്തോടൊപ്പം റസ്റ്ററൻ്റുകളുടെ സഹകരണവും ഉണ്ടായിരിക്കും. യുഎഇ ലേബർ ക്യാംപുകളിൽ ബിരിയാണിയാണ്വിതരണം ചെയ്യുക. അജ്മാൻ ഉൾപ്പെടെനാല് ലേബർ ക്യാംപുകകളിലായി രണ്ടായിരത്തോളം തൊഴിലാളികൾക്കാണ്
ഇവിടെ ഭക്ഷണമെത്തിക്കുന്നത്. അഡ്മിന്മാരായ അനസ് പുറക്കാട്, ലിജിയ റിയാസ് തുടങ്ങിയവർ നേതൃത്വം നൽകുക. ഡൽഹിയിൽ 500 പേർക്കും മംഗലാപുരം ഗവൺമന്റ് വെൻലോക് ആശുപത്രിയിൽ 1000 പേർക്കും മലയാളി നേഴ്സുമാർ നടത്തുന്ന തുർക്കിയിലെ അനാഥാലയത്തിൽ 500 പേർക്കും ഭക്ഷണം നൽകും. ഹൈദരബാദിലെ കാൻസർ സെന്ററിലും ഊട്ടിയിലെ അനാഥാലയത്തിലുമാണ് ഭക്ഷണം വിതരണം ചെയ്യുന്നത്. മുംബൈയിൽ നാലോളം സ്ഥലങ്ങളിലായി
അഞ്ഞൂറോളം ആളുകൾക്ക് ഭക്ഷണം നൽകും. കേരളത്തിൽ വിവിധ ജില്ലകളിലുമായി
40 കേന്ദ്രങ്ങളിൽ ഭക്ഷണം വിതരണം ചെയ്യും. തിരഞ്ഞെടുത്തഅഗതി മന്ദിരങ്ങൾ, വൃന്ദസദനങ്ങൾ, ആശുപത്രികൾ, കുഷ്ഠ രോഗാശുപത്രികൾ, ഭിന്ന ശേഷിക്കാരായ കുട്ടികൾ പഠിക്കുന്ന സ്കൂളുകൾ, ജനസേവ ശിശുഭവൻ, അന്ധരായ കുട്ടികൾ വസിക്കുന്ന അനാഥാലയങ്ങൾ, കരുണാലയം, പെയിൻ & പാലിയേറ്റീവ് സെന്ററുകൾ തുടങ്ങിയ മൂവായിരത്തി അഞ്ഞൂറോളം പേർക്ക് കേരളത്തിൽ ഭക്ഷണം വിതരണം ചെയ്യും. പല സ്ഥലങ്ങളിലും സ്ഥലം എം എൽ എ മാർ അടക്കമുള്ള ജനപ്രതിനിധികൾ സാന്നിധ്യമുണ്ടായിരിക്കും.
സൗദിയിലെ ജിദ്ദയിൽ മൂന്നോളം ലേബർ ക്യാംപുകളിൽ ഭക്ഷണവും റിയാദിൽ 200 തൊഴിലാളികൾക്ക് ഭക്ഷണവും കമ്പിളി പുതപ്പും വിതരണം ചെയ്യും. ദമാമിലും 400 ഓളം പേർക്ക് ഭക്ഷണം വിതരണം ചെയ്യും. കുവൈത്ത്, ഖത്തർ, ബഹ്റൈൻ, ഒമാനിലെ മസ്കത്ത്,സലാല എന്നിവിടങ്ങളിലായി ആയിരത്തി അഞ്ഞൂറോളം തൊഴിലാളികൾക്കും ഭക്ഷണം വിതരണം ചെയ്യും. ലോകത്തിലെ വിവിധ ഭാഗങ്ങളിലായി പതിനായിരത്തിനു
മുകളിൽ ആളുകൾക്ക് ഭക്ഷണം വിതരണം ചെയ്യുമെന്ന് മലബാർ അടുക്കളയുടെ അഡ്മിൻ കുഞ്ഞബ്ദുള്ള കുറ്റിയിൽ പറഞ്ഞു.
ദുബായ് ആസ്ഥാനമായി പ്രവർത്തിക്കുന്ന
മലബാർ അടുക്കള ഗ്രൂപ്പ് അംഗങ്ങളുടെ എണ്ണം 2.22 ലക്ഷം പിന്നിട്ടതിന്റെ സന്തോഷം കൂടിയായാണ് ദാന പദ്ധതിയിൽ പങ്കുചേരുന്നത്.
യുഎയിൽ മാത്രം 60,000ലേറെ അംഗങ്ങളുണ്ട്. ചരിത്രത്തിൽ ആദ്യമായിട്ടായിരിക്കും ഒരു ഫേസ്ബുക്ക് കൂട്ടായ്മ വിവിധ രാജ്യങ്ങളിൽ ഒരേ ദിവസം ഭക്ഷ്യ വിതരണം നൽകുന്നതെന്ന്
അഡ്മിൻ ഫൈസൽ കണ്ണോത്ത് പറഞ്ഞു. .
Prof. John Kurakar
No comments:
Post a Comment